ما تصبرنيش.. ما خلاص.. أنا فاض بيه ومليت .... بينلي إنت الإخلاص وانا اضحي مهما قسيت

إنما للصبر حدود
للصبر حدووووووود



الجمعة، 23 يناير 2009

لحاج الله يا نفسي.. على الجايد تحديني

لحاج الله يا نفسي على الجايد تحديني

الخبر المكتوب في جريدة القبس اليوم ينذر بحرب على المدونين
بختصار عن نفسي سأعتكف أكتب عن مشاكل بلدي وابحث عن الحلول لها
ولان الدستور اليوم يكفلي حريتي بالتعبير عن رأيي فسوف اقوم بما توزني وتحدني علية نفسي وهو الجايد!!
ساكتب كل اللي بخاطري وسوف أجدولة بالمدونة لتنزل المواضيع كلها حتى بعد القبض على والتحقيق معي
يعني الجماعة يحققون معاي ومواضيعي تنزل وأنا بالمعتقل !! وهم اللي حدوني على الجايد
أنا كويتي ماني يهودي
انا قلبي على الدير عمري ما كتبت لهدف إرضاء فلان او فلنتان
أكتب لأجل الكويت.. الديرة فيها فساد وبشهادة سمو أمير البلاد عندما كان رئيس الوزراء
واللي يبون يسكتونا نقول لهم الافكار لها جنحان وتطير سواء بالمدونات او بالإيميل او بالكلام المباشر
إن لم يكن من حسافتج او باقي المدونين فبغيرهم
نعم اللي يقذف ويسب ويتبلى على المسؤولين من غير دليل هذا يستحق الجزاء
ولكن إذا كان فية دليل .. فكل مسؤول يجب ان يحاسب وكل اعوج يجب ان يقيم
ليس أنا من سيصلح الكويت ولكنني عود في حزمة
والشمس ما يغطيها منخل والحق واضح
وحنا مانشهر بالناس هذيلة مهما كان كويتيين وأهلنا ولكن الشخصيات العامة لا قامت تخنبج نقول لها انتي خنبقتي
والكتابه عن اغلاطهم لا تسمى تشهير ..
عموما أنتوا اللي حديتوني أكتب وأجدول مواضيعي لتنزل على الدوام حتى تكون مدونتي (مدونة من غير مدون)
فقد يكون المدون مريض او مسافر او جالس امامكم وتحققون معة !! ولكن صوت مدونتة يدوي
ولا تلموني لا قلت حسافتج يا كويت
حسااااافتج

ولحاج الله يا نفسي على الجايد تحديني

وهذا هو نص الخبر في القبس

مباحث الجرائم الإلكترونية تكثِّف جهودهاالتحقيق مع مواطنين يشهِّران بالشخصيات العامة عبر الإنترنت
كتب راشد الشراكي:
بدأت الإدارة العامة للمباحث الجنائية، ممثلة بإدارة مباحث الجرائم الإلكترونية، عملية مراقبة المواقع الإلكترونية المشبوهة التي تثير النعرات الطائفية وتتعرض لشخصيات عامة في الدولة، وأسفرت جهودها عن ضبط متهمين سبّا شخصيات وشهرا بها على الشبكة العنكبوتية.في التفاصيل التي رواها مصدر أمني لـ القبس ان رجال مباحث الجرائم الإلكترونية ضبطوا مواطنين بتهمة التشهير والسب والقذف لشخصيات عامة في البلاد عبر مواقع الإنترنت مساء أمس الأول في إحدى مناطق محافظة حولي.وقال مصدر أمني لـ القبس إن معلومات وصلت إلى مدير عام الإدارة العامة للمباحث الجنائية اللواء عبدالحميد العوضي من أحد المصادر ان هناك موقعا على شبكة الإنترنت يبث أخبارا كاذبة ويشهّر بشخصيات عامة ومهمة في البلاد، وعلى اثر ذلك أوعز العوضي إلى مدير إدارة الجرائم الإلكترونية مهمة ضبط صاحب الموقع.وأضاف المصدر ان رجال المباحث في إدارة الجرائم الإلكترونية راقبوا الموقع المشبوه على شبكة الإنترنت وجمعوا كل التحريات عن مؤسس الموقع، الذي تبين انه مواطن ويسكن في محافظة حولي.وأشار المصدر إلى ان رجال المباحث أقاموا كميناً للمواطن مساء أمس الأول وألقوا القبض عليه، وبالتحقيق معه اعترف انه وصديقه تعرضا لبعض الشخصيات بالسب والتشهير، وبعدها أرشد المتهم الى مكان شريكه في احدى مناطق محافظة حولي، حيث ألقى رجال المباحث القبض عليه وقد اعترف أيضاً بالتهمة المنسوبة إليه فأحيلا إلى جهات الاختصاص.جدير بالذكر ان الإدارة العامة للمباحث الجنائية أنشأت أخيراً ضمن الهيكل التنظيمي الأخير للوزارة إدارة خاصة بالجرائم الإلكترونية وجرائم الحاسوب، لافتاً إلى ان هذه الإدارة مكلفة أيضاً بالبحث والتحري حول القضايا التي ترفع ضد المدونات والمواقع على شبكة الإنترنت










ملاحظة أخيرة:
إذا تبون ما نكتب لا تكلمونا... كلموا اللي يبوقون واللي يخربطون بقراراتهم واللي يخنبقون واللي يعينون ناس مو في محلهم ... قولوا لهم سنعوا البلد يا مسؤولين عشان محد يتكلم عليكم

وصيتي لي صادوني:
عندي اسهم صفوة .. بيعوهم واشترولي خبز إيراني وجبن وطرشولي إياة

هناك 38 تعليقًا:

Kuwait يقول...

الكلام مو اهني يا حسافتج ..
الكلام هل القانون منصف ؟؟
هل مثل ما يحطون علينا قيـود يعطونا حقوق ويحفظونها لنا ؟؟؟

الزين يقول...

@@


اقضب لسانك ياريال

عيزت وانا اقول لك

المقوع الشرقي يقول...

اتوقع مدونه ديرتنا لان عليها شكوى وتبلت بالتشهيرباخبار كاذبه عن نائب ومن حقه يرفع عليهم قضيه من البلاوي اللي كتبوها
انت بالسليييييييم
اكيد مو المقصود انت او غيرك من الاقلام الشريفه اللي تنتقد لمصلحه البلد 0
بس ترى العمر يا شامان
ان شسمه000
حتى بوستاتك اللي بتنزل
باعلق بالعكس :)

enter-q8 يقول...

ما يهزك ريح

عموما التحرك اللي صار عقب شكوي يعني مو من كيفهم والا السالفه تصير حوسه و ربك و انصعدها عاد

nanonano يقول...

وااااااااااااااااي

برّدت قلبي

بالضبط...أحنا كويتيين و من حرتنا على ديرتنا نكتب عن سلبياتها لأن نبي لها الأحسن

لأن أحنا شباب مالنا الا هالديره نطالع الله و من ثم نطالع الكويت

و مو أحنا اللي نبي نسئ حق أي كويتي..بس أحنا اللي راح نوقف حق كل كويتي يحاول يسئ لهالبلد

فلا أحد يتشيطر علينا لأن أحنا بالذات ما نقبل أن أحد يشكك في وطنيتنا

أبو لطيف يقول...

لحاج الله يا نفسي على الجايد تحديني
ما عرف كيف امسكها من لساني او ايديني

تركتوا ذاك البايق سرق مني شقى سنيني
ومسكتوني انا المبويق اغني ليلي يا عيني

حسافة اهلج يازينه ..وسط غرفه تحبسيني?
وحسافتج يا بعد ديرتي كويتي وهواج ديني

esTeKaNa يقول...

ياربي حسافتج مدون مبتكر!!
بيسوي مدونة من غير مدون
:))
اي والله على الجايد تحديني
عيل هذي حاله؟
وكل ما عدلت واحد يميل الثاني
كل ما صدينا عن شي طلع لنا شي ثاني
بعدين شنو الوصف التشريعي حق المدون المقبوض عليه قانونيا؟
اهي فوضى!
وين قاعدين؟




وعموما:
انا بنت في مقتبل الحياه وراي دنيا
متعوب علي واهلي يبوني
اذا السالفه فيها مساجين
راح امشي تحت الساس واقطع علاقتي بكل الناس

مع تحياات:
استكانة الجبانه
:pP~

bof-10 يقول...

على قولة الحمله السعوديه ...

خلها تصدي...هههههههههههه


مبيوق ابيك اتعلمني اشلون انزل مواضيعي في اوقات انا احددها .. مثل ما انت سويت ... بليز ....

وممكن اعطيك رقم تلفوني ؟ عشان اتعلمني ؟؟
واذا ممكن قولي وين احط رقم تلفوني ...
واذا لأ ...

ممكن اب ايماكن ثاني تعلمني ؟

حسافتج يا كويت يقول...

كويت

سألي اصحاب القرار انا اساسا مبيوق

حسافتج يا كويت يقول...

الزين

الساكت عن الحق شيطان أخرس

وأنا ماني شيطان ولاني أخرس

حسافتج يا كويت يقول...

المقوع

غذا مدونة من المدونات غلطت على أحد والأحد هذا اشتكى فمن حقة والقضاء بقص الحق

لكن والله اكتب بهدف إصلاح ديرتي وانقط بالسجن

أهو ده اللي مش ممكن ابدا ابدا

حسافتج يا كويت يقول...

انتر
إذا جذي السالفة فمن حق اي احد يشتكي
بس لا تصير على الكل وخيطون حلوجنا

لان إذا الحلج تخيط الكلام بيطلع من مكان ثاني وهم احرار عاد ساعتها

حسافتج يا كويت يقول...

نانو

صدقيني حنا نكتب وساعات إيدنا على قلبنا بس من حبنا لها .. بنكتب لها

وحسبي الله على اللي يحفر لنا
واللي يغلط لازم ياخذ جزاة

ولا تبوق لا تخاف وما يكتبون عنك المدونين


وبعدين الكويت بالنسبة لي مو بلد بس
الكويت حب

والحب يصنع المعجزات

حسافتج يا كويت يقول...

ابو لطيف


يا سلام عليك

KQ8 يقول...

وسع صدرك

الموضوع مو بهالشكل..فيه بعض الامور الغير واضحه واصبر وبتشوف

حسافتج يا كويت يقول...

استكانة

افهم من كلامج إن هذي الزيارة الأخيرة للمدونة؟؟

حسافتج يا كويت يقول...

بوف 10

دزلي إيميل وانا أعلمك


شكلك تحب الجايد
هههههههههههه

حسافتج يا كويت يقول...

kq8


اكثر من جذي توسعة صدر؟؟

بتشقق صدري

الزين يقول...

زين لا تعصب علي

خو ما قلت شي خو

يبا قول الله تبيه


ما تعرفون يعني المريض يخوره


طوف لي خوارتي مره بالسنه


:$


بس زعلت

حسافتج يا كويت يقول...

الزين

مو معصب وينقص لسان اللي يزعلج


وسالامات يا الغالية

chandal/danchal!! يقول...

سادة والا بالسمسم؟
وأي نوع جبن؟؟ لو فات والا دوبل كريم!!! شكلها "مش"

انا بسويلك سد الحنك و اطرشها مع نانو

SKY يقول...

انا قريت الخبر اليوم وانبطت جبدي

اوكي الي يشهر وماعنده دليل واشتكوا عليه مو مشكله

بس ترى والله شبابنا وعيال الديرة خايفيين عليها من خوفهم وحبهم لها وحرتهم عليها قاعدين يتكلمون ويكتبون يبا هذه الكويت حرام عليهم الي قاعدين يسوونه فيها والله حرام
فالواحد شلون يبرد جبده يعني؟ شلون بيطلع حرته خو كل واحد يسوي الي الله قدره عليه ويحاول انه يسوي شي يصلح من الي قاعد يصير

بعد مايصير يقمتون عيال الديرة ويؤبطون حلوجهم ويكلبجون ايدياتهم !!!

غير معرف يقول...

http://www8.0zz0.com/2009/01/23/18/483107388.jpg

صورة جنسية ابوعيدة :)

JooJ o MaJooJ يقول...

يعني ألحين المباحث خلو كل البلاو الزرقه إلي بالديرة او ماقدرو إلا على البلوقات ولي ينكتب فيها!!!!! وين الحرية الرأي..حرية طل إبينهم
ماعليك إكتب او إبصوت عالي بعد..و لك مني كل يوم ايبلك الغدا بانظارة:p الله يحفظكم
جووج

Mohammad Al-Yousifi يقول...

h
احمد ربك تقدر تكتب عن المنتخب

Eng_Q8 يقول...

قالها المرحوم حرب خسرانه

joy يقول...

ويييييييييييييييييييييييييي
لا يكون يقبضون على اللي يعلقوون عندك
يالهوي




انا اييبلك كباب الحجة وكوكاكولا
متى زامي الاثنين فاضية
:)

غير معرف يقول...

قلعتكم .. ما تدرون ان الي يحب الكويت هذي اخرته .. يا سجن او مباحث او يطلع سباب و نمام .. يعني تستعبطون ولا شنو .. ما تدرون ان الي يتكلم عن الحرامية بالكويت ينقط بالسجن .. و الحرامية و المنافقين و الفداوية يتسلمون المناصب و التكريمات و الي صج قاهرني ان يحصلون احترام الناس

حساااااااااااااااافتج يا كويت

حسافتج يا كويت يقول...

جندل

ابي سد الحنك

جود أسكت وما اخيس بالسجن مثل جد ابو الحصاني اللي قطوة بالسجن فخاس وماااااااااات

حسافتج يا كويت يقول...

سكاي

على قولة رويشد

شبيدي اسوي اسوي وما سويت

حسافتج يا كويت يقول...

غير معروف

من غير ما نشوف امبين شنو جنسيتة

حسافتج يا كويت يقول...

جووج

شفتي شلون؟؟

شنسوي احنا؟؟

اشق ثيابي يعني؟؟

DiLLi O MiLLi يقول...

ههههههههههههه
الصفوة ما تيبلك لا خبز أيراني ولا جبن
:)
آخرها يا خوي يا مبيوق .. الصفوة راح أتطالبنا فلووووس
:(






ههههههههههههه

أنا بعد بركب ببلوقي
auto-blogger
أحتيــــــاط


:)

حسافتج يا كويت يقول...

مطقوق

اصبر ويمكن بعد حتى المثاوب ماراح يسمحولنا فية

حسافتج يا كويت يقول...

مهندسنا



الله يرحمة له نظرة

حسافتج يا كويت يقول...

جوي

الزيارة اثنين وخميس وبكون صايم فيهم

فرصة الواحد يتقرب لله في هذي الظروف

حياج بس مابي اتفطر كباب
ابي هريس

مسجون وتشرط

حسافتج يا كويت يقول...

غير معروف


اي والله اي والله اي والله قلعتنا

حسافتج يا كويت يقول...

دللي ومللي


الصفوة خلتني حثاله مو صفوة

حسبي الله عليهم هذي وهي صفوة ونقوة

عيل لو ماخذ

ولا خليني ساكت


يعني اللي افهمة من كلامج إني داش داش السجن سواء من التدوين او من الصفوة لانهم بيون مني فلوس


ياما في السجن مظاليم

مزلووووووووووووم