ولا تبون تكملون على خمالكم الاولي. من باب ((باجيه ولا يبات))
البلد إقتصادها ينهار .. الشركات كل يوم تفصل لها عشرات من الموظفين.. الكويت ليست بلد سياحية او صناعة
الكويت بلد نفطي إستثماري وإقتصادة شي مهم والاهم سمعة هذا البلد إقتصاديا....
أنتوا لو هادين القرعه ترعى من الاول من غير تصريحاتكم وايد أحسن بس ألحين (عشمتيني بالحلق .خرمت وداني...لاطلت انا الحلق ولا آدر ارجع وداني)
شبابنا مهدد بالطرد يوميا من شركات القطاع الخاص بسبب تخاذلكم في إقرار القوانين...
حنا ما نقول أنكم سبب في هذة الأزمة ولكنكم سبب في أن تكبر هذة الأزمة..
الحلول موجودة والاموال موجودة وماكو لا عوير ولا زوير يناشبكم !!! اشتبون بعد
قعدتوا تقولون نبي شبابنا يروح القطاع الخاص وصرفتوا ملايييييين على حملة (هدة خلة يتحدى)... ويوم هدوهم قصيتوا الحبل فيهم!!
سوولكم شي كلها قرار وبس !!
سوولنا شي واحد حق هالديرة خل نذكركم فية بالخير... حكومة ضعيفة بمجلس أمة..واضعف من غيره!!
مالت على البامية أم السناسين
هناك 17 تعليقًا:
يخافون !
عشمتيني بالحلق .خرمت وداني...لاطلت انا الحلق ولا آدر ارجع وداني
لووووووووووووول
الله والقوانين عاد اللي عندهم عشان يصرفونها بالعاجل
بغوا الناس تتجه للخاص واليوم مو مستفبد الا اللي ما سمع كلامهم كالعاده
مو بس اللي موظف بالخاص انت شوف اللي بملك نشاط خاص ومشروع صغير وهمه على جنبه اليوم انكسر صح
ثقافة البلد صارت الزق بشيخ والا بتاجر كبير وخل الاحترام عنك مثل الكثار المستفيدين
سلام،
بالنسبة حق تعليقي على الموضوع اللي طاف، فعادي أفا عليك، مسحته ولا إنمسح ما يفرق، المهم شفت ردك عليه ...
بالنسبة حق موضوعك اليوم، فوالله ان الديرة فيها كل شي ..فلوس موجودة بالهبل، عقليات من كل نوع موجودة، إن بغيت إقتصادية، سياسية، إجتماعية، صحية، تعليميه، تنموية و إنت ماشي، كله موجود و ناس وايد تحسدنا عليهم.. بس ديرتنا حابة تمشي بالمنكوس، وين الشي الغلط ركضة وراه .. ولا بالله عليك، ديرة تونا غصب طيب وصلنا المليون(مع التجنيس و خرابيطهم) و مو عارفين إنسوي لنا مستشفى مثل العالم، جامعه عدلة ما عندنا، حكومة كل جم شهر زعلانة و رايحه مشتكية على المجلس عند صاحب السمو الأمير؟ بالله هذي حالة، وين التنمية، وين الاهتمام بالديرة و شؤون المواطن وين النظرة المستقبلية و المشاريع التنموية، حتًى خطة خمسية على الورق(بعد مو صج بس على الورق) مو عارفين يكتبونها.أرد و أقول الله يعينج ياكويت على بلواج
ومنو اللي قالك ان قانون الاستقرار بيفيدك
الشعب مقزرينها خيوط بالأذن لين الله يسهل ويطولون الحلق
:p
باجيه ولا يبات.... تذكرني بآخر يوم بالسفر وبنرد الكويت
مثل المطفق بالسوق... وتعال شوف السوق الحرة! ما نتذكر الزعفران الا هاليوم! عاد غالي وخربوطة مال المطار... بس شنسوي لزوم الصوغة
وإلا بو ستفان ما يقصر!
:p
صباح الأمثال اللي تقلب المواجع
You are absolutely right. Who wants to be in the private sector anymore? Do you know that some Banks refuse to give credit cards and loans to people working the private sector? I work in a compnay right now and two banks refused to give me a loan. One of them is even refusing to give me a credit card. Did I make a wrong decison of joining the private sector? And then they encourage kids to join the private sector. Have you ever seen Da3m El 3amallah? Go there and pay a visit and you will know why we should not join the private sector.
احمد الحيدر
شخافون منة؟؟ أهم حكوووووووووووومة شتخاف منة حتى مجلس ماكو
إلى قول رداية
هاشمي
بعتقادي أن القوانين المطروحة ليسة كاملة وصحيحة 100% ولكنها تخفف من جانب وترفع المعنويات من جانب
يا اخي على الاقل نقول عندنا حكومة قرار
كويتي
حكومتنا اكبر دقة بالتاريخ الكويتي
سوق المناخ
والله العظيم إنمسح بالغلط ورب الكعبة!!
ويمكن خيرة لأن الكلام وايد يودي بداهية!!
هههههههههه
واايدك بكلامك كلة
تدري ان لو ناخذ ربع ميزانيتنا ونعطيها عمدة مدينة بريطانية ونعيش كلنا تحت تخطيطة صدقني محد يتذمر
المشكلة بالكويت صايرة مشكلة قرارات ومشكلة إختيار وزراء
وفي مشكلة هم باطة جبدي
جنهم يقولون الديرة مؤقتة خل نرقع فيها
ابو الدستور
ادري ما يفيد
بس قانون الاقتصاد صاير جنة دوى الكحة مال المستوصف... مايسويلك شي بس يعطيك شعور ودافع إنك تتحسن
جندل
لووووووووووووووول افارقة مو كويتيين
ما ظنتي بطولون شي
جندل
ههههههههههههههههه
مو صج تعليقاتج مو صج
ههههههههههههههههه شتريقين الصبح؟؟؟ شنو هالخف طينة
يبيلنا بوست تسوينة عن الامثال
بي كي كي
عدل كلامك والله وصدقني الحكومة انا اسميها حكومة انصاف حلول
او على طريقة ولا تقربوا الصلاة وتسكت
ماتعرف تسويلها برنامج صحيح لمدة 5 سنين تمشي علية الديرة صح
وهقونا ووهقوا خلق الله
مجلس إدارة حضانة يدير احسن منهم
صديقه لي كانت تشتغل بشركة وهي خريجة معهد راتبها الفين الا شوي
ومرتاحة جدا جدا
والشركة طالبينها شخصيا!!
البنت من شهر 11 الي طاف لي يومك موقف راتبها بحجة الازمه
واظطرت انها تقدم على ديوان الخدمه وترضى باي وظيفه باي وزاره
فلك ان تتخيل نفسيتها
فعلا الموضوع يحتاج لتدخل على مستوى كبير
:((
طبعا البوست كله بصوب
والختمة صوب ثاني
ههههههههههههههه
ياربي ليش لما يخلص البوست احسك رقعت الباب بويوهنا
:Pp~
إرسال تعليق