.jpg)
نفسي فية... إخّي علية...
مثل مصري يقال للشخص الذي يذم ويمدح في الشيء في نفس الوقت... أو انة يقول ما احب هالشي ويسويه؟؟
هذا المثل اليوم تذكرتة عندما سمعت أن القلاف يريد أن يرشح نفسة؟؟
يعني ما حلاتك أتطنطن من قبل أربع أشهر وتطالب بالحل الغير دستوري وما حلاتك ترشح نفسك؟؟
ماني عارف هالناس شلون تفكر وماني عارف اللي يرشحونة على أي اساس يرشحون واحد غير مؤمن بالديمقراطية لمنصب نائب بالبرلمان!!
إنة يقول وبصوت عالي أنني لا أؤمن بالديمقراطية ولا بالمجلس ويريد الحل الغير دستوري والان يقول انني سارشح نفسي!!
كلام متناقض .. يعني الزبدة وبدون مجاملات الحمار اللي يعطي هذا الرجل صوت !!
سيد قلاف عزيزي ربي يفج عوقتك أنت أطلع من المستشفى أول وتالي قول برشح نفسي..
ودامك بلندن ترى يمدحون دكتور نفساني هناك يقولك هو اللي عالج بو زهرة ..
وأقسم بالله أن لا خير في أهل الكويت إن نجح هذا الرجل!!
وإن نجح ...... يمكن نتبط مرارتي (مو منة) من اللي صوتولة
هناك 41 تعليقًا:
@@
بدون تعليق
ودي اعلق
بس مستخسرة الكلام فيه
الزين
طول عمرج راقية والكلام عندج له قيمة
اذا ما عطوا صوتهم تحوشهم الحوبة
أي شيء فيه اسم سيد يخرعهم
انا بزيد اسم سيد على اسمي و انزل في الاولى
غير معروف
يخافون حوبة السيد ولا يخافون حوبة الكويت
تبا لهم
اللي صوتوله
نفس نوعية اللي بيصوتون لــ
خلف دميثير
على الراشد
ناصر الدويلة
اتصدق بوزيوون:
أكثر عضو انتقدته القلاف
ومن كثر ما انتقدته قالو عني طائفيه
!!
بالذمه يحق لي والا لأ...؟
وحسافه عليج يا كويت اذا هالاشكال تمثلها
الشكوى لله يا خوي
..
صباح الخير حسافتج
هلا و غلا باخوي
مالي خلق اكتب مو كفو و الله :)
بس يسويها البخت و ينجح :(
الله الحافظ ياكويت
ابو الدستور
عطيتني الصافي
عدل
صبا
إذا إنتي طائفية عيل انا اصير يهودي
خل يولون هذا جمبازي بلا سيد بلا بطيخ
والله قاص عليهم
بس
شهالبخت لا والله مايسويها اموت من حرتي إذا هذا فاز
عادي اهاجر
اخي الفاضل
نرجو من حضرتكم الحرص على مرارتكم
لكونها ثروة قومية بالنسبة للديره
لانها اذا ما انقعت من ربع القلاف
يمكن من ربع العمر ولا عصام الدبوس
وهل نماين السودة
مركبنا
عيل ابتنبط مرارتي اكيد
يشوِّر فيك الحين
مطقوق
انا هو وانت اهو وخل نشوف منو يشور بالثاني
خبري انه ما قال انه ما يؤمن بالديموقراطية و هالحجي اللي انت قلته، كل اللي قاله ان ممارسات النواب شوهت صورة المجلس الحل بحل المجلس لمدة غير دستورية، مثل ما قال عبداللطيف الدعيج.
المسألة مافيها طائفية لا تخافون، كل ما هو مطلوب منا اهو فهم التصاريح و عدم تصنيف الناس الى ابيض و اسود و نسيان الطبقة الرمادية.
ابن سينا
حنا مايبنا طاري الطائفية كلش
و بعدين اللي يقول ابي حل غير دستوري هذا يكون في نظرنا مؤمن بالديمقراطية ولا لأ؟؟؟
الريال سامعة يذوني يقول ما نبي مجلس
وقاري بعيوني تصريحة اللي يقول فية إن رد المجلس لا طبنا ولا غدى الشر؟؟
هذا شتفهم من كلامة وتصريحة مؤمن بالديمقراطية وحرية الراي ولا لأ؟؟؟
على اللي فيه
بس برد اقلوبنا بحدس
والله يحلله عن عاشور المظلوميه
بعدين يعنى اهو يا حسافتج بس اللى بالبلد قال
آلولووو
وهل هو الوحيد اللى ناقض نفسه
؟؟؟؟؟
يووووووووووووووه
ما تعدش يا خويا
القلاف شكو يكون سيد
اجداده قلاليف , مدرىمن وين ياب سيد
ولزقها باسمه
اللى يحرك ان ما يشتغل طول السنه ولا يوجب احد ومدير مكتبه او مديرحملته الانتخابيه يتكلم كويتى مكسر ,وكل ما يخترع من موقف يقول : طقتنى البويه يعنى (البوهه )
على قولة رفيجتى اللبنانيه , " من فين بيحيبو الحظ "
حسافتج
مبروك ردتك على الاسم اللى عرفناك فيه
:)
القلاف وغيره دودهونا بتناقضهم
من نحاسب ولا نحاسب
@@
اسم الله على مرارتك
انا هاده كل شي بس خايفه على مرارتك لول
ترا والله في ناس بيصوتون له وجنه الورد
!!
خارج نطاق البوست
زين اللي على النك القديم :)
انا من ناخبي الدائرة الأولى ومع الاسف الاستقطاب الطائفي بينجحه حتى هالمرة .
اللي ينتخبونه مو هامهم شقال أو شسوى ، ما يطالعون إلا الرمزية الدينية بلبسه اللي هو مستغلها ، وينجح بواسطتها .
وخلف دميثير والدبوس وووو
عد وخربط
مسكينة يا كويت !!
قمة المهزلة ان عاد
فان عاد سيرجعه ناخبيه حسب الدستور الذي يريد هو ان يعلقه
بذمتك هذول شنو تقول عنهم
ما ابي اغلط لنهم بالاول و التالي من بلدي
حسافتج...
welcome back
من كثر ما في بالي حجي مادري من وين ابتدي... جان افكــــــر ... ليش اتعب مخي مـــــو كفو... تركه عنك انت ارفع :)
عيل ابشر ببط المرارة ، السيد بيترشح وبينجح ان شاء الله ، المشكلة مو في السيد المشكلة ان في ناس ما تفهم يا عالم يا ناس ، اسمعوا اولا مبررات الرجل لمطالبته في الحل غير الدستوري ثم احكموا ، هو يطالب بالحل غير الدستوري لفترة محددة تتنفس فيها البلد الصعداء ويقطع طريق العبث بامن البلد وجرها الى الفتنة الطائفية على المستغلين للديموقراطية وهم غير مؤمنين بها امثال هايف وربعه ، اما وقد كان رأي سمو الامير حفظه الله ورعاه الحل الدستوري فما علينا سوى السمع والطاعة لذلك فان السيد القلاف رأى انه لا بد ان يترشح ثم ان نجح ان شاء الله سيحاول هو وغيره من الوطنيين الوقوف بوجه تيار العبث والتأزيم الذي نتمنى ان يقل تأثيره في المجلس القادم
من منطلق ديني غبي يصوتون لكل أسود الرأس فارغ الدماغ ، الله يرحم أيام فهد الأحمد لما قال لعبدالصمد لو فيك خير دش المجلس بعمامة .
المقوع
نعم كلامج صحيح ولكن هو النائب الوحيد اللي طالب بحل غير دستوري رسميا بالتلفزيون والجرايد وأكثر من مرة
ستيفاني
يا عل الطقة بويات الكويت كلهم
مع الاسف محسوب علينا نائب
المقوع
الله يبارك فيج
رديته حسيت لازم الناس تردد هالاسم جود يتحرك قلبهم
واي مي
ادري والله شكلها بتمبط والله يستر
والله يبارك فيج يا عزيزتي شكرا
بو بدر
إذا جذي مخوخنا عيل ليش ما الدنيا تلبس عمامة وتفوز بالمجلس
ياربي شوية وعي
شي يحر
انتر
تلومني لا قلت بتنبط مرارتي
جونا
الله يسلمج
فعلا ليش عوار الراس
إتصدقين ما يستاهل حتى اتكلم عنة
سلام:
خلني أقولك جم شي ولد عمي، أول شي فيه ناس ما تستحي، و فيه ناس ماتعرف الحيا، و فيه ناس غاسلين ويهم اب...(ماني قايل شنو، بس معروف).. للاسف ان كل هذا متجمع في هل ريال إلي صج صج مامنه رجا. شتقول في واحد يقول حلو المجلس حل غير دستوري(حله بطنه) و تالي يقول أنا أبي أرجع نفس المجلس إلي توني قايل عنه مو زين(بعد حل غير دستور يعني إنه مو إموافق إن يكون فيه مجلس)... مو يالاثول لو ما هل مجلس جان إنت محد اعرفك بس شنقول، الشرهة مو عليك، الشرهة على إلي عطاك صوته.
فضي
عزيزي اي مبررات ؟؟؟
الدستور منهج الدولة
يعني تبي اقولك لا تصلي وبعدين اقولك اسمع المبررات وتالي تشوفني اصلي؟؟ وانا ناهيك؟؟
ودام الدستور يقول ان منهج الكويت هو الدستور ولا شيء غير الدستور يبقى اي خلاف مهما اختنقت الكويت يجب ان يحل في نطقا الدستور
وبالنهاية اهو بيفهم احسن من الامير؟؟؟
إذا الامير يمشي بنطاق الدستور
تقدر تقولي أزمة الحكم يوم مات الشيخ جابر لو ماكو دستور ولا مجلس امة اشلون كانت تبي تنحل؟؟
بحلها القلاف؟؟
انا كنت اايد الرجل ولكن صدمني يوم قال يبي حل غير دستوري
ورجاء خلونا نفصل بين كونة سيد وتحترمونة ونحترمة وكون انة نائب وإذا غلط نحطو وندوس اب بطنة
غير معروف
يحق له يدخل بعمامة او من غير كما يحق لاي شخص ان يدخل المجلس اب بدلة او سفور او بحجاب او حتى اي لبس كان ولكن ما لا يحقلة ان يقول لا اريد دستور ويرشح نفسة
هذي انا ما افهمها!!
سوق المناخ
هذا انت يبتها من الاخر الشرهة على اللي يعطية صوته ولا هذا غسلنا غيدنا منة
ومن يفهم
المثل متعوب عليه... وأللب المواجع!
:)
لا تعليق على السيد القلاف دام ظله
احبه واحس اللي بقلبه على لسانه... حتى لو كان لسانه طويل!
بس اتفق معاك انه غلطان بكلامه
اليوم مقالة محمد مساعد الصالح كانت عن الحل الدستوري!
المفروض يسمونه انتخابات مبكرة ... لأن مافي شي اسمه حل غير دستوري
والله من وراء القصد!
جندل
نعم القلاف له مواقفة لا ينكرها أحد ولكن خرب على عمرة بهالجملة
ختامة مسك
"على أي اساس يرشحون(القلاف)"؟
من صجك ما تدري!؟
يعني من فكرة العميق
والا دفاعة عن المكنسبات الشعبية اللي هو بالفعل مع سلبها هلنا
غير انه سيد ولسانه طويل قاعد يدندن على وتر الطائفة الشيعية (بعضها مو كلها فالكثير من الربع مفتشلين منه لي الراس)
هو ما استحى من تصريحاته في خسارته بكرسي الرميثية بالبرلمان والتوعد بهم بيوم القيامة (مو ربنا بيحشر الناس كلهم الا هو!) وتوعده انه لن يرشح للبزلمان مرة ثانية! علشان يستحي هالحين ويحس على دمة
ان كان خبل مو صاحي وهو بالفهل كذلك فهو شخص واحد ومو صاحي وهذا وارد لكن العدد الكافي لفوزة هذا الخبل شينقال عنهم!؟
"إذا إنتي طائفية عيل انا اصير يهودي
خل يولون هذا جمبازي بلا سيد بلا بطيخ"
كااااااك
اتفق معك ولو اني ميت ضحك
احلى الكلام الصريح وبالوجه
الغالي حسافتج
مساء النرجس
.
.
ما أظن بيسقط!؟
تقبل مني أجمل تحايا المساء
ابييييييييييه
ماقلت لك
لووووووووووووووول
السنه الي فاتت رحنا المقر
متناااااااا ضحك وطلعناا
حسييييييت نفسي قاعده في فيلم ايراني
اشدعوه اهو راح ينجح من ناس فاهمه في السياسه
اهو راح ينجح من ناس ماتعرف عربي اصلا
قاعده انا ساطره في المقر
و اذا بي فجأه اطمرررررر من الخرعه
صلواااااااااااااااات على محمد و على أأأأأأأأأأأأأأأأأأأأأأل محمد
جان اقظب الباب من الضحك
ويعطي مواوييييييل
على خرابيييييط
خرابييييييييييييييط
إرسال تعليق