لعيونك

سحب الجناسي لمن لا يستحقها.... اقروا الجملة عدل بتلاقونها فيها شي غلط
يوم إنهم ما يستحقونها عيل ليش عطيتوهم الجنسية؟؟
هذا دليل إن في أمور وايدة بالديرة فالتة والكل ياخذ شي ما يستحقة ولا وصلت السجين لين لرقبة قالوا نسحبها؟؟
ولعيون ناصر المحمد تنداس اربعين أسرة ... مثل هذي الافعال تقلل من هيبة الدولة والله العظيم
تخيلوا معاي مديركم بالدوام يعطيكم بونص او زيادة بالراتب او ترقية وبعد 3 اشهر يسحب الزيادة ويردك وظيفتك السابقة؟؟
تحترم هذا المدير ولا لا؟
وأكرر كلامي بغض النظر إن كانوا يستحقونها او لا فأنا انتقد التصرف نفسة اللي يضر هيبة الدولة من منظور شعبها ومن فيها من المقيمين وحتي في الخليج والعالم!!
وكل هذا طز والمهم سموه ما يستجوب

دام سالفة سحب الجناسي هينة عندكم؟؟
الإنسان ما يبوق حبيبة ولكنة يبوق عدوة او شخص مجهول ..
عيل اللي باقوا الكويت اولى بسحب جناسيهم؟؟
اللي قاعد يفتن بالبلد وحفر حق هذا وذاك مو مال تسحب جنسيتة؟؟
عموما وبحسبة بسيطة اربعين جنسية سحبت ستكلف الكويت كثيرا وستولد الأحقاد من الداخل
وكل هذا لجل عيونة
ولجل عين تكرم ألف عين