عندهم المرأة تخالط الرجال بالجامعة
عندنا افصلوهم وشككوا في تربية بناتنا وعيالنا
عندهم يبنون جامعات
عندنا جامعة وحدة اهلية وموقادرين يوسعونها
عندهم دكاترة من كل انحاء العالم
عندنا دكاترة محلين
عندم مناهج عالمية
عندنا يا ويله اللي مايشتري كتاب الدكتور مال المادة ويربحة
عندهم الجامعة من كبرها يسوقون فيها سيارات عشان يتنقلون فيها
عندنا جامعة مافيها مسافط كفاية
عندهم الجامعة شراكة مع كيمبرج وسنغفورا ومعهد العلوم الفرنسية وستانفورد الأمريكية
وعندنا شراكة مع مكتب بوهاني للطباعة وبو جاسم للتصوير
عندهم الجامعة باللغة الإنجليزية
عندنا الجامعة فيها مادة لغة إنجليزية
عندهم طلبة من ستين دولة
عندنا ستين دولة يبون فيزا علشان يدشون ديرتنا
عندهم إدارة صح للدولة
عندنا رئيس حكومتنا إهيهي من دولة لي دوله
عندهم المشروع هذا أخذ ثلاث سنين
عندنا مشروع الشدادية ليلحين حجر الاساس موجود ويمكن كلاه الدود
تدرون منو اللي عندهم كل هذا وخلوا الحريم يسوقون داخل الجامعة وخلوها مختلطة بعد؟؟
المملكة العربية السعودية !!
أما إحنا قاعد نرد لي ورى ..... من يهقى السعودية تخلي الحريم يسوقون ويدرسون جنبا لجنب مع الرجل وحنا ليلحين مكانك سر
للعلم فقط: الجامعة فيها 5 مدارس بمختلف المراحل ومساجد ومسابح ومستشفى يخدم المدينة الجامعية ومساكن للطلبة والدكاترة كما يوجد بها شاطئ ومسبح ومطاعم وملعب غولف وتنس ارضي وأخيرا وليس آخرا يوجد بها مرينا من الطراز الحديث
وفيها درجة للماجستير والدكتوراة
ومساحة الجامعة 36 مليون متر مربع
عسى ربي يوفقهم في ظل عهد بو متعب
الاشتراك في:
تعليقات الرسالة (Atom)
هناك 21 تعليقًا:
عين ما صلت عالنبي ,, صابتنا
للحين أشك أنه اللي صاير عندنا شي متعمد و مخطط مدروس !!
أحس أن أكو ناس بره الديره يديرون ناس داخل الديره و يحثونهم على تعطيل التنميه و إثارة الفتن و المشاكل ! و كل مارجعت الديره خطوه للوراء ,, يعطونهم مكافأه
لكن
لابد ما يجي يوم و تشرق شمس الكويت من جديد بعد ضلام دام سنين علينا
"عندنا يا ويله اللي مايشتري كتاب الدكتور مال المادة ويربحة"
من تجربة شخصية : د.نجمة الخرافي بقسم علم النفس
لازم تشتري الكتاب مالها الي ما ينباع الا في مكتبة الجامعة وبشرط جديد مو مستعمل ولازم تعطيها الوصل@@
تخيل لازم تعطيها الوصل!!! شنو هذا بالله؟؟؟
وياويله الي مايشتري!
صبحك الله بالخير اخيي،،، تدري ان المملكة ما بدت أتطور إلا لما فلوا هيئة الامر بالمعروف والنهي عن المنكر واهم والعياذ بالله افكارهم كلها مناكر , ومن تصدروا هالنماين لديرتنا واحنا ما شفنا خير ، اقوول عسى ربي ييب لنا من يزحزهم علشان نقدر نلحق الركب
عادي انت بالكويت يعني شنو تتوقع
صباح الخير
اي انت قلتها عندهم وعندنا
وكل الي ذكرته عندنا يعتبر مميزات
شنو يعني خلو الجامعة مختلطة كل الجامعات مختلطة بس تيي تشوف الكويت غير لاننا مميزين
عندهم جامعات وعندنا جامعة وحدة ما نبي العلم يتطشر ويضيع بين الجامعات
اما كتاب الدكاترة فهاذي سالفة اذا تكلمت فيها ما راح اخلص بس اتوقع عشان نسوي اكتفاء ذاتي .. :)
عيل جاكو يقول لازم وصل
احنا عطتنا ورقة قالت امين المكتبة يوقعها خخخخخخخخ بس الصراحة كتابها وايد مفيد بدال لا تروح الجيم وتدق حديد شيل كتبها كل يوم :)
بس جنك نسيت عندهم شعب وايد وعندنا
3 شعبتين بس لا ومغلقة بعد ..
وعندنا السستم يعلق ..
كل شي عندنا ..
الله كريم يمهل ولا يهمل
شكراً ..
آااااخ يا قلبي
ياخوي ترا ديرتنا يبيلها نفضة تزيح "الزفت" اللي مغطي عقول هالناس و عامي عيونهم... عسى الله يوفق أخواننا بالسعودية و اللهم لا حسد...
أما اللي عندنا وين بنتوفق و هذا مخوخهم؟ اللي حتى محطة مجاري مو عارفين يديرونها!
انت يا تتغشمر يا تتغشمر
لانه بظل الحبيب ناصر المحمد احتمال نحفر الارض ونشتغل حفارين قبور ولا ندور الماي نفس الصومال اكو احسن من هالنعمه الي يفضلها علينا الحبيب ناصر المحمد؟؟؟
اما السعوديه اقولهم الله على الظالم الي عندنا مو عندكم
معقول هذا بالكويت!!!
عليهم بالعافية
يستاهلون الخير
من صجك !!!
احلف !!!!
و آنه أقول بس ديرتنا اللي خراب
طلعنا كلنا بالهوى سوى
مع انها متأخرة
بس
كل عام وانت بخير ومن عواده يا رب
عندهم شعور بدولة ..
عندنا شعور .. بفندق!
هذا الفارق بين الاثنين !!
كما تكونون ....يولى عليكم
""""""""""""""
كنا غير ...وكان تحضرنا
منارة الخليج
والان نحن غير ...واصبحنا مكينة ديزل الخليج
اعتقد تعرف السسبب
ماكو داعي اكتب لك
فمالله
ايـــه
فعلا .. حسافتج يا كويت !
الله يرحم حال ديرتنا
والحمدلله علىكل حال
وبالنسبه حق موضوع الكتب في قانون بالجامعة يحمي الطالب ويجرم هالفعل
يعني بامكانك انته كطالب توصل هالموضوع حق المسؤولين
واذا العموم يخاف يشتكي يتحمل
وبس عاد تحلطم على ديرتنا ترا نحبها وملنا غيرها :)
آآآآمييييين
أنا أبي واحد من جماعة قانون الفصل عندنا ،،، اللي ما حجوتهم ألا السعودية والسعودية وأمثلتهم كله من السعودية ،،،، ويييينهم ألحييين ؟؟!! شرايهم في مثلهم الأعلى ،،،، كاهوووو ماشاء الله عليه أنشأ جامعة في غاية الجمال موو بس بالمبنى ،،، لااااا ،،،، جمال العقلية ،،، وجمال الثقافة ،،،، وجمال الفكر
أموووت أشووف ردة فعلهم ....
عجبتني فقرة
عندنا رئيس حكومتنا إهيهي من دولة لي دوله
هههههههههه ... مت عليها من الضحك
:)
أنا كاتبة بوست عن هالموضوع بعد ....
والقبس انقلت عن انهم راح يمنعون هيئه الامر بالمعروف من دخول الجامعه.
السلام..
جاكو خخ حتى انا لما قريت هالجمله تذكرت د. نجمه انا كنت اخر كورس اللي ناخذ نوت مصور وماتبي نصوره بالجامعه ناخذه من مكتبة مشاركة بمعرض كتاب كلية الاداب @@
وفي دكتور خلنا نشتري 5 كتب من تاليفه واحنا بندرس كتاب واحد بس ولا مو كله بعد!!
انا بس ودي اعرف متى تخلص الشداديه او بالاحرى متى يبلشنو فيه !!
اغلب القوانين اليديده اللي بالجامعه فاشله ابتداء من كلية البنات اللي ماخذين مساحة ع الفاضي وانتهاء بالدراسات العليا اللي مافيها الا جم تخصص !!
والله يهنيهم يارب..<< اقصد السعوديه مو جامعتنا ..
مشكور..
مشروع بهالحجم الضخم خلصوه بثلاث سنين
لو تقولها لكويتى
يطيح غشيان
حسبى الله على من وصلنا لهالحالة
تصحيح
حجر الأساس فى 21 اكتوبر 2007
سنتين
لحد يطيح كوما
:)
هذي الكويت صل على النبي ....!!
وهذي السعودية... قول "سبحان الله ولا إله إلا الله"....!!!!!
وأنا ما أقول الله " حسبي الله ونعم الوكيل..."..!!
إرسال تعليق