شنو الحدث اللي يخليك تهاجر من الكويت؟؟
إختر حدث واحد فقط مما يلي:
إستمرار الوضع كما هو علية
قلة الوظايف والفرص
فساد أكثر
إنتهاء النفط
فرصة ثمينة للعمل بالخارج
إنعدام الأمن والأمان
فقد المصداقية نهائيا بالحكومة والمجلس
أخرى....... أذكرها
والسؤال الثاني
ماذا تمثل لك الكويت؟
فلوس
أمن وأمان
أهل
أرض
ذكريات
مستقبل
ربع وأصدقاء
وظيفة
أخرى..... أذكرها
أختر واحدة منهم فقط
الله يا الدنيا ... قمت أفكر أهاجر لأبوظبي.... مليت من إغتصاب الحكومة للكويت وعدم أنتاجيتها... الواحد جم مرة بعيش
بس مو هاين علي ديرتي والله
الاشتراك في:
تعليقات الرسالة (Atom)
هناك 29 تعليقًا:
أول سؤال لوووووو شنو ما أهاجر الكويت او أخلي الحبربش فيها
السؤال الثاني لفلووس كل شئ او لاتقولي لفلوس وصخ دنيا إ\ا ماتبي فلوسك عطني إياهم :p
jooj
joojomajooj ya chema3a are back :)
ماقدر اتخيل ان في حدث من هالاشياء
ممكن يخليني اهاجر من ديرتي
مو مثالية لكن كل بلد تمر بأوضاع جذي
واكثر
ويتصلح الحال ان شاءالله
:)
أجابة السؤال الأول
أنعدام الأمن و الأمان
و الحمدالله و الشكر ألف مره لي الحين ما وصلنا لهالمرحله
لأن أذا أنعدم مو أهاجر الاّ أنحاش..لأن موضوع الأمان أهم شي بالنسبه لي
أنا وحده خوافه
أجابة السؤال الثاني:
كل ما سبق..الكويت بالنسبه لي أنا...كل شي
بس الصج..ما ألومك على التفكير بموضوع الهجره..و خاصة أبوظبي..أنا فكرت فيها جديا..لأنها تمثل الكويت بالسبعينات بالأضافه أن عندهم رؤيه واضحه للمستقبل..
1- قلة الفرص + فساد
2- ذكريات
عطني ما يعادل 5000 دينار شهريا و شوف اللي ما يروح يعيش بين حدود سويسرا و فرنسا
خلها على الله ياخوي
الله كريم
شنو الحدث اللي يخليك تهاجر من الكويت؟؟
*فرصة ثمينة للعمل بالخارج.
أخرى .. لما أحس إني غريبة في أرضي وبين أهلي أو وفاة أمي (الله يطول بعمرها)
ماذا تمثل لك الكويت؟
*أمن وأمان
*أهل
*أرض
*ذكريات
*حب
*صدق
*مسؤولية
*هواء اللي أتنفسة
شوف يا أخوي أسئلتك سهلة بالنسبة لسؤال شنو راح يصير فيك لو راحت الكويت
وأعتقد الجواب
بموت بإختصار
السلام عليكم
سبب واحد يدفع للهجرة و هو تسمية منطقة على دعيج الخليفة
و السؤال الثاني أقول لك ما تقدر
كم منزل فى الأرض يألفه الفتى ... و حنينه أبداَ لأول منزل
إِنَّ مَعَ الْعُسْرِ يُسْرًا
حتى انت تفكر بابو ظبي
حسافتج صير ياري هناك
شنو الحدث اللي يخليك تهاجر من الكويت؟؟
ما اعتقد ان في حدث يخليني اترك ارضي و ديرتي بس لو بختار
فرصة ثمينة للعمل بالخارج
لان في النهاية وضع مؤقت و مردي برجع
ماذا تمثل لك الكويت؟
فلوس
أمن وأمان
أهل
أرض
ذكريات
مستقبل
ربع وأصدقاء
وظيفة
أخرى..... أذكرها
أختر واحدة منهم فقط
الكويت عمري كله قضيته فيها ... جميع ما سبق و اكثر
بقعد
و اللي ممصها
أهوا اللي بيطلع
أنت تبي تهاجر لـ بوظبي وأنا ودي أزور ديرتكم ولو مره ..
ترا ديرتكم روحها حلللللللوه :)
الله يوفقك ،،
الوطن ماله مثيل
ويقال انه عديل الروح
اي مكان بروح غريب عني
ومن الغزو ...واحساس الغربة اللى عشتها مستحيل اهاجر
البعد عن الكويت....بمثابة حكم بالاعدام علي
ما يبعدنى عنها الا الموت
ماكو وظايف
فساد ....النفط يخلص
كله يهون علشانهاااااا
وبالاخير هذول كلهم اشخاص وافعال اشخاص وكل شيئ قابل للتغير والتعديل...الا هحر الوطن
هى الامن والامان لي
هي الحب والاستقرار
حسااااافتك شلونك شخبارك..؟؟؟
صج الله يالدنيا
ولا منوا يقول كويتين يوصل فيهم الحال جذية !
وترابج احنا نبوسه
لو يحصلنا ماندوسه
الله عساج محروسه ياديرتي ياكويت
تعوذ من الشيطان..
ادري والله وانا مثلك الاحباط فيني واصل حدددددددده ..لكن انولدت بهالديره وان شاءالله ابندفن فيها..
والرمق الاخير فينا احنا عيال هالجيل..
الله كريم.. اقرى بوست التفاؤل عندي..
يقول صلى الله عليه وسلم ناظرا إلى مكة وهو خارج منها :"والله إنك أحب بلاد الله إلىّ .. ولولا أن أهلك اخرجونى منك ما خرجت"
وانا اقول عن الكويت .. والله انك احب بلاد الله لي .. ودامني قاعد في بيتنا وبين اهلي وجماعتي .. مستحيل اطلع
ولو اجتمعت كل الأسباب الي حطيتها .. عن نفسي .. ماراح افكر اني اسويها واهاجر !!
جربت الغربه سنيييين .. وعرفت قيمه الكويت
:)
** ماتخيل اني اقدر اعيش بأي مكان ثاني
الكويت عزي و كرامتي و مستحيل اتخلى عنها لو مهما كان
الاسباب كثيرة واهمها واخطرها ان الكويت ليست ملك لكل الكويتيون , بالاضافة انها مؤقتة وآخذة بالزوال
وهي بالنسبة لي مجرد ذكرى حلوة لا اكثر
انهاجر .. لا لا لا
ما راح تلقى مثل ديرتنا
ولو انها مو غالية عليك ما قلت
حسافتج يا كويت
******
شرايك نهاجر لها
يعني نبتدي صح
D:
1. أول شي انشالله ماكو شي يخليني أهاجر من الكويت .. إلا يمكن إذا صار حرب و انعدم الأمان مثل ما صار حق وايد شعوب و شلعهم من ارضهم غصب ..!
2. الكويت تمثلي : وطن ..!
حسافتج عندي لك اةداء
الكومنت ةذا كتبتة عندي السنة الي طافت
حسافتج يا كويت said...
وين رايح !!
مانبي أحباط
أبوك لا طقك طراق تهد البيت وتطلع؟
اخوك لا صار فاسد تبيعة؟
أمك لا تعبت تهدها وتمشي؟؟
وين رايح
April 20, 2008 12:13 AM
شرايك الحين :)
مهندسنا
الحي يقلب
ويا مثبت القلوب ثبت قلبي
من سنة كان عدد الوزارات من 2006 الى 2008 3 وزارات وحل واحد
اليوم اضرب العدد في اثنين
كان عندنا غبي واحد اليوم اغبياء وشياطين
وبس خلني ساكت
عورت قلبي
سلامة قلبك
بس شتسوي ياخوي اعتقد ان اللة كتب علينا ةالقةر يا ان انكون قدةا يا نترك الديرة
لازم انصيرلةم عظمة بالبلعوم
ذاك خبل وما رحموه عيل شلون الفاهمين
عموما غيرنا وممكن نغير ثاني وثالث
والمحرقة كبيرة وتشيل
منت لحالك!
قبلك ومعاك كثير
الخوف مو من اللي انقهر ومشى بسلامة الله
الخوف من اللي يبيقعد وصاكة فيه الدنيا ولي خربت بيخربها صح!
لو كان فيه فاهم كان فهم
اللي يخليني اهاجر الكويت
التخبط اللي حاصل والانحدار بكل المستويات التعليمية والصحية والوظيفية
والانسان ما يحس بقيمته الا اذا كان ولد فلان وعلان
وعدم احترام القانون
ماذا تمثل لي الكويت؟
اهل وربع وذكريات حلوة
بس ابدا ماهي مستقبل
اذا خلص النفط شبنسوي؟ بنرد على البحر؟ حتى البحر تلوث شالفايدة؟
صج صج وضع يحبط من كل النواحي
إرسال تعليق