موضوعي اليوم موضوع مو مقارنة كثر ماهو موضوعين منفصلين لأن ماكو جهة مقارنة بينهم فابي رايكم على الموضوعين
أولا:
شرايكم بالريال اللي يتدين وربي لحيتة وقصر دشداشتة ويصير حامض وعقب فترة من الزمن يحلق اللحية ويطول الدشداشة مع إلتزامة بالصلاة والدين؟؟
وثانيا:
اشرايكم بالمرأة اللي تلبس حجاب و تلتزم وبعد فترة تفصخ الحجاب؟؟
برايي ان الاول والثانية مايدرون شيبون اساسا لما اقدموا على هالخطوة
ولكن بالنسبة للحجاب اللي أهو فرض(بعتقادي) لان مافي نص صريح وواضح يقول إنة فرض ولكن بعتقادي وإجتهادي الفردي اقتنعت إنة فرض
أعتقد المرأة اللي تخلع الحجاب تطيح من عيني
يمكن اللي أجبرت على لبس الحجاب من قبل اهلها يمكن الواحد يعذرها ولكن هم تكون غلطانة
الحجاب بالنهاية ستر ومطلب ديني
وأنا اعلم ان هناك متحجبات ماخذينة ستر لافعالهم المشينة و جواز سفر للخروج من البيت براحتها وايهام الاهل انها متحجبة وملتزمة وهي الله يستر عليها
وفي نفس الوقت هناك نساء غير محجبات ولو وزنت اخلاقهم لفاقت اخلاق المحجبة بكثير
ولكن انا اتكلم اهني عن الناس الأسوياء
وأنا هني ما اقول ان الحجاب فرض او لا ..او لازم تتحجب او لا ..انا اقول شرايكم باللي تتحجب وتفصخ الحجاب
شلون تشوفونها؟؟ وشنهي نظرتكم للأثنين .. ولحد يقول الحجاب حرية شخصية لانة لو كان كذلك لكانت الصلاة ايضا حرية شخصية
هناك 28 تعليقًا:
عمي
طال عمرك
ما عليك امر
فضلا لا امرا
عدل البدليات .... صاير جنك عيمي على بنغالي
يالله تعدل السانا هاليومين تبي تخربه علينا
لا تزعل
حبك لا شاك
سليل
اخوي مبيوق
قاعدة اكتب بسرعه ابي اوصل اول وحدة (=
عموما ...
اللحية والدشداشة سنن
والصلاة فرض
والحجاب فرض
فلا يقارن ابدا ابدا
يعني ممكن تقارن بين نقاب وبين لحية اي جذية
عموما الايمان يزيد وينقص والدشداشة تطول وتقصر
وتسلم
غير معروف
شكرا للتنبيه
مركبنا
عزيزتي انا قلت بالبداية مافي مقارنة وقلت ايضا بالبداية ابي رايكم منفصل بالموضوعين
وليلحين ما سمعت رايج
:)
اللحيه مممممم عادي
بس الحجاب لااااا والف لاااااا
وحده معاي بالجامعه الله يستر علينا وعليها
كورس نشوفها بحجاب وكورس بدون حجاب
يقولون البنات انها تعالج شعرها
اذا حت شعرها لبست الحجاب
واذا زاد وزان قطتها
يعني اهي مو متحجبه بس للحاجه
;p
ووحده كانت معاي بالثانوي متحجبه
من زمان متحجبه
اخر كورس لنا بالثانوي قطته !!
شي غريب وكل من صار يتحجى عنها ويشوفونها بنظرات لا تحسد عليها
والمشكله ان ابوها كل يوم يوصلها وياخذها واحنا نطل نشوف راضي عليها ولا لا ؟
;p
يا رب لا تبلينا وتستر على بنات المسلمين وتهديهم
@@
كــلٍ بعـقـله راضــي ;q
تبي الصـج انا ما أقدر أحكــم على الأثنـين لأن لكل شخص ظروف قد نجهلها لما نقيم مثل هالتصرف ..
بتقولي بشكـل عـام ..
هم بقـولك أكو ناس مآخذها لعب ونوع تغيير وغايه للوصول لهدف وبعد ما تخلص هالسوالف ترد ريما لعادتها القديمـه ..
وأكو ناس عندها ظروف يكون فيها الانسان مجبر أخاك لا بطـل ..
عمومـا انا أحب الانسان الوسطي الي يعرف دينـه شنو ولا يكون متشدد بإلتزامـه ولا فالت كلش مولي ;q
الدوب يقطع للاول
والثاني... له اكثر من حالة... و معظم اللي يتحجبون مو مغصوبين... يكون حجابهم ردة فعل سريعة و غير مدروسة... من جذي تخر عقايدهم ويقطون الحجاب... يا عندها حالة وفاة و تأثرت.. او بالعشر الاواخر من رمضان و مشتطه مع العفاسي.. والا رادة من عمرة او حج و منقلبة خرايط راسها من انفلوينزا الحج... او حلمانة حلم يخرع في ليلة ما فيها نيوم... او انها مطرسسسسة(بربس) و تحسفت لما وصلت الجامعة...
منهم يبلعها و يسكت و يخمر ويتخمر شعرها معاه... و منهم من تقطه لاسباب خارجة عن ارادتها والله العالم فيها... ومنهم يتحولون قواعد من النساء و ما عليهم حرج... بس في منهم اذا اوصلوا هالعمر تنقبو... اوفر من عمليات التجميل و الشد والنفخ
وبالنسبة للنقاب.. ذكرتني بولد صديقتي... من كم يوم شاف وحدة منقبة ... راح لها واتهمها انها حرامية!!!
وولد اختي اذا شاف سوادة تمشي قال "واوي"
هذرت وايد.. لين افتر راسي
بس اتفق معاك بان الحجاب فرضضضضضض .... والآية واضحة و صريحة في سورة النور
بالنسبة للأول
أتوقع هبه
يعني يكون متأثر بشخص أو مسوين له غسيل مخ ولأنه هبه فالهبه لها وقت وتخلص يعني مو مقتنع بشكله اليديد و يرد على طبيعته مع هذا يظل ملتزم لأن الجو الروحاني يازله أكثر
ؤانا اشوف مافيها شيء بالعكس حلو الواحد يكون ملتزم وعلاقته قويه مع ربه بس من غير show
أما بالنسبة لسالفة الحجاب فلا ما أعذر اللي تقظة شماله قاطته
إلوحده المفروظ قبل لا تحجب تفكر عدل بالاشيا اللي راح تنحرم منها و إذا اهيا قد التنازل خل تتحجب وإلا لاتمسخر نفسها وتتحجب حجاب بو تنته و تألي تقظة
ولذلك أنا ظد الحجاب بسن صغير و القرار لازم يكون شخصي و بعيد عن الظغوطات
واللي تقطه صراحه استصغرها لأنها ماتدري شتبي
وعلى فكرة الحجاب مايقوم إلاخلاق و مو اهو اللي يعدل البنت
السنعه سنعه و الشينه شينه بحجاب و بدون حجاب
سوري طولت بس منزمان مو مسولفه :>
كلمتين
حرية شخصية
اخي مبيييوق
انتقادك للمحجبات اعتقد او ان لم اكن انا متاكد من رايك اللي هو ..نظرتك للحجاب نظره دينيه
من قال لك ؟ ان الحجاب لبس ديني ...او ان التي تلبسسه هي امراه ملتزمه دينيا ؟
هذا غير صحيص ابدا ...لان اللبس عادة يكون من عادات وتقاليد الششعوب ....مع التطور على مر العصور حت وصل الي الشكل اللي نحن بصدده الان
في النهاية
انا مؤمن ان اللبس حريه شخصيه..انشالله يكون قصير وسفور او منقبه اسود باسود
فمالله
الريال لما يطول دشداشته ويخفف لحيته ويهذبها
يكبر بعيني
:))
لاني ما اواطن اشكال الرياييل المبهذلين
بصراحة
ونادر ما تشوف واحد دشداشته قصيره ومرتب
بنفس الوقت
اما البنت لما تقط الحجاب
يعتمد
اذا كانت بالتعش اعتقد تنبلع السالفة لانه الكل بيقول تسرعت ثم توهقت ثم تحسفت
لكن اذا كانت بقره شكبرها
طول بعرض
وخلق الله كلهم شافوها متستره
وبعدين فجاه تفصخ الحجاب وتلبس قصير
وتطلع الزنود والسيقان
مو بس تطييييح من عيني
الا تلوع جبدي بعد
بمثل هالامور الواحد المفروض يكون قد قراراته
والحجاب مو لعبه
واظن مهما تكون الوحده متضايقة من الحجاب لاي سبب
تقدر تطلع مواهبها باماكن ثانيه
ليش يعني لازم المواهب تطلع بره البيت
?!!
وشيء اكيد الاخلاق مالها علاقة بالشكل الخارجي
بس تردد الانسان بهالشكل يعطيك انطباع عن شخصيته المهزوزه
وشكرا
ماعرفنا شنو مناسبه البوست
ناوي تحلق اللحيه
لووول
?
المفروض الي يقدم على تصرف يكون عارف ابعاده نفسيا واجتماعيا ولا من الاساس المفروض مايسويه !!
بالنسبه للحيه والدشداشه هذا نوعا توجه وعين تصير عليك واذا غيرت بهالشي راح تشوف تأثيره عليك ، اذا منت مستعد تتعرض للغمز واللمز على كل حركه خلك على وضعك ولاتكون تحت المجهر
وبالنسبه للحجاب انا اشوفه فرض والي تقط الحجاب احسها تفقد احترامي ، خلج ثابته من الاول على شي ولاتعقدين نفسج والناس :|
وبالاول والاخير انت الي تفرض على الناس احترامك مو المظهر ولا التوجه الي انت فيه ، مثل ماقلت لا اللحيه او الحجاب يفرض عليك الاحترام الموضوع موبشت علشان آخذ تصور عن الي لابسه !!
ياما ناس عاديه وبنات مومحجبات يفرضون عليك احترام ألف غيرهم ..
الغالي حسافتج ياكويت
صباح الخير والورد يالغالي
-----------
بعيدا عن الرأي الديني كما طلبت منا
فإنني أحترم الحرية الشخصية...ولكن لا أحبذ التقلب المتكرر
تقبل مني أجمل التحايا الصباحية
لا انا باقول حرية شخصية في كلا الحالتين
بالنهاية البنت اللي تتحجب تفعل ذلك لربها
والرجل اللي يربي لحيته يفعل ذلك لربه
كذلك الصلاة والصوم و و و .. ليش نربط الضغوط الاجتماعية بالواجبات الدينية اللي هي اساسا بين العبد وربه؟
.
.
ان رفضنا هالكلام ورضخ من رضخ من الناس لهالضغوط، صار الحجاب للناس مو لله
وصارت اللحية للناس
لان بدونهم يجيهم القيل والقال
هذا صار نفاق اجتماعي!!!
العزيز مبيوق
كل شي واضح و بيين ما يحتاج تعليق او مقارنة الا اذا ما كان عايش بالكويت
لا نحكم على الناس ولا ننتقدهم يا حسافيتج
حره شخصية احنا شلنا فيهم
والهادي الله للكل والجميع
اللحية سنة ويجري عليها مايجري علي السنن ,يعني خذيت فيها زين ما خذيت ماعليك شي
الي يربيها مو شرط يكون مربيها ديانه يمكن موضة شعرفني عنه فما احطها مقياس
بس الي يربيها فترة ويشيلها ويظل متمسك بصلاته وعباداته ما ياثر فيه اهي سنة
الي تقط وتلبس هذي الصراحة ماعندها ادني احترام للحجاب ,غيرها تدش محاكم بس علشان تلبس هالحجاب "في فرنسا مثلا"
واهي الله خير علي المزاج
اي كانت ظروفها الانسان عنده قرار يعرف يقول لا ويرفض الي مايبيه
شعرها خفيف مو حلو غطية باي شي كبوس شال المهم مو حجاب
ما ادري عن غيري بس الصراحة شي مؤذي لما نشوف ناس تتعامل بهالاستهتار مع الحجاب
اممم
بالنسبة للجنسين احسهم يسيئون لصورة الإسلام لانهم قاعدين يتعاملون باستخفاف
ما محسوبين لجهة معينة
حتى انا تطيح من عيني الي تقط حجابها عندي الي مو متحجبة احسن من الي تقط حجاب ...
حسافتج
تصدق أحس أي وحده تقط الحجاب مسكينه مغصوبه عليه
بعكس الرجل إلي لما إشيل لحيته أحس إنه مو تكانه
لأنه الحيه ما هي فرض
فمن الأول ما كان له داعي إنا إحطه
الكويت ديرة هبه .. و الحين الدين صاير كلش مو هبة..الناس وين رايحين معاكم.. اللحيه سنه و شكلها مو حلو فعادي يغير رايه و يشيلها أكيد مرته ما عجبها شكله .. يغير رايه مو يغير مخه و كل الثوابت اللي كان مؤمن فيها, أما الحجاب فهذا قصته قصه .. مادري ليش اهو وايد مسبب أزمة عند الناس.. يبيله بوست بروحه..الحجاب فرض مافيها روح و تعال.. اللي تحطه و تشيلة اكيد عندها أسباب قبل او بعد , مهما كانت الأسباب شكلها مو حلو لا قطته .. المشكلة مو اللي تقطه المشكله اللي يحاربونه!! و اللي يقارنون اخلاق المتحجبة بالغير متحجبة!!! ما شوف احد يقارن بين اللي يصللي عدل و اللي يكروت صلاته و الا حتى ما يصلي.. و الا بين اللي يصوم او ما يصوم.. الاخلاق شىء و تأدية الفروض شىء ثاني..جان زين يفهمون !!
يعطيك العافية اخوي العزيز
احترمك واحترم وجهة نظرك
واعتقد اللي قبلي كفو ووفو
ولكن لي اضافه:
1-ان النظره العامة ان اللحيه والحجاب هي من علامات الدين والورع،إن كنا لا نقدر على ادائها يفترض ان نحترمها ولا نستهزأ بمن التزمو فيها
فالإيمان بالقلب يزيد ويفتر وهذا حالنا كلنا!!
فإن فتر الشخص لدرجة حلق اللحية التي التزم فيها او خلعت الحجاب بالنسبه لي شئ محزن
كمن يركب درجة بالسلم
وينزل درجتين!
فالانسان حتى لو فتر احيانا المظهر يقيده بامورويعيده لجادة طريقه
2_موضوع احساس:
بحكم اني محجبه
فأعتقد ان البنت عندما تتحجب ترتبط بحجابها ويكون جزء من احساس حيائها، والله يا حسافتج لو يدخل ولد خالتي على غفله وانا من غير حجاب اتأزم
!!
فاستغرب كيف ممكن بنت تتحجب ويهون عليها تقطه تالي؟
!!
فأنا ايضا استغرب احساسها
ويظل بالنهايه الموضوع بين الانسان وربه ،لابد ان لا نعرض ارائنا فيهم فغدا سيرزقنا الله بببنات واولاد ما ندري شنو بيسون
:))
الناس لها الظاهر..
اكل ما تشتهي والبس ما يلبس الناس..
في ناس مجبره بحكم العادات والعرف باللبس... مو لديانه ولا لاخلاق بس لارضاء البيئه والمجتمع الي يحكمهم..
انا ضد هالشي..
انا ضد الحكم بظواهر الامور..
بالنسبه للي ذكرتهم في ناس اتغير افكارهم للاحسن او للاسوء..
انا اقول حريه شخصيه.. وكلن عقله براسه يعرف خلاصه..وبالاخير محد بيدش قبر الثاني او يتحاسب عنه..
وشكرا
اخوي مبيوق
اعاد الله لكم ماسلب منكم
--------
ردا على ردي
اقولك
اولا : الحامض حلو الي قلت عنه
الي يدين وبعدين يشيل لحيته
ذكرتني بولد خالتي اذا تدين تقول له امي يبا البس هيلاهوب لوعة جبدي من كراعينك (= من كثر ما دشداشته قصيرة
واذا هون صارت دشداشته طرحت عروس من طولها
لا والاخ يصير يقطر ماركات
واذا رد تدين قط كل ماركاته ماادري ليش !!! حتى الجواتي عزكم الله
بس الحلو فيه وبين تقلبه انه ثابت على اخلاقة سنع ،، وصلاته
والدين مو بس لحية ودشداشة رغم انه رموز تشير له ..
وياما دينين بدون لحية ولا دشداشة عنك د. ابراهيم الخليفي بس يكلمة احد يقول كيفي دين كول
عموما
الرسول صلى الله عليه وسلم يقول ( اقربكم مني منزلة احاسنكم اخلاقا )
فاذا ترك اللحية والدشداشة طافة اجر بس يقدر يعدها باعمال ثانية ،،،
رغم اهمية هل عملين وان تركهم ممكن يخلي الانسان يخق في امور ثانية
خصوصا ان اللحية والدشداشة القصيرة يحطون الانسان بقالب يمنعه من عمل بعض الامور بكم ان الناس تنظر له
=====
اما المرأة
لا شئ يشفع لها انها ما تلبسه اصلا وشئ يشفع لها انها تقطه
الصلاة ايضا حرية شخصية
منو قال غير هالكلام
طبعا الصلاة حرية شخصية
و لا تبي نفس السعودية .. مطاوعة يفترون بخيازرين بالسوق وقت الصلاة؟؟؟
انونيمس بالعربي قام يقطر حكم
انا اشوفه صكر الموضوع و خلص النقاش
عسى الله يطول بعمرك ان شاء الله
اول شي مو حلوة الريال طول عمره مربي لحيته وفجأة يقصرها لان الناس راح تتكلم عنه وتقول شفيه فصخ او لايكون قل دينه؟!! فأنا اشوف لو الريال ينوع ان مرة يقصر لحيته ومرة يطولها وجذي يقدر يتحاشي كلام الناس
وبالنسبة حق دشداشته انا اشوف ان المفروض يعتدل في طول الدشاشة عشان ماتخب بالقاع وتلقط الوصخ ودام انه ملتزم بصلاته ودينه فهذا شي حلو
ثاني شي الحجاب فرض على كل مرأة بالغة وعاقلة .. لو تقرا كتب السماوية السابقة اللي اهما التوراة والانجيل راح تشوف ان ذاكرين فيه لبس الحجاب
وفوق هذا الحجاب ستر حق المرأة.. يعني انا البنت لما اطلع واشوف وحده ماشاء الله شعرها اشحلاته اقعد اطالع فيه من حلاته فما بالك اذا شافه ريال وانبهر فيه
وهم لازم الواحد يفكر ان ليش لما المرة تصلي تلبس ثوب وتغطي شعرها؟!!
فهذا يعني ان الحجاب فرض ولو مو فرض جان مغطينا شعورنا لما نصلي
اما البنت اللي تلبس الحجاب وتقطه هذي تكون يا مغصوبة او قليلة ايمان انها ماتعرف قيمة لبسها حق الحجاب
بالنسبة لي اشوف ان الحجاب وتغطية الوجه واجب وغلطانه وايد اللي تشيل الحجاب
إرسال تعليق