أثناء هذة العاصفة الرملية التي إجتاحت البلاد... (خمطت) بيدي الهوى ولقطت حبة رمل صغيرة وقعت أكلمها ودار هذا الحوار بيني وبينها...
أنا: انتي من وين ياية ؟؟
حبة الرمل: آني ياية من الشمال عيوني!!
أنا: وشهاللوية وليش أنتي وأهلج وطوايفج ياين ومأذينا وخانقينا؟؟
حبة الرمل: ليش عيوني ممنوع؟؟؟ هذاك اول .. حنا هسة في عولمة يعني مافي شي إسمة ديرتي وديرتك !!
أنا: وشمعنة الكويت؟؟
حبة الرمل: عيوني... طالع باوع بس باوع هاي الكويت كلشي بيها فلوس. خير. حكومة ينقص عليها. مجلس أمة مايعرف كوعة من بوعة
وبعدين أريد اقلك.. أني اهلي نصهم إجوا معاي والنصف الباقي إجا قبلنا وهم كلش مستانسين ومرتاحين.. يقولك ارض طيبة مثل هيجي ماشفنا.. ناس يمشون على الأرض يخافون لا يوجعونا... يقولون عدكم الفلوس بالهبل يابا..
أنا: وانتوا شكوا بفلوسنا؟؟
حبة الرمل: هاي شتحجي عيني؟؟؟ آني اعرف ولد جيرانا من 40 سنة إجا للكويت مع عاصفه رملية بالزامانات.. وصار كويتي وهسة اهو ماسك منصب هوايا جبير بالبلد.. وأني جاية مع اهلي على مود إنصير مثلة وناخذ السبعين الف مالت الإسكان.. وهاي اللي يسمونة دعم عمالة... يقولك إجلس بالبيت وإستلم 400 دينار ولا تنسى بناخذ طلبات من هيئة الزراعة نريدن جاخور ومزرعة و اخوي ناوي يتجوز وسمعنا عدكم اللي يتزوج ينطوة 4000 آلاف هذا غير العلاج المجاني والجواز الكويتي اللي وين ما ودك تروح ينطوك فيزا
أنا: ومن قالج ان الكويت تعطي هالاشياء حق كلمن؟؟ هذي بس حق الكويتين!!!
حبة الرمل: ههههههههههههههههه يابا أني شحجي من الصبح اقلك جاين حنا ناخذ الجنسية لكويتية!!
انا: ههههههههههههه مو بكيفج اني يا اللوث تاخذين الجنسية؟؟
حبة الرمل: هههههههههههههههه عيني آني قايلتلك ابن جيرانا كان جاي لوث مثلنا وهسة هو في منصب كبير .... اقيلك؟؟؟ بس مو تقول لحد!
أنا : قولي قولي؟؟!؟!؟!
حبة الرمل: ابن جيرانا هذا بالجيش عدكم !! وعايش هوايا زين من 40 سنة او اكثر والله ما اعرف إجا وقال هاي كلمة السر (أني ب ب بد بدو بدوو بدون بدون )إي هاي هيا قال اني بدون وبس اشتغل جم سنة عند شيخ وانطوة الجنسية .. وهو ألحين ساكن بمنطقة هواية حلوة وعدّا بيت ومتجوز كويتية بعد.. وخلاص صار كويتي ها ها ها ها ها ها... فا انا وجماعتي اكلنا تبن من العيشة بالشمال وقلنا نجي للكويت وماكو اي طريقة نجي إلى مع الغبار ونذوب بالمجتمع الكويتي وندخل بأنفاسكم وإنسبب الحساسية والربو إلين تقولون بس بس تعبنا وتنطونا الجنسية...
أنا: أها هاي هيه...؟؟
حبة الرمل: إي عيوني هاي هية... وازيدك من الغبار حبة...حنا نجي ونقعد على أرضكم وقبل لا يطلع الخير بيها ناخذة حنا قبل حبة الرمل الكويتية... اقيلاك؟؟؟ تعرف ليش الله ما ينزل المطر عدكم؟؟
انا : لا والله ما اعرف قولي ليش؟؟
حبة الرمل: هاي الله غاضب علينا إهناك بالشمال وما ينزل المطر عدنا ينزل بس رصاص ودم... ويوم إجينا للكويت المطر مستخسر ينزل علينا ....
انا: ويوم إنكم تدرون ماكو مطر ليش ياين؟؟؟
حبه الرمل: أغاتي حبيبي حنا إذا الماي ماينزل من السما .. حنا نمصة مص من الأرض
أنا : اعوذ بالله !!! ذلفي ذلفج الله
حبة الرمل: هاي شبيييييك ليش تلومني ؟؟ لوم اللي سمح إني اقعد في بلدك وينطيني الجنسية و آخذ من خيركم .. أني مالي صوج.. الصوج صوج حكومتكم ونوابكم... اقلك على طاري النواب.... تعرف إن في كم نائب هسة مرشحين عمرهم كانوا عايشين معانا ولما إجو للكويت شافوا الخير وصاروا يمثلون الامة الكويتية هاهاهاهاهاها
أنا: طسي عن ويهي
حبة الرمل: زين زين بطس لكن اريدك تعرف شي واحد .. أني واهلي بنقعد بالكويت وبنلزق بالجدران البيوت وبنكتم على هالارض وماراح نطلّع خيرها إلكم وبنذوب بين رملكم وبن غير تركيبه المجتمع وبتضل حبة الرمل ياللي تقول عنها لوث فوق حبة الرمل الكويتية....
مع الاسف هذا الرمل ياي من كل مكان .. شمال جنوب غرب شرق ليستقر على تراب الكويت ويغطيها ويغير تركيبتها ويقتل خير الكويت ومع هبوب الرياح ينتقل دون ولاء وتبقى أرضك يا كويت صحراء قاحلة جافة لا يعشقها إلا الشرفاء الكويتيون
هناك 47 تعليقًا:
آآآآآآآآآه يا حسافتج
أصبت كبد الحقيقة
اي والله ذبحنا هالغبار و تنكنا و عمى عيونا
هذا لا كمام ينفع وياه لا فنتولين لا بطيخ
هذا يبيله مطره تغسل الديرة من هالتربات و الغبرات
لا بارك الله فيهم
ما أقول الا
اللهم أغثنا
اللهم أغثنا
اللهم أغثنا
واااااااي ما اقدر بعدين باعلق
ههههههههه
ههههههههههههه
رمله تقول صوج
من وين امطلعها
لوووووووول
أنت أكيد ما فيك عرق من البصره؟؟؟؟؟!!!!
الحين شنو يفكك من أم الجنادل
بس قول حق حبة الرمل
مشّي بوزج
هذاك قبل..الجناسي..و حسبي الله على اللي جنسهم..عشان يفتك منا
و الحين شكله السحر أنقلب على الساحر
ما اقول الا حسافتج يا كويت
عورت قلبي مبيوووق ايه والله انت صااااج لازقييين فينا و المشكله الغبار قام ايزيييييييد و يقلب الوان بعد... ان شاء الله ينزل مطر و يشيل اليدييييد و القدييييييييييييييم
Purplecious:
العزيزه جدا أم البنفسج..عابلت..و ما عرفت
قلت لج..ما أعرف..
أشرايج أعطيج أيميلي و الباسوورد و تعابلين لي أنت
أذا وافقتي..أكون ممتنه
نانووووو
موااااافقه
:))
بيربل
اللهم أميييين
يبيلنا مطر وتيزاب ومفراكة وديتوول بعد
المقوع
هههههههههه
من الغزو
نانو
هههههههههههه
شعقبة
عقب ما تشبعت حبات الرمل من خير الكويت؟؟
عقب ما ذابت في مجتمعنا وغيرت تركيبتة؟؟
يا معودة اللي صار صار والديرة شوفت عينج
صدقيني مايطلعهم إلا لا فقرت الديرة
جونا
قلتلج الغبار غير شكل لون ترابنا
الله كرييييييييم
سوق المناخ
تعليقك مسحتة بالغلط
ارجوك إذا تبي تكتبة مرة ثانية على راحتك
بس لعلة خير إنة إنمسح
انا قريتة وإذا تبي ردي هو
فعلا ودرنا ووهقنا والله كريم
بس طول بالك
هههههههههههه
تكفى استجوابها خل تقول لنا اسماء النواب السابقين والمرشحين
اصحاب الجناسي المزدوجة
بصراحه ابداع شوي عليك
مركبنا
لايمكن تفتن عليهم ليش إنهم صاروا عزوتها الحين
وشكرا
ياعل ماااااااااكو شمال قول امين
قطيييييعة تذكرتهم ايام الغزو
دود وحوش وطاويط
بس مو اوااادم
قطيعة تقطع العدو
عاد شفت الدقات على ويه حبة الرمل
ولا ما بينوا الدقوق
PP:
@@
ولككككم حاشاتنا حساسية من البوست!!
شهالرمل اللي ما يبين من الدقات!!!
وقلتلها يا حلوة ارويني, عطشان مية اسقيني
قالتلتي روح يا مسكيني, ماينا ما تروي العطشان
وطالعة من بيت ابوها رايحه بيت الجيران ماشي ما سلم عليا يمكن الحلو زعلان.......
بلللللل عليهم... من عمر واحنا نطر مايهم طرارة!!! الله لا يعوزنا حقهم!!
اهدي حبة الرمل اغنية قوللي يا حلو منين الله جابك!
فانكوفر
لوووووووووووووووووووووووووووووووول
هههههههههههههههههههههه
الله يقطع ابليسج
اشوفها الحبة امخوضرة اثاريها دقات
جندل
لووووووووووول
إهدائج وصل وصل
وليش ليش ليش يا جارة تغبرين علينا الزيارة
حسافتج , ترا متنا وتعبنا من المواضيع اللى تعور القلب , الجو مغبر والاقتصاد الله يرحم حاله , وحالتنا حاله , والحين موضوعك عن بوعرقه , يعنى من احباط الى احباط
اخوى نبى الجزء الثانى - قصة غريب -
شئ ننسى فيه واقعنا , لاعت جبوودنا
دمها خفيف هالرمله لووول
جندل اهدائها عجيب هههههههه
غير معروف
شسوي مو في باريس قاعدين ولا في النمسا أو المالديف!!
حنا بالكويت وهذا واقعنا
بس وعد انزل شي فرفوشي يبرد على جبودكم قريب بس خل يتعدل الموووود
انجل
فعلا دمها خفيف لكن واقعها علينا مثل قرصة العقرب
وجندل ماكو مثلها خف طينة
المشكله موهني المشكله انها صج دام تبي جنسيه بتاخذ جنسيه تتزوجلها كويتي حبة هالرمل اللي مابالعين شي مثل مانفسها وايد سوت! او يدخلونها تحت بند الاعمال الجليلة ويقولك اهي اللي عمت عين الغزاة وبفضلها يقدرنا نطلع الشيوخ! او يمكن يقولون عنها مقاومه هالايام كل شي يصير بس تاخذ
من نتائج الحروب فساد المجتمع
فما بالك في مجتمع من وعى بالتاريخ و اهو من حرب لي حرب
الله لا يسلط عليناااااااا يارب
حسبببببببببببي الله عليييييهم
واي قهرتني العراقيه و بكل بقااااااااااااااحه تلاسسسسسسسسسن بعد
فرد قندره على هيج بجم
خيالك لين شطح يطلع
:)
القصه ابداع
بس الإسقاط مالها يعور القلب
اففففف
داشه اصبح
سلام
فعلا معبرة، شكرا على هالبوست
والله يعينج ياكويت
مساكين هالبدون كل المشاكل لازم اتيي من تحت راسهم
كلامك فيه من الصحه بس مو الكل ينطبق عليه هالحجي ترا حتى في عيال من بطنها على قولتهم خربوا اكثر من اللوث المتجنسين
الله يعين الكويت على الإثنين
انزين
ماكو تمر عهندي
هاشمي
صدقت والله
لوير
اي اي عندج اياها عاد بجمها كله دقات
صبحج الله بالنور يا الزين
شسوي هذا واقعنا يا الغالية؟؟
ايب واقع من باريس؟؟
الله كريم
فتح الخير
العفو... وربي يعينها على اهلها و على اللفو
غير معروف
انا ابدا ما اتهمت البدون البدون !!
انا اقصد اللي يدعون انهم بدون
وشكرا عزيزي
ابو الدستور
لا ماكو :)
البدون مساكين غالبيتهم محرومين من ابسط حقوقهم واللي تكلم عنهم غير من غير مايدعون انهم بدون ياخذون كل شي ومو بس من الشمال ياحسافتج من الجنوب بعد
غير معروف 3
أنا والله ما ظلمت البدون المظلوم حقا
انا انتقد البدون اللي جاي لوث وخاش جنسيتة
وانا اشرت إلى الشمال والجنوب والشرق والغرب ما خصيت الشمال فقط
وشكرا
اي والله صار اترابنا امخولط وصارو الكويتي غريب الوجه واللسان
اهى نماين اهى اسامى عجيبه غريبه قريت اكيد كشوفات الاسامىمالت النجنيس
بالصالونات ما يبقى عراقيه على مصريه عللى فلبينيه على مغربيه كلهم جناسىكويتيه
شكو
خيانه عظمى اللي قاعدين يسونه من تبربس بالتجنيس
والواحد ما ينكر ان فيه ناس انظلمو واولهم بنظري الشهداء البدون
ههههههههههههه
موو هذي حبة الرمل اللي قالت : عبرت الشط على مودك ؟؟
:)
أن شاكه أن فيك عرج كواوله ...!!
ليه فات الفوت ما ينفع الصوت
نواب اللي أهم نواب ... عندهم جنسيتين !!!!
بالله عليكم شلووون نائب اللي مفروض ولائه للكويت .. عنده جنسيتين ؟؟؟؟!!!!
الله ياخذكم اللي في بااالي واحد واحد ...
وآآآآآآآآه يا ديــــرة هلـــــي
ايي والله يبيلنا مطرة سنعة تغسلهم غسال
الله يكافينا شرهم إنشاء الله
وحسبي الله عليهم جانهم غيروا واعفسوا ديرتنا
و ولكم باك على: "حسافتج يا كويت"
تبي تعرف ليش ما في مطر هالسنين لان العنصريين امثالك اكثروا ، وما دام هذي العنصرية مستمرة ابشر بانقطاع الغيث
المقوع
مثل ما قلتي حنا ماننكر فضل البدون الأصليين لكن اللي ايي الكويت وخش جنسيتة وقول انا بدون ويعطونة الجنسية هذا التبربس بعينة وعلمة
دللي
قلتيها والله لا فات الفوت ما ينفع الصوت
وحسافتج يا كويت
سكاي
ثانك يو
وفعلا يبيلنا مطرة تغسل جبودنا ويبيلنا نفظة حق اللي خاشين جناسيهم
غير معروف
عزيزي يبدو انك ما قريت الموضوع عدل طقلك فرة على الموضوع مرة ثانية وبتفهم أني اتكلم عن اللي خاشين جناسيهم وليسوا البدون المظلومين
لقد كتبت بالسابق عن البدون وبينت ان ذنبهم برقبة الحكومة وأن هذا ظلم
القصة تحكي عن رملة تعرف اصلها وين وجذورها وين ومع هذا تبي تاخذ الجنسية الكويتية
السالفة مافيها عنصرية
خفف من اعصابك شوية واقرى الموضوع مرة ثانية رجاءا وبتعرف أن كلامي موجة غير مباشر للبدون اللي اساسا مايبون يقولون إن عندهم جنسية ثانية
تحياتي
السلام عليكم ورحمة لله
حبيبي لغالي
الكويت ملك للجميع
وأهل الكويت اللي يتسمون اهل لسور
من وين وصلوا هلديرة؟؟؟
نزلوا من السما؟؟؟
والا سيدنا آدم نزل بالكويت وياب كويتي وكويتية
وقالهم تكاثروا وسوو لكم شعب
وهذى الأرض بس لكم
وبعدين راح مكان ثاني وياب باجي البشرية!!!!!!!!!!!!!!!!!!!!!!!!
ياحبيبي كل شخص بالكويت
أصله من 3 دول العراق / إيران / السعودية
والقلة من دول ثانية متفرقة
وهني مربط الفرس
يعني ماكو داعي للطنازة على اهل العراق لأن احنا مو أحسن منهم بشي
أقل شي شعب حضارة وأرض الأنبياء
ولكن الزمن جار عليهم
وماكو داعي نتطنز على الشعوب الثانية
لأن كلنا من طين واحد وخلقة رب واحد
لازم نصحى من سكرة النرجسية والتكبر
لأن احنا راس مالن هلنفط وبس
ونرد للبدون ..
البدون ناس شرفاء قدموا لكثير للكويت
دون منه ومقابل
وقدمو دم
وانت تعرف شنو معنى كلمة دم
يعني اغلى مايملك الأنسان
وكانوا درع لكويت بالغزو وبيضلون
قرابين لهذا البلد العزيز عليهم رغم انه ظلمهم
ودمر كل شي حلو بحياتهم
ومافي انسان بالعالم يتحمل المرارة اللى عايشين فيها من جيل الى جيل
واذا تجنسوا شنو المشكلة واي نسيج اي
تتكلم عنه صراحه سالفة النسيج تفطس من الضحك
ليش مااخترب نسيج بريطانيا وامريكا للي حاكمها افريقي بدووون :)
يعني تبي تقنعني ان احنا احسن من بريطانيا وامريكا ههههه
ياخي راجع ضميرك قبل لاتحط راسك عالمخده
ترا الدنيا ماتسوى تظلملك طير مو بشر
ولاتزعل من كلامي ياخوي
غير معروف
الكويت ملك جميع الكويتين وليت ملك الناس عامة..
وثانيا: ارجع واقول انا ما اتكلم عن البدون الذين هم كويتيون اصلا
البدون نوعان
نوع مظلوم ولم ياخذ الجنسية لاسباب عديدة
ولا يعرف اساسا اصلة من اين
هذا سواء استشهد او خدم الكويت او حتى قاعد في بيتهم ما سوى شي يستاهل الجنسية
-------
نجي للبدون الثاني
وهذا اللي اقصدة في موضوعي هذا
البدون هذا وصل الكويت وخش جناسية وقال انا بدون وعاش وياب اعيال وظلم اعيالة وكابر وقال انا وعيالي بدون
وكبرو اعيالة ويابوا احفاد وقال انا واحفادي بدون عطوني الجنسية
أتصدق إن هالنوع هذا حتى احفادة يعرفون اهم من وين وساكتين يبون الجنسية
سواء من السعودية ولا العراق ولا ايران او دول الشام
يعني تبي هذا ياخذ جنسية باردة امبردة.. واهو عارف اصلة؟؟ بس متنكر لة؟؟
وشلون تبية ياخذ الجنسية إذا اهو باع اصلة وولاؤه للوطن الام..؟؟
نجي للشق الثاني من ردل لي وانت تقول اني اعيب؟؟
انا ما عيبت انا كتبت بالعراقي
ويين التعيب؟؟؟
اخنى بالكويت قمنا نشوف اللي يتكلم عراقي جنة يعيب... وصار عندنا احساس ان كلمة عراقي يعني غبي او ناكر جميل
وهذا غلط وانت فهمت اني اعيب وانا ابدا ما عيبت انا يبت الموضوع لان حوار بين كويتي وعراقية؟؟ وشي طبيعي الكويتي بتكلم كويتي والعراقي بتكلم عراقي
بس ما الومك لفهمك الغلط ولا الوم الناس لان اللي سووة فينا العراقيين مو شوية؟؟
--------------
اما عن النسيج....
ما اقدر ارد عليك إلا إذا عرفت جم عمرك... لأنك إذا ما لحقت على الاقل على السبعينات والاوائل الثمانينات ماراح تعرف قصدي
بس خلني احاول اقربلك المسافة
شوف تمثيليات قبل وشوف اليوم ولا تقولي هذا تمثيل .. ادري تمثيل ولكنة يعكس ولو جزء يسييير من الواقع
اطلع السوق اليوم وتذكر السوق قبل
وايد امور ماني قادر احصرها لك سببها دخول هويات اخرى على البلد وضياع هوية البلد ولا تقولي احنى احسن من بريطانيا وامريكا
نعم احنا وايد احسن متهم من ناحية نسيج المجتمع والاخلاق وهذا اللي انا اقصدة
---------------
وبالنهاية لو براجع ظميري ظميري مرتاح وانا ادافع عن بلدي
وعلى فكرة لو كلفت نفسك وقريت الموضوع مرة ثانية لوجد ان شرهتي وعتبي ليس على البدون فحسب
انا شرهتي على اللي خلق شي اسمة بدون بالكويت وهي الحكومات وسياسة البلد الخايسة
إن كنت بدون وتعاني فوجد الحل لك كما اوجدة غيرك لان الوضع جذي بتعبك وبيظلم اعيالك مثل ما ابوك ظلمك او جدك هذا إذا كنت تعرف جذورك وإذا ماتعرف فما ضاع حق وراة مطالب وانا اول واحد اايد انك تاخذ الجنسية لانك كويتي اصلي
سواد قدمت الدم ام لا
أما إذا كنت كويتي وتتبنى هذة القضية الإنسانية فارجوك ركز وأسال عن البدون ودرجاتهم ومن هم ولماذا اصبحوا بدون وهل هم جميعا مظلومين؟؟
بتلاقي الإجابة أن السمجة الخايسة تخيس باجي السمج
وشاكر ردك وإسمحلي طولت عليك
شنو تعريف الــ "لفو" او "اللوث"؟
متى نصير بشر واوادم؟
ما الكويت كلها "تجميع" أصول من هنا وهناك :) بدءً من ... وانتهاء بـ... :)
خلونا اوادم ونعابل في بلدنا واوضاعنا
السلام عليكم
أشكرك على ردك الهادي والمتزن
أنت لو تلاحظ إن بالكويت
الكل منصب نفسه قاضي
وإن إهوه قلبه على الكويت
وهالشي مع الأسف مايمثلونه الا قليل القليل
لأن الكويت عطت وعطت الكثير وقاعد تعطي
بس محد عطاها شي والدليل التناحر والمذابح على الكراسي والبوق و و و و و و
بلد مثل لكويت كان لازم تصير جوهرة العالم مو بس الخليج لو فيها ناس قلبهم عليها
مو على دينارها
صدقني ياخوى العيب فينا ولازم نحط إصبعنا عالجرح أول بعدين ندور حلول للمشاكل الثانية اللي من ضمنها البدون اللى إنت شاد حيلك عليهم
وتقولى شلون اعطي الجنسية لشخص باع وطنه الأم!!!!!!
عيل بهالحالة لازم نسحب ثلاث رباع جناسي الكويتيتن
لأن كلهم من ايران والعراق والسعودية وهذا شي مايختلف عليه اثنين
إنت تقدر تقوللى جدك الثالث أو الرابع وين عاش؟؟؟؟
والدنيا من الأزل الناس فيه تهاجر من بلد لبلد أفضل منه
والدليل مقولة الأمام على رضي الله عنه
يقولل: وطنك الذى إحتضنك وفيه رزقك وليس الذى ولد فيه أبوك وأجدادك.
وموضوع الأخلاق ... تبي تقول إن البدون
دخلو عادات غريبة على مجتمعنا الملائكي:)
ياأخي البدون ثلاث أرباعهم من قبائل عربية أصيلة وهم أصلا معزولين بمناطق بعيدة عن مناطقنا
ابجذى يكون اللى حاصل بمجتمعنا من أنحلال بسببنا إحنا وتأثير النعمة والترف علينا
صدقني إحنا كل بلاوينا نقطها على غيرنا
إحنا منزهين إحنا ملائكة
هالفكرة معششه بخيالنا !
وبنهاية الحوار الأخوي
أحب أقولك كلمة أخيره
الدنيا مو مستاهله نظلم حتى نملة
وكل شي فاني
إرسال تعليق