مطلوب دم بسرعة من جميع الفصائل للتبرع لرجل إكتشف مؤخرا أن ما عندة دم
مكان التبرع مجلس الوزراء مكتب سمو الرئيس
حيث شوهد وهو يهم للمغادرة خارج الكويت بمهمة رسمية ومن ثم إجازة خاصة !!
البلد بتخيس بكارثة مشرف من صوب وتهديدات النواب بمسائلة الوزراء بالتربية والبلدية والاشغال والصحة منصوب
ومشاكل الصحة اللي كل مالها وتكبر مع عدم وجود قدرة إستيعابية للمرضى من صوب
والأزمة الإقتصادية من صوب
تخبط في قرارات مجلس الوزراء
هذا غير المشاكل المعلقة منذ أن استلم سموه زمام الأمور
كل هذة المسؤوليات يتركها رئيس الوزراء ويغادر في إجازة كانت منذ اسبوع خاصة إلى كوبا والبرازيل والأرجنتين واليوم سموها لبحث التعاون السياسي (أي تعاون سياسي) !!
وبعدين كلش مو وقتة
يا رجل شوية دم !
ملاحظة: يجب التبرع خلال 24 ساعة قبل مغادرة سموة البلاد
هناك 27 تعليقًا:
لحد يقولي خلة يسافر اشدعوة لا قعد يبي يسوي شي؟؟!!
ادري مو مسوي شي بس ابية يشوف الخمال بعينة علشان مايقول قاعد يحاربوني وانا ماسويت شي
ههههههههههه
شر البلية ما يُفْطِسُ مِنَ الضحك
فعلا وجوده وعدمه واحد لكن اجازاته بأسوء الظروف كعادته لا حنكة سياسية بها من باب العلاقات العامة وصيانة السمعة على الاقل
خل يسوي نفسه مهتم على الأقل
لو تمثيل
كوبا والبرازيل والأرجنتي
حسافتك..أشفيك..مسكين افتر العالم كله عشان يلاقي حلول حق مشاكلنا
ما يبقى آسيا ما يبقى أفريقيا و الحين أمريكا الجنوبيه
تشــــــــــــود الله ورحمته.. الله يوفقه هناك
الله يهداك شفيك؟؟ الظليمه شينه يمكن رايح يدعي لنا بالعشر الأواخر ؟؟
ماتدري!!!
ليش تجدم الشينه!!! مو دعاء المسافر مستجاااب..
الله يهداك بس....
مساءك سكر
مو بس اهوا
في احد غيره
yat 3ala sumowah bas..
رافقته السلامة
و عاش ديوان سموه العامر
سؤال تكنيقي
الفطور الساعة كم في امريكا الجنوبية ؟
ههههه والله عبالي صج نتبرع بالدم
ناس ما عندها دم
وناس دمها نشف
شايف الخمال منذ مبطى
بس سموه
متنش
أي مطنش
نبي جالون dolce de leche
شد بلاده
:p
يبيله دم بعير يالله يكفيه
ليش ما ياخذنا ويااااااااااه
اقترح نصلي صلاة الميت
على من مات قلبه !
واذا ما عطيناه دم بموت ...................
وخله يسافر روحه .................
شفيك المشروع اليديد اييب لنا جم سيقار كوبي والي ما يدخن مثل حلاتنا انا وياك يصرف له بدل سيقار
اما البرازيل بييب لنا خبره كرويه مثل ما قلت لك بالبوست السابق
الارجنتين اعتقد ان ما خاب ظني بييب لنا جم واحد نجنسهم حق المنتخب
انسان عديم الشعور بالمسؤولية .يرى ان المنصب تشريف و ليس تكليف .
يااامعود خل الرجال يتسفه !! يعني يتونس !!
بعدين إهو مضبط لكم الديره أحلى تضبيط شتبوون بعد !!
يكفي انه حالف بينه و بين نفس انه راح يخلي الكويت ,, سويسرا الاسيويه !! (:
بعدين سبب سفرته هذي إهي نقل تجربته السياسيه الناجحه و تصديرها الى العالم .. علشان يستفيدون منها دول العالم الثالث !! (:
ياااخي اتمنى يكون عنوان البوست القادم لك ,, سنوات الضياع ,,
لاننا صج صج قاعدين إنعيش سنوات الضياع !!
والله صج هذا اللي يحر الواحد المشاكل مالها وهو بعز المصايب بإجازة وبره الديرة بس ليش الواحد لما يحس ان المسئولية أكبر منا مايرفضا وينسحب عنها ؟
صاحب السمو نفس مدير عندنا حطوة بالواسط ودائما طبعا بذروة الشغل واللي يكون فيها اصلا الاجازات ممنوعة تلقاه ينحاش ويسكر تلفوناته بعد واذا تكلم نافش ريشة يعني هو الفاهم
ويقولون الديرة ليش ضايعة
:(((((((((
الله الحافظ ياكويت
حريمته
خلييه ي.. ط.. س
مايستاهل انشف دمي علشان واحد مثله
اتبرع حق صدام ولا اتبرعله
ما يفيد طال عمرك لأن بيصير او صار عندنا دم فاسد مثل مصر
بنك الدم بكبره ما يكفي
والله ياخوي ما يبيليه تبرع بالدم ، اهو يبي تبرع بقلب يحاتي هالديره ويهمه شئونها.
الله يعينا.....
يا جماعة هدوا اعصابكم
اهوا سافر واخذ اجازة عشان يستعد
ويتجهز حق تقديم الحلول الجذرية لكل مشاكلنا
شكراً ..
ماني متبرع
لان ماكو فايده من دمي ...
دمي ملوث من محطة مشرف
حسبي الله على من لوثه
حاااااضر وما طلبت شي انا وديت على طلبية وان شاء الله ان شاء الله بتوصل بعد ساعتين من اوروبا الشرقية .
ملاحظة : تحظي اوروبا الشرقية ( روسيا البيضاء ) على اعلي نسبة من مصابي الايدز بالعالي .
إرسال تعليق