اصبحنا نتعجب يوما بعد يوم من ما يسمى بالفرعيات!!
الجماعة ما يتوبون ؟؟؟
وقامو يسون تشاورية والإنتخابات في نفس اليوم..
وناس قاموا يقيمون إنتخابات ويعلنون عن تجمعهم بإسم عزاء(يتمنون الموت بحجة إنتخابات)لا حول ولا قوة إلا بالله
وناس تحط رسوم 2000 و7000 للي يبي يرشح نفسة؟؟ بالله هالفلوس وين بتروح؟؟؟
وناس تسوي فرعية عيني عينك بس بدون صناديق إقتراع (علشان ما يصير ممسك مادي عليهم يدينهم)
ويمالنا من الأفكار والتحايل..
يا ابناء القبايل هالافكار ماشاء الله اللي اطلعونها جهنمية!!
لو اتوظفون هالافكار لخدمة البلد والله الكويت تصير جنة... ليش أفكاركم ماتصير إلا على التحايل على القانون؟؟!!
ليش تحبون تتحايلون على القانون؟؟؟
اللي يبي يرشح نفسة يرشح نفسة و أتفقوا على مرشح واحد وصبوا اصواتكم علية
قمة بالخبث واللعب على القانون
أكاد اجزم أن ثلثين القوانين اللي بالبلد من شروط دعم العمالة وقرض الإسكان وبيوت الحكومة وشروطها قد صعّبت بسبب تحايلكم عليها
أنتم السبب...
وظفوا مخوخكم لخدمة البلد لا عليها
الاشتراك في:
تعليقات الرسالة (Atom)
هناك 8 تعليقات:
صحيح هناك افكار مبتكرة لا تظهر الا في تنظيم الانتخابات الفرعية وهذا دليل على ابداع الانسان الكويتي لكنه للاسف ابداع في مخالفة القوانين ولو وظفت هذه الطاقة في تمور مفيدة لكان افضل ، لكن يبدو ان العقول لا تعمل الا وفق الاهواء والاهواء لازالت مليئة بالقبلية ولازال الولاء الاول للقبيلة اما الدولة فهي لكي نأخذ منها ما استطعنا من غير ان يقابل هذا الاخذ عطاء يماثله
لي متى؟؟
إلى أبد الآبدين
طول هالسنين ما تغير شيء
بالعكس التغيير كل ماله للأسوء
ما شوف بريق أمل
الفرعيات فنون
.
.
.
.
-----
شدعوة هالغطة؟
كل هذا عروس بأثر رجعي؟
:)
تصدق وحدة وياي سنين سنع وفكر انسانه راقية ...
ولما صارت مادهمة الفرعيات تسب وتلعن بالحكمومة
رجال وشيوخ القبايل اسوي وياهم جذية
بطت جبدي قلت لها ما شفتي الى احذفوا الشرطة بالصخر ...
اي اولى كرامة وطني ولا فرعية قبيلتج
يا حسافتج ..
اللي له خلق يطق طريج لما الدول الثانيه عشان يسوي فرعيه ..
والي له خلق يفتر طول اليوم بالتكاسي ..
واللي له خلق يجتمع مع القبايل الثانيه عشان يحددون موعد موحد لعمل الفرعيات عشان يكون صايدين الداخليه بهالحركه ان يدودهونها ..
مو عيزان يسوي فرعياته بالنت :\
اليوم يطالبون بإصدار مرسوم ضروره لإلغاء قانون تجريم الفرعيات :\
شهالضييييييييم
إي والله و إنت صاج يا مبيوق لو يوظفون مخوخهم لخدمة البلد و يسوون لنا غسالة تشتغل على الغبار و سيارة تمشي على لربوطة ، بس خوفك يموقون علينا و احنا سوينا و احنا سوينا شيسكتهم عاد ذيك الحزة ؟
اهلا اهلا مبيوق
ليش حاااار عمرك هذولا عمرهم ماراح يتعلمون ... افتح الدريشه و استمتع بالمطـــــــر و لا اتقث روحك ماراح يتسنعوووون ولا راح ايوظفون مخوخهم الا حق مصالحهم
إرسال تعليق