بوم بو مبارك -ج2

تحديث

http://209.85.129.132/search?q=cache:OSIdHE8Yd6sJ:7asaftech-ya-kuwait.blogspot.com/+%D8%AD%D8%B3%D8%A7%D9%81%D8%AA%D8%AC+%D9%8A%D8%A7%D9%83%D9%88%D9%8A%D8%AA&hl=ar&ct=clnk&cd=1&gl=kw

هذا هو الجزء الاول

---------------------------------------

دار الهوى وتم يعصف بمحمد وبحريتة ثلاث ايام بلياليها..

والنوخذة حاير مايدري شسوي؟؟
وطخ الهوى وطلعت الشمس والبحرية قاموا يتفقدون بعضعم البعض ولسوء الحظ الدليلة غرق ومات
والبضاعة راحت بحر...
أحتار النوخذة .. أليحن ما يبي دليلة يبي شراع يوديهم البر .. أي بر ولكن مع الأسف شراعهم تنتف والبوم صار سماري
وفجأة والكل قاعد يفكر.. نط النوخذا وقال بس.... لقيتها... نقط السن وننطر اي سفينة تمر تاخذنا
جان يقوملة أحد البحارة وقولة إقعد بس اقعد؟؟ اي بوم بمر ألحين؟؟ الناس خلصوا الغوص والسفر والحين موسم السرايات
ماكو احد يبحر فية..
أحتار النوخذة
وفي نفس الوقت بالكويت ظهر اسم نجم جديد من نجوم أعيال عم مبارك وقال لمبارك
يا عمي النوخذة محمد بطى علينا وماظنتي له رجعة ... عطني بيزات وخلني ابني بوم يديد وإنشاء الله ما أيي وقت الدشة الياية
إلا والبوم جاهز وخلني علية نوخذة..
أختار مبارك وماودة سمعتة وصيتة بالسوق يهتز
فقالة توكل على الله..
النجم الجديد اسمة فهد.. وهو اللي مخطط مع عيال عملة لكل هذا وهو اللي عطل بوم النوخذا مبارك ودز معاة جم واحد من البحرية يخربون علية رحلتة
وفهد هذا كان يتمتع بشعبية كبيرة بالكويت وكان يضوطهم مثل الغنم ووعدهم انة يخليهم بحريتة لا صار النوخذة..
ووصل موعد الدشة. والناس ترحمت على النوخذة محمد وبحريتة وفلوسهم
ودخل فهد للبحر قرر يبين انة اهو احسن من محمد فسبق كل المراكب وموعدهم للسفر وأخذ البضاعة وراح
ووصل للهند ورجع للكويت وزادت شعبيتة وقوتة
وفي نفس الوقت ومع مرور سنة كاملة من فقدان اخبار النوخذة محمد
فقد مرت بارجة بريطانية انقذت المحمل ببحارتة والنوخذة وكانت متجهه إلى شواطئ بريطانيا العظمى
ولان النوخذة والبحارة مايعرفون عجريزي فماعرفوا يقولون لهم حنا من وين ولا ودونّا الكويت
ولان الموضوع إنساني انقذوهم وودوهم بريطانيا
وهناك تعرفوا على القنصل المصري اللي كلمهم وقال لهم :
انتوا جاين منين؟؟
قالو حنا من الكويت و بحارة وشب الهوى علينا ويات هذي السفينة العودة وانقذتنا
قال: ياااااااااااااااه الكويت حتة وحدة؟
قالة النوخذة وهو يضحك: اي اي الكويت صارت حتة وحدة وابشرك صارت إمارة ولنا حاكم
قالة القنصل: طيب طيب تعالو تغدوا الاول وبعدين نشوف اية اللي حنعملو معاكم
واكرم القنصل المصري النوخذة محمد وبحارتة
وقالة ابي ادز رسالة حق عمي مبارك
وقال القنصل لازم تروحوا لوندن وتبعتوا الرسايل من هناك بالسفارة
وفعلا وصلوا لندن وشافوا الحريم الشقر والبياض و(بققوا عيونهم) ونسوا الرساله
واشتعلوا هناك وتزوجوا اجنبيات وتعلموا إنجليزي والنوخذة لأنة كان فطين وسابق زمانة
قال انا ابي اسوي مشروع مصنع كاكاو وقالة القنصل المصري روح بلد الكاكاو (سويسرا)
وراح واستقر واشتغل في المصنع لين يمعلة جم بيزة مع الخبرة وفتح مصنع كاكاو في سويسرا
اما باجي البحارة فمن كثر جمال الباصجات فرخوا أعيال وايد وتعلموا اعيالهم السنع وفن الإدارة والشغل في محلات (مارك) قبل لا يشاركة( سبنسر) وصيرون ماركسبنسر
ودارت الايام ووالبوم ماشي فية فهد ولكن فهد طمع وقام يبوق عيني عينك المحمل وقول لهل الكويت :
والله القراصنة والحرامية باقوا المحمل.. وطبعا بحارتة ساكتين لان النوخذة فهد يعرف شلون يسكتهم ولهم مصالح معاة
وفي هذي الاثناء ظهر النفط وقامت الحرب العالمية وتوقفت تجارة فهد.. والكويت انشلت والسفن منقعة على السيف
والإقتصاد بالبلد وقف
وبعد إنتهاء الحرب
قاب احد ابناء البحارة في لندن وحب بنت ايرانهم اللي اهلها ارفظوا انة يتزوج بنتهم وقالولة ... قو اوي يو ستيوبد اراب بلاك مان
وقال حق امة ماما واي ذي توك تو مي لايك ذيس؟؟
الام قالتلة: اووووووه دارلنج بيكوز يور فاذر إز نوت فروم إنقلاند هيز فروم كوويت
وقال : اي وانت تو قو باك تو كوويت اي وانت ماي ماذر كانتري
وقرر الولد اللي اسمة سالم انة يجمع ربعة اللي من اصل كويتي ويتتبع الاخبار ولكن مع الاسف ابهاتهم ماتوا
وبالجامعة تعرف على ولد القنصل المصري وقالة الولد:
بص انا فاكر إنو من 20 سنة ابويا كان شريك واحد كويتي اسمه النوخزا والنوخزا دا تلا ئية في سويسرا
وذهبوا جميعا للنوخذة اللي دمعت عينة اول ماشافهم وقال والله لارد الصاع صاعين للي شردنا
وركبو السفينة وردوا الكويت
ووجدوا الركود الإقتصادي والنزاع السياسي وكثرة الجهل بالبلد
وبدوا يساعدون الانجليز على التنقيب على النفط وانشاوا الحقول والمحطات التكرير ونقل النفط وصاروا يديرون البلد وينمونها وصار الحاكم يثق فيهم وصارت الكويت جميلة وحلوة وقاموا يسمونها دانة الخليج
ومات مبارك ومات محمد
وبعد مدة
قالوا وين صاحب اكبر بوم وتجارة بالكويت؟؟
لقوا واحد قاعد وشعرة طويييييييييييل وأخوة خليفة يفلي القمل اللي براسة.. وهدومة منتفة.. وقالولة انت اكبر تاجر؟؟
وقال: كنت
قالوا تبييييي؟؟؟؟؟
وقبل لا يكملون جملتهم قال ابيع ابيع ...ابيييييييييييع امي وابوي بس عطوني فلوس
واشتروا البوم وعدلوة وخلوة مثل النصب التذكاري وحطوة بالصفاة
واكتبوا علية

دام الامل موجود... لا بد يوم تعود ... أيام التفاريج

أشرايكم فيني وأنا متفائل؟؟؟