ألو
الووو
مطعم حسافتج يا كويت؟؟
إي نعم تفضل
أخوي عطني خمسة تشكيل وزاري و ثلاثة حل أمة و اربعة تدوير وزاري
إنشاء الله يايك الطلب عقب ساعة
انزين زيد الشطّة ابيها تلهلب
حاضرين للطيبين
مع السلامة
مع السلامة
---------------------------------------------------
حان الأن موعد ال showtime وفرد العضلات من النواب
فالشعبي ضعف ويريد أن يقوي نفسة للإنتخابات القادمة
وحدس فقدوا شعبيتهم بعد تبنيهم لحماس والدبكة الحلوة من ناصر الصانع
والسلف ظاهرة وإنتهت
والتحالف تفكك
والعوضي مالة وية يشوف نفسة بالمنظرة
ودميثير عادي ويها مغسول ب.........
والخرافي كالعادة يقول ماني داش وهذا اخر مجلس ويدش
ومرزوق الغانم قام يخورة
والراشد مثل الغراب اللي بقلد مشية الحمامة فماقدر يقلد الحمامة ونسى مشيتة
والمطير قام يرقل.. ربعة عساهم يفججون بعمرهم .. شكلة اهو اللي صار System Down
والطبطبائي الناس ملو منة
وهايف اثبت إنة هايف
والدويلة اثبت أنة الفداوي الأول
والحبل على الجرار
أنا شخصيا مادري الكويتيين ابينتخبون منو هالمرة
عشان جذي بتشوفون تفلسف وسب وفرد عضلات وتمثيليات ومسلسلات ماتخلص وفجأة اصبحت الكويت كلها ابطال
----------------------------------------
رسالة إلى ضريطة السياسة ورئيسها أحمد يارك الله
خابت مساعيك ومساعي من وراك
ويارك الله على الايام الياية
----------------------------------------
أنا شخصيا ماني مستانس لأن عنصر الضعف مازال موجود فما طبنا ولا غدى الشر
---------------------------------------
وأخيرا اموت واعرف جاسم الخرا في بينزل ولا لأ لأنة قال هذا اخر مجلس وقبلها هم قال.. على العموم نزل ولا عند يدي عاد
بس يا أيها الملياردير الكبير بالعمر الصغير بالافعال أرجوووووك ارجووووك 120 دينار ونظف ضروسك الصفر
الاشتراك في:
تعليقات الرسالة (Atom)
هناك 35 تعليقًا:
وحياتك نفس السيناريو وأخس
راح ينعاد مع المجلس اليديد
وراح يردون فزّاعات الأمة واحد واحد
وكأن شيئا لم يكن
وسلملي على الأصوات من ألحين :)
سكـــــــــــــــووووووب بتصير حلبة مصارعه ويكون فيها الاولمبياد الكويتي لرفع الحناجر بالصوت
كله على بعضه سيم سيم
زميل امس يستبعد اي حل قلت له خير ليش
قال الخرافي قال مو نازل
من وين لهم رئيس اللحين
تصدق قعد اقولبها براسي اذا بو عبدالمحسن صمل و قال ماني نازل من وين البديل صج هالمره ترى مو تنسى52 مو اي شي
تهقى بيصمل و الا بيضحى و ينزل علشان البلد
هاهاهاهاهاهاههاهاهاههاها
هاهاهاهاهاهاهاهاهاهاهاها
هاهاهاهاهاهاهاهاهاهاهاها
واااااااااي
من يقول أن الحمره شابّه عندك
هاهاهاهاهاهاهاها
هاهاهاهاهاهاهاها
حسافتج ماني قادره أسكت من الضحك
ال ١٢٠ دينـــــــــــــــــــار!!!!!!!!!
أشلون طرت عليك؟
نقدر نغير اسم المجلس
الحرملك
وما يجيبها الا ستاتها
"نقدر"
مو مقتبسة من
yes we can
قبلها و قبيلها
مبيوق
هدوا!!!!!
مبيوق
مراسلتكم من منازلهم
باجر جلسه في المجلس
اليوم ما مش حل
ضرس الملياردير ملياردير الضروس
إهي إهي نفس الويوه بترجع.. قول ما قلت.. خو إحنا ماكو إلا لسان يلطلط .. فعل ما ميش
** زوجي يحلف إن ماكو حل ...
** يا خبر النهارده بفلوس بكرا يبقا اب 120
انا مالي شغل بكل الكلام اللي ينقال عن المجلس والحل واي بس متنا
بس مت ضحك على ال120 هههههه والله قطه عجييبه
أضم صوتي لصوت جندال جربوا المزيد من النساء النائبات
شخصياً ما أتصور باًصوت حق ولا رجّال لأن الكل خيب ظني
الأربعة أصوات لوجوه نسائية
وإذا عندي بس صوتين ودوائر عشر وترجع كيفان بروحها ..ما لي إلا عواشة الرشيد
أتصدق هم أحسن من علي الراشد
وأقترح على الرئيس القادم اللي أتمنى ما يكون ناصر المحمد أن يكثر من الوزيرات على الأقل ثقال وحريصات وما يطبون طبات الشمالي المبوّش
للمره الاف بدعت حسبي الله علي ابليسك...١٢٠ دينار تنظيف ضروس؟ هو خله يتسبح اول وعقب...خله ينظف اضروسه
انا اقول بالانتخابات اليديده لازم كلهم حريم....لان الحرمه هي اللي تدير البيت والفريج بعد ...يعني ماتقدر على الميلس....
غير معروف
ادري نفس السيناريو
ادري ادري ادري مع الاسف لا تذكرونا بخيبتنا
kq8
بنشوف هالسنة طخم الالماس على فجير
انتر
الدياية تموت وعينها بالسبوس
بينزل الخرافي وجنة العيد
وإن ما نزل نزلوة غصب
نانو
وأنا عند ربي صاج شفتي ضروسة؟؟
أنا لو عندي فلوسة جان كل يوم اركبلي صرس يديد ما انظف مولية
جندل
مجلس الحرملك
والله إعجبتني
والوزراء إنسمية السرملك
تكمل
المقوع
إنتي وينج غاااااطة
ترى ما بقى شي على الإستجواب
بطلي البوست لا ترى انزل إستجوابي لج
وإذا في أمهم خير جوجل خل يحلون البلوقات
مطقوق
في ضروس سعود سوس
عشقناها
ريلج ليش نحييييس
عندة خبر وخاشة قوليلنا
انجل
ترى صج مو غشمرة ضروسة صفر مادري ليش ما ينظفهم
يبط الجبد لا ضحك
ولادة
والله الحريم اللي كبرونا وسونا ريايل مو عيزانين يديرون البلد
وانا بعد وياكم
أم الحفيز
لوووووووووووووووووووووووول
شدراج عنة ما يتسبح شامة ريحتة؟؟
ههههههههه
الله يجبر بخاطرك يا مبيوق
:)
ولادة
وبخاطرج وبخاطر ديرتنا اللي محد ملقيها وية وجابر بخاطرها
حيث جذي
من مدونتك ابعث برسالة رقيقة لكل من "بنت الحاي و ناصر الصانع"
براحة مركز الصقر حللللليييييي يا بنت الحاي
وبراحة حديقة جمال عبدالناصر حل ولادة بنت المستكفي يا بو الدبجة
يا زينها من دائرة كلها
action
:)
------------
مبيوق... كل تييب حق عمرك الشقى!!! عمري ما طليت بضروسة... يالله ولبي اعد "ألمازات" ساعته
:)
وأحلى من العقد لباسه
"ألمازت(ن) تلبس ألمازة
:))
نحاسة دوت كوم
:)
جندل
مو غلط يركبلة الماصات بضروسة
يلقّون مع البشت الأسود
جندل
إشفيها ولاّدة؟
ولادة
اسم الله عليك ما فيها الا كل خير
:)
قاعدة احجز براحات حق مقري و مقرك الانتخابي
انا عن نفسي جربت شاورمة هند النشيط واعجبتني... بقلدها و بييب من سباجو
والصاج بعد ما حاجة... ام صهيب تفي بالغرض
شرايك نطلع فيها و نحط شوكليت فوندو؟؟؟
هذي بروحها يبيلها بوست!!!
عمو جاسم مسافر السبت بيسوى اسنانه
عسى ما يفاجئونه وهو هناك لووول ذنبه برقبتك
براحه بيتنا حاجزتها لطيبه الابراهيم
انا مفتاحها الانتخابي0
المقوع
بليييز مالي خلق ذنوبة
بروح اللي فيني كافيني
هاااااااوووو ان شاء الله ماتدري عنه انت؟؟؟؟
جندل
على بركة الله
:)
بس ننزل بقائمة ثنائية حالنا حال محمد عبدالقادر وأحمد الديين
أما الأكل يا صاج! يا شكولات فوندو
الصاج يبيله كنافة وإلا أم عليّ
والفوندو يبيله كانابيه
والراي رايك بالأخير
من قالك الشعبي ضعف
الكبير كبير
ولادة
لازم نرضي جميع الاذواق
:)
بهالدائرة كل ساقط له لاقط... أحس الكويت كلها فيها
اللي يبي يشرب السموذيز والبليندز موجود واللي يبي يشرب فيمتو وشربت هم موجود
حتى شاي باللقاح ونباتة بدال الشكر بتلاقين عليهم طلب بهالدائرة
خلطة عجيبة... ولا خلطة خرسانة مسبقة الصب!
* تخيل ان الخرافي ماينزل و تفوز طيبة الابراهيم و يحطونها مكانه ...
** أنا بسأل انتوا قاعدين تتحلطمون عالنواب بالله منو اللي انتخبهم مو اتنوا ترشحونهم و عقب ماينجحون تطلعون المستخبي ..
*** يا عيال كيفان ترى والله غثيتونه بالطبطبائي بس لي متى ...
إرسال تعليق