كراسي ومآسي

المكان: مجلس الأمة (قاعة عبد الله السالم)
الزمان :الثانية عشر بعد منتصف الليل

كراسي خاوية وميكروفونات ومطرقة وحيدة

كرسي الرئاسة (الخرافي): بِسسسس بِسسس بِسسسسسسس ..يا كرسي السعدون !! كرسي السعدون؟؟ شرايك فيني مو أنيق وأهبل أنا اليوم؟؟
كرسي السعدون يرد على كرسي الخرافي: مالت على البامية أم السناسين
كرسي الرئاسة: مو منك من الواهي اللي فيك!!هاهاهاهاهاهاهاهاها

يتدخل كرسي الحجي: يا كرسي الرئاسة عن التحرش ... ألحين قولي شنو سويت مع كرسي الحربش؟؟ فكونا من الإستجواب!!
كرسي الرئاسة: لا يبا أنا مالي شغل هذيلة لسانهم طويل وأنا أترفع عنهم
كرسي الشمالي: واااي الشمالي شمتنة جابد على قلبي لا قعد
كرسي الصانع: أنا بقوم من مكاني وبروح مكان اللي بيستجوبون ... تغير شوي .. يالله يا كرسي الشايجي والحربش تعالوا معاي
وفي منصة المستجوبين::
كرسي الصانع : @@ شنو هذا أنت من يابك إهني يا كرسي المسلم؟؟
كرسي المسلم: أنا حليتة قبلكم
كرسي الحربش: ألحين لا اتخانقون خلونا نتحد ونكسر ريول كرسي سموه
كرسي المسلم: نيفير إفير مالكم أمل أنا ياي قبلكم وأنا اللي بطلع فيها
كرسي دميثير: أنا هالريال اللي قاعد علي مادري شنمونته مرة متيدد ومرة مو على وضو !! مرة حكومي ومرة معارض مرة بهدني ويستقيل ومرة معجعج فيني... الريال فية وشة!!
كرسي المطير: يا جماعة الخير بذمتكم أنا مو أريح من كرسي سيكل هارلي؟؟ ليش يهدني وروح يقعد على الهارلي؟؟
كرسي السلطان: هذا يا شينة لا قعد على ما يقعد راحة فيه فرور إلا بسوي روحة سلطان وهو حدة خباز
كرسي الراشد: يا ربي الراشد تغيرت قعدتة هالأيام مو ذاك الأولي
كرسي الصرعاوي: إلا كرسي بو عمامة وينة؟؟
كرسي العبد الجادر: ماخذة وياة لندن يخاف لا يروح عليه بغيابة
كرسي بو رمية: أنا صاحبي مطلقني ومو راضي يقعد إلا لا أسقطوا القروض.. شكلة مو قاعد كلش
كرسي الصقر : حتى أنا صاحبي خاموش هالايام
مايكروفون البراك: اااااااااحححححح الوووووو الوووووووو اااااحححححححح تسمعوني يا جماعة؟؟ من كثر الصراخ راح صوتي!!

مطرقة الرئيس: فرق بين ألحين وأيام السعدون ... ياربي السعدون قبل طقة وحدة والربع خاموووووش ألحين إنلعن ابو خيري وماكو فايدة
كرسي سعدون حماد: ابي إسعاف انا حاشتني حاله إختناق....بمووووت يا الربع
كرسي الطبطبائي: سو مثلي أنا ينني الطبطبائي ومن كثر ما يحب غزة عطيتة غزة وماقام يقعد
كرسي هايف: لحقوا على الريال علبو ديّن امنجدني يعني يكون نقاب!!
كرسي نورية: اشفيك يا كرسي العوضي تعري؟؟
كرسي العوضي: لابارك الله بالقبس أفضحتني وكسرت ايدي اللي كتبت حق الشمالي ... ما سوت علي ألحين لاني صوب الحكومة ولا صوب المجلس
كرسي الروضان: أنا أكثر كرسي محظوظ عندي كرسيين
كرسي باقر: افتك منة نائب يردلي وزير؟؟
كرسي نائب المجلس: ZZzzzZzzzZzZzzZzzzZzzzZZzzzZZz هاا هاااا شنو؟؟ متى .؟؟ بتروحون؟؟ اخذوني معاكم!!
كرسي المليفي: يا جماعة شعندة كرسي الدويلة النائب صاعد المنصة ونازل من المنصة وشايل كرسي.. من كرسية اللي شايلة يا الدويلة؟؟
كرسي الدويلة: شسوي يا المليفي مرة يقولون لي مو صاعد ومرة يقولون بيصعد وهاذانا يا شاقل الكرسي للمنصة يا رادة تحت.. تدري أنا أحب هالسوالف!!
كرسي الملا: يا حلوة خفيف على قلبي لا قعد جان زين كل النواب يسوون رجيم
كرسي عسكر: إففففففف شزيني قبل ألحين إمنزلين ريولي عالأخر علشان الحبيب يقدر يقعد ...
كرسي الغانم: أقول يا كرسي الخال ودرتني معاك وضيعت حسبتي عيزت وأنا ارقع فيك شرايك تطلع علشان أقدر اصير معارضة واصير مكانك!!
مايكروفون موضي: شرايكم بالديرمة اليديدة ؟؟!!
كرسي عدنان: لا قلت لكم ديرة بطيخ تصدقوني... قلت لكم بينجح بالإنتخابات وبردلي بس ما صدقتوا .. أهو ما فية شي بس لو يبطل ياكل كباب وبصل جان أنا بخير
كرسي الخنفور: اوووووووووووووووووووه الواحد مايعرف ينام بهالمجلس؟؟ سكتوا شوي
كرسي لاري: عن إذنكم أنا بروح إيران (فيا) جنوب لبنان علشان اركبلي برغي بريولي
كرسي راعي الفحمة: رحموني منة عيز وهو ينقف ويلزّق فيني لا لااااااااااا حراام بموت
كرسي الوزير فاضل: ربي لك الحمد من عقب كرسي الإعتراف بالنيابة إلى كرسي الوزارة .. والله إنك طيب يا كرسي الرئيس
كرسي سمو الرئيس: يردلي . ما يردلي. يردلي . ما يردلي . يردلي . ما يردلي . يردلي . مايردلي..........


وفي آخر القاعة هناك كرسي واحد لم يدنسة نائب فاسد ... يسمع حديثهم وهو يترحم على أيام كراسي الرجال من الحكومة والنواب الذين خسروا حياتهم من أجل الكويت .. فتارة يترحم على كرسي الخطيب بعدما جلس علية سعدون حماد.. وتارة يرى كرسي الربعي وفي مكانة باقر.. وتنزل دمعتة على كرسي الرئاسة من بعد العدساني.. فيبكي على كرسي المنيس وهو يرى دميثير جالس علية.. ويتحسر على كرسي القطامي وهو يرى المطير يلهو به... يمسح دموعة على كرسي العنجري بعد أن دارت الدنيا وجلس علية اللميع..ويتذكر انس الرشيد ذلك الشاب الذي باع الوزارة من أجل الحق وعدم اللعب بالدستور مع تناقض باقر . ويقول شتان ما بين النائبان الصانعان
وأخيرا يضرب كفا بكف وهو يقارن سعد العبدالله بناصر المحمد
فينطق ذلك الكرسي الجماد وهو يصرخ.... حسافتج يا كويت