بعيدا عن السياسة.. موضوعنا اليوم..
رحت السينما وكنت حاجز بالسطرة الاخيرة بقسم العائلات!!
وكان يمي كرسيين فاضيين اللي جدام الدري (يعني ما جدامهم كراسي ) جدامهم بس الدري
وكنت مع زوجتي وانا يمي الكريسسن الفاضين وبعدهم كرسيين فية بنتين أمهات التعش او بالعشرينات تقريبا..
وبعد ما ابتدى الفيلم بنص ساعة !! لاحظوا معاي (اب نص ساعة) يا ريال ومرتة أعمارهم بالخمسينات وما أدراك ما الخمسينات!!
فجلسي المرأة بالكرسي اللي يم البنتين ووقف ريلها يقول لها وبصوت عالي ومسموع و خرب علينا الموفي (قومي قعدي بالكرسي الثاني)!!
أي اللي يمي !! فقالتله زوجتة ليش؟؟
قال لها علشان بمد ريولي (علشان اقرب لكم الصورة وتتخيلونها معاي ... جهة الدري ماكو إلا كرسيين فقط واحد قاعدة علية البنت والثاني زوجتة) وإذا قعد يمي ما راح يقدر يمد ريولة.
فقالتله زوجتة... ويييي واللي عافيني إقعد بس إقعد ماني قايمة!!
فعصب الزوج وهو متنحر وواقف وقول... شفييييج بمد اريولي قوماااي!!
وعصبت الزوجة وقالتلة هم بصوت عالي.. ماني قايمة .. أنا ادري ليش تبي تقعد اهني!! السالفة مو سالفة مدة ريولك!!
وما زال الخمسيني واقف ومعصب وقول اقولج قومي ريولي تعورني ما تفهمين !! بمدها بمدهاااااااااااا (وصراخة شايل)!!
وفورت زوجتة وقالتله شلون ترضي اقعد يم الريال!!(اللي اهو انا) وللعلم انا من دون إعيالها
جان يقولها مافيها شي أنتي كبر يدتة !!
المرة إهني ينّت واقعدت جان تقوله أنا كبر يدتة؟؟ ما شفت عمرك يا الشايب ياللي تبي تقعد يم هالبنات اليهال..
إهني الريال خمر وقعد يمي واحسة كارهني مادري ليش
عموما مامدانا طخينا 5 دقايق جان يقول حق مرتة أنا بروح اشتري كولا تبين شي؟؟
قالت له لا روح بس لا تبطي!!
وراح الريال ورجع قبل نهاية الفيلم بدقيقة واحدة!!
طبعا ماكلمتة مرتة لأنها مندمجة بالفيلم واول ما خلص
جان تقولة :
بالله ماتقولي إنت وين غطيت .. ساعة تيب لك كولا . انت ليش جذي ما تح..........
وما قدرت أسمع الباجي لاني في هذي المرحلة قد وصلت للسلم الاخير وسمعي ما يوصل
المخلص... أيها الأزواج والزوجات .. تأكدوا من سلامة ومتانه العلاقات الزوجية قبل الخروج من المنزل حتى لا تخيم الغيوم على صفو طلعتكم الحلوة (واكيد ماراح يحصل اللي حصل)بس على الاقل ما يصير تطنقر وتبوز بالطلعة
الاشتراك في:
تعليقات الرسالة (Atom)
هناك 56 تعليقًا:
اصلا الريال من يوصل الثلاثين
سمعتني الثلاثين يبدى اين وترجع بدايات المراهقة
فشلون لما يكون خمسيني
هاذي بنك المراهقة
والا شرايك
عاد انا بعد شوي رايح سينما .. لا يكون حاجزين فلم ثاني بس الشياب :))))))))))
سالفتك عوية ولد عمي .. داش فلم دبل المفروض تدفع تذكرتين ترى ;p
يعطيك العافية :)
@@
عياااااااااااااااااااااااار
!!
awal marrah a3aleq o la ba3ad awal wa7da :)
the sorry is jut waaay too funny :P
بصراحة ، جوز الكناري هذيل صاروا فيلم ثاني
المهم استانستوا !!!
@@
ما اقول الا الله لا يبلينا
أتيت متأخرة
اليوم ياية اول وحدة ماشاء الله
وبعدين إذا الريال من يوصل الثلاثين يرد مراهق
بالله متى ينضج؟؟
5 سنسن بس؟؟؟
شهالعبو وشهاليور
وخري عن الثلاثين واللي يرحم والديج
مافينا إلا العافية وعساني ما اربح اذا بسوي جذي لا وصلت الخمسين
أحمد الحيدر
لا لقيتهم قولهم خل يقرون بوستي
شلالات
حدة وعيونة زايغة بعد
@@
انا منك يا مبيوق جان عادي اقوله عمـي ترا بروي تحت مو اهني ;q
( الصج الصج عقلـه عقل ياهل )
بيوني
تشرفنا بأول تعليق
بو بدر
فعلا فيلم ثاني بس فيلم مزعج
الحمد لله بس هذا نغص علينا الطلعة انا احب الهدوووووووء
هلا بالزين كلة
فعلا الله لا يبلانا يا رب
المصيبة تشوفية شكلة محترم
كويت
لووووووووووول
أشدراج رايحين الافينيوز
صح صح المفروض أقولة بس حشمت عمري عنة
لووووووول فيلم ثاني صراحه
ماكو حشيمه بينكم انزين حشموا الاوادم اللي قاعدين!! واخزياه مو بالبيت انتوا!!
الله لا يبلانا.. بعد هي الله يهداها لو قاصره الشر بلا هالصراخ و الفضايح
الحين طلع بره يعني ما جابل الابني اللي بره!!!
سؤال
شنو الفيلم؟
بيربل
بالضبط هذا اللي صار
طلع برة وجابل الابني اكيد ولا شخلية يغط طول هالمدة ... طبعا ماخذ راحتة المدام بالسينما
بالنسبة للفيلم بيني وبينيج المدام مشتهيتة ولا انا ما مو ذاك الزود مع هالافلام
مرة اجاملها ومرة تجاملني والرابح الاكبر شركة السينما والبوب كورن
بص قصة الفيلم عن وحدة تحب السوق والتشري
اهلا مبيوق هنا هول مره اعلق عندك و كنت اقرا لك من كنت حسافتج .. اتشرف بالتعليق في مدونتك و عندي سؤال .. هنت متأكد هذولا مو امي و ابوي؟
جوونا
لوووووووووووووووووووول
هذا اول تعليق واحلى تعليق صراحة
لا لا انشاء الله مايكونون اهما يا رب
ههههههههههههههههههههه
الشرف لي ... شكرا
انا خبري الخمسينات تكانة
المشكلة كانت في الاربعينات !!
بس التسبه اللي في مرتة مو طبيعي.. شلون ما فقدته طول مدة الفيلم ؟؟
أي فلم؟
لووووووووووول
هذيله بروحهم فيلم
اكيد رايحين
slumdog
LOL
الظاهر النفيش مو معطيها طريج حتى تفكر بالريال
تهقى وين غط؟؟؟؟
وشهالسينما اللي رايحها وتطيح على هالنماين!!!
والله فشــــــــله @@
أولا الريال غلطان !! وما يغار !! ما اقدر اقول " ما يستحي " لان أكبر من ابوي @@
ثانيا المره غلطانه أكثر منه !! من متى المره ترادد ريلها وترفع صوتها جدام الأوادم
بعد ما باقي إلا تقوم اطقه !! ما أقدر أقول " ما فيها سنع " لانها أكبر من أمي
والسؤال الي يطرح نفسه !! هذا الأبو والأم ...,, عيالهم شلون ؟!
يالله لا تبلينا ..!! وتستــر علينا دنيا وآخره
يعطييك العافيه أخوي
@@
لا حول الله ..هذيل ابروحهم سالفه
شهالنماين
ناس ما تحشم نفسها
هذيل كبار وجذيه ..عيل اشخلو حق اليهال
يمه منه عيارته يبي يقعد عند البنات
هاهاهاهاهاهاهاهاها
هاهاهاهاهاهاهاهاها
هاهاهاهاهاهاهاهاها
هاهاهاهاهاهاهاهاها
لا يحوشك تطلع من البيت و أنت متناجر
لأن النجره راح تكمّل..راح تكمّل
و لا مع وحده عصبيه مثلي
هاهاهاهاهاهاهاها
هاهاهاهاهاهاهاها
بس ما عندك سالفه..لو أنا..و صاير هالموقف جدامي
جان لحقتهم و كملت أسمع النجره
احنا عشقناها
مرته لاهيا بالفيلم والبوب كورن
ويه ويه ويه
شهل الشايب العيار (=
ويا حليلها مرته عارفته له
تصدق قبل جم يوم رايحة سلايدر ستيشن
وطاولة واحد قاعد مع مرته ويا ياهل
وجدامهم طاولته بنات
رايحين رادين عليهم
يسون روحهم يتحلون على الياهل
واهم مطيحين مع الريال
المرة شكلها حاسه بس مطنشة ( عجبتني ) بلا فضايح جدام الناس
واهو لا عبها صح المره قعدها بظهر البنات البنات ياشرون له واهيا ماتشوف واهو يسوي ويه عادي
ريايل )=
مطقوق
لن اعيش في جبلاب زوجتي
جندل
راح يلوث
شدراني عنة
يضحك والله الله لا يبلينا
يو تيررن
هلا بالغالية
الاثنين غلطانين.... كلمن يتخانق بس مو جدام الاوادم عيب
والعيال تلاقينهم اسنع منهم لانهم ما وصلوا الخمسينات
صبا(بالحلة الجميلة)
الله لا يبلانا وهذا الريال غبي غبي غبي
العزيزة نانو
مالي خلق الحقهم بروحي مقثوث من الفيلم خل يولون شكو فيهم
بس صج تحفة الاثنين
وفعلا اللي مطنقر لا يطلع من البيت أحسن له
والله يعين ريلج المفروض ما يزعلج ابد
ماذا وإلا
مركبنا؟؟؟؟؟؟؟؟
ليش قلتي رياييل؟؟؟
ليش ما قلتي بعد الحريم الفصّع اللي يتحرشون فية؟؟؟
من بدى يا مركبنا
حنأطع بعضنا من اولها؟؟
حسافتج:
أي فيلم رحت؟
مادري شسمة
بس قصتة عن وحدة تحب التسوق والتشري
الفيلم بسيط ولكنة مليق
shopaholic
يبيلي بوست على اللي يروح فيلم و مايعرف حتى اسمه!!!!
ويا كثرهم عندنا!!!
جندل
أنا رحت الفيلم لإرضاء رغبة أم إعيالي الغالية تستاهل
فمو مهم اسم الفيلم كثر ماهو مهم سعادتها ووناستها
والله عطاني على قد نيتي إهي استانست بالفيلم وأنا استانست بالتحف اللي يمي
وااااا خزيتاااااااااااااااه
و فشيلتااااااه و عيبااااااااااه
من صجهم ؟؟؟
انزين ولي عافيك اقعد وخل مرتك تقعد بالمكان الي تبي ولا هالفشيله
ولا روح لها وساسرها لا من شاااف ولا من دري
اشفيهم الشياااب صايرين ما يتحملون بنت عفروووطه تمر يمهم ؟؟
عفره
إن لم تستحي ففعل ما تشاء
الله لا يبلانا
الله يهنيكم ولا يغير عليكم
بس هم ما يمنع من معرفة اسم الفليم
:)))
تختلف درجة الفضول بين الناس!!
:)
جندل
اسم الفيلم
مبيوق ولكن !!
بطولتي انا مع هياتم ونبيلة عبيد
حسافتج: حطّـــــــــــــــــوه؟؟؟؟؟؟؟
باجر بروح له عيل
نانو
لحق لا تلحق بشيلونة صارلة تو وييك
اهو يضحك شوي بس مو جوي جذي
فيلم حق الحريم أحسة اكثر من الريايل
مبيوق
عيزت اقولك اسم الفيلم
:)))
its shopaholic
انت ما فهمتني
جندل
هههههههههههه
هم بطولتي انا وهياتم ونبيلة عبيد
شعليك... شاري تذكرة وحدة وشايف فلمين.
بس الفلم اللايف يضحك أكثر أتوقع
زين انت مو عصبي ما شاء الله لو أحد ثاني ... :) ... كان داش وياهم بنجرتهم على تعكيرهم مزاج الناس بدون مستحى
الشياب مشكلة
ذاك اليوم نشب فيني واحد، وأنا رايح ديوانية بوجب بو خمس دقايق وأفل، مستعيلوراي موعد، شنو هالتليفون اللي عندك، قلت له وأنا ابتسم، عمي هذا تليفون يسمونه بلاك بيري، سألني شنو ميزته، رديت يشبك على الانترنت، أنا قلت له يشبك على الانترنت، الريال بدل نظارته وتل التليفون، وقعد يسألني، يعني شلون، تشترك بكرت، قلت له لأ الشركة يعطونك الخدمة، قال يعني تدفع لهم، قلت له إي غير المكالمات، فرد علي وهو يقلب التليفون، وقالي قصة حياته مع النت
أخلصك، طلعت من الدوانية عقب 45 دقيقة، تخللتها 60 محاولة للتملص، لكن المحصلة النهائية، الريال لا مقتنع إن التليفون يشبك على النت، ولا إن البلاك بيري غير النوكيا
لو انا منك جان انا الي مديت ريولي بخاصرته وحذفته ذاك الصوب
الفيلم شغال والحبيب يصارخ بمد ريولي
والله بط جبدي
لووووووووول حراااام ادااد لها الحجيه هذي أعراض المراهقة بالخمسين مالها علاقة بالعلاقة المتينة و الضعيفة
ريااايييييييييييل مالكم أمان
جوووج
واي قلبك على قلبي اناااااااا هذاك اليوم كنت من الدقه الي فييني بكتب عن هالشي
ان اذا انت لايعه جبدك من مرتك لا تفشلها جدام الناس
انت تمووووووووووون عليها بس الناس ما تمون
انا مره في الطياره بمر
والممر ضييييج و الريال واقف
ومرته بتطلع بالممر
يقولها دشااااي خاللي البنت تفوووووووت
واهي تقوله انت تدش
و سسسسسفل فيها جدامنا
واهي عادي
جد جد جد ليش ماكو احترااااام حق الحريم جدام الناس
و المره ما تحشششششششم جدام الناس
يعني انا ابووووووووي يعصب علينا مرات في المطار او القطاااااار
بس ما انتجرأ انفج حلوجنااااا
و اذا سمعنااااا انه يزفنااا على التأخير و التسسسحب و بلا بلا بلا ما انرد
و امي تسكتنا اتقولنا اش بس اش ابوكم عصب
حقيقه تربيه الاسره و مستواها و علاقتهم و احترامهم يبين في مثل هذي المواقف
كويتي
لا والله انا عصبي
بس ذاك اليوم ما كنت مندمج بالفيلم والله جان قريت بالجرايد مواطن يعتدي على خمسيني بالسينما
فهد العسكر
الشياب صج ساعات ياذون لكنهم الخير كلة .. وصاحبنا هذا عمرة بالخمسينات شكلة مو شايب
لو شايب جان ما فيه حيل ايي السينما
والموقف اللي صار وياك مع الشيبة
يبط الجبد بس شتسوي لا حول ولا قوة
انا وايد صارلي مواقف مع ناس جذي
وفعلا اتوهق
فهد العسكر
الشياب صج ساعات ياذون لكنهم الخير كلة .. وصاحبنا هذا عمرة بالخمسينات شكلة مو شايب
لو شايب جان ما فيه حيل ايي السينما
والموقف اللي صار وياك مع الشيبة
يبط الجبد بس شتسوي لا حول ولا قوة
انا وايد صارلي مواقف مع ناس جذي
وفعلا اتوهق
فريج سعود
اتصدق لو مزودها شوي جان سويتها
الله ارحمة اني مو مندمج
جوووج
شكو الريايييل
يعني الحريم ما فيهم شي بالله؟؟
شوفي تعليق مركبنا بلييييز وشوفي ردي عليها
لوير
فعلا التربية لها اساس مهم
بس هذا بو خمسين اي تربية تفيد فيه؟؟
اعتقد الجو كان مشحون من السيارة قبل لا اييون
صدقت يا خوي
اهم الحريم
وهم بعد الريايل
احنا حريم تنكسر ارقابنا
مسوين اشياء تخلي الواحد قصب يشوف
إرسال تعليق