بنات الكويت.... شفيكم؟؟

بمناسبة يوم الخميس ناخذ فجة من السياسة ونيب موضوع إجتماعي باط جبدي

ليش هاللبس؟؟



ليش ليش هالمكياج؟؟



ليش الكلافة؟؟


طبعا كلامي هذا مو لكل البنات ولكن في بنات غريبين صراحة تلاقيها رايحة الجمعية وتمجل وعربانتها متروسة والويه صاير لوحه لبيكاسو ؟؟ شدعوة؟؟


او رايحة مجمع وداشة سينما وهي لابسة ذاك الكعب اللي خطر تدبق منة؟؟


اللبس له درجات مو لبس واحد لكل الطلعات... انا ما افهم في لبس الحريم ولكن افهم ان في مكياج وايد اوفر على مكان بسيط..


ماقمتوا تعرفون البساطة؟؟ شفيكم انتوا اهل الذوق ليش ذوقكم تردى جذي؟؟


ليش تدش قهوة جنها داشه حفلة؟؟


ليش تدش مستشفى جنها داشه عرس؟؟


ليش تدش مجمع جنة وحدة رايحة تسيورة؟؟


ليش تمر الجمعية حسبالك رايح معرض مجوهرات؟؟


هذا غير الدوامات والمكياج بالدوام؟؟؟ ليش فل ميك اب.. ليش؟؟ مصرف والله مصرف


هذا غير الذوووووووووووووووووووووووووووووق اللي ودك تحط صبعك بحلجك وتكت جبدك وترتاح!!


حجاب بو تفخة وخيمة وقلنا يا حيل الله


لكن سمرة او خالة وعدسات زرق؟؟؟ ليش؟؟؟؟ حدث العاقل بما يعقل؟؟ يعني فلوس العدسات هذي لو شارية فيهم جيس بنك ولا تذاكر سينما وتضحكين بالفيلم مو احسنلج واونسلج بدال ما تضحكين خلق الله عليج؟؟


حجاب وجينز مرصرص مايصييييييييييييييير مايصييييييييييييييييييييييييييييييييييييييييييييييييييييييييييير


سمرة وشعر اشقر ميخالف نقول مشتهية لكن شعر اصفر وخطوط حمره ووردية بالشعر؟؟؟ ليش الإخت مقطوع سرها بنيويورك؟؟


والخوات المتنقبات؟؟؟ ليش الكحل والاحمر والاخضر والازرق بالعيون .. وين الهدف من النقاب


وبعدين نقاب وعبات إسلامية مرصرصة؟؟؟ ما يصييييييييييير وين الحشمة؟؟


والخوات اللي مو متحجبات ليش الفصاعة والفصاخة باللبس؟؟ ليش جسمكم يصير قطاع عام للكل؟؟ ولا خزوكم الصبيان عصبتوا!! يا سلام لا تعصبين عيل ليش لابسة جذي إلا شوفوني !! ولا شافوج عصبتي!!


طبعا كلامي هذا مو للكل وبنات الحمايل مايسوون جذي (والله في منهم شوية) بس ترى عييييب شفيكم ماكنتوا جذي


نصيحة.... ترى الذوق نصف الجماااااال و مو غصب كل بنات الكويت جميلات الجمال جمال الروح اما الشكل فزائل وإن ما زال اليوم بزول باجروإن ما زال باجر مردج بتعرعرين وبسيح ويهج

سمعد من مدة إن في بنات يسوون جذي علشان يتزوجون!!!

مساكين والله الريال لا بغى يتزوج مايشوف جذي اللي يشوف جذي نوعين من الرجال

إما واحد بيلعب ولا شايب إمسكرب والاثنين ما ضنتي هدف لكم

أرد واقول هالله هالله بالذوق الحلو تعلموا وبدال سعر الصبع الاصفر اللي يلوع الجبد اشترولكم مجلات وشوفوا الذوق شلون صاير

وبعدين يوزوا عن صالونات كل شيئ بنص دينار اللي نشوفها بالوسيط وغيرها من طقة ((مس كات و هلاقة تاتش و عذاري بيوتي و ليتل كيوت و حولي ليدي))

يخرب بيوتكم مليتوا البلد


والله يعين إعيالنا شبشوفون إذا هذيلة امهات المستقبل

وأخيرا مابي أشوف هلاقة بهالويك إند كافي الهلاقة السياسية اللي عايشينها هاليومين