ما تصبرنيش.. ما خلاص.. أنا فاض بيه ومليت .... بينلي إنت الإخلاص وانا اضحي مهما قسيت

إنما للصبر حدود
للصبر حدووووووود



الأحد، 5 يوليو 2009

بدل فاقد !!


أنا الكويت
اشكي حالي لعيالي
عسى فيهم أحدٍ يبالي
فقدت هيبتي وجمالي
ومحد يراعي حالي
فقدت عزي ومالي
والكل يبوق حلالي
فقدت رجال يحبوني ويهمهم أمري
وصار رجالها يصيحون يالله عمري
وفقدت حكومتي القوية
وصرت ضعيفة مالي دية
فقدت تلفزيوني اللي كان بالمقدمة وبالتوب
وصار الكلام كلة لسكوب
فقدت التربية وماما أنيسة
وصار الأدب حالتة كسيفة
فقدت جاسم والدخيل والعنبري
وصارت الرياضة تمشي قري
فقدت النهمة واليامال
وصار الغنا كلة يهال
فقدت خطوطي للطيران
وصار المسافر فيها خسران
فقدت هيبة المجلس
وصارت العصاعص اببطني ترفس
فقدت الكهربا والماي
وفلوسي تروح لهيدا وهاي
فقد رجال لاقالوا(هب)
أنترس السوق كلة أرطب
فقدت بناتي اللي بالسنع يربون
وصاروا أعيالهم بالسكيك يهيتون
فقد حب عيالي لبلدهم
وصار حبهم للفلوس أهم
فقدت الربعي والمنيس والخطيب
وماظنتي لي بعدهم طبيب
فقدت البركة باليوم
وصار النحس حولي يحوم
فقدت جابر وسعد
ومن يومها حظي رقد
لا شعر لا فن لا تربية

الدنية صارت ترضية
فقدت عمري يا ناس والحظ راقد
ابي أرجع مثل الأول .... طلعولي بدل فاقد

هناك 22 تعليقًا:

enter-q8 يقول...

لا و الله ما تنفقدين يا كويت

بأذن الله راجعه باذن الله


تعبتنا يالزميل
تخيل امك تبكي صعبة يالزميل تعبتنا

Mamloo7a Q8ia يقول...

ان شاء الله وبحيل الله
بترجع الغاليه
احسن من اول
بوجود الطيبين مثلك وشرواك
اللي همهم الكويت قبل مصالحهم
همتكم وان شاءالله بترجع
الكويت احلى واحسن

بوست روعه
مبدع كعادتك
:)

بنت الشاميه يقول...

لازال الخير والامل موجود بهالارض

وباهلها وعيالها واحبائها

تفائلوا الكويت لازالت جميله

الزين يقول...

حسافتج


تفاءل ياخوي

ليش كل هالتشاؤم


:)

صباح خير يارب

esTeKaNa يقول...

صباح التفاؤل
رغم كل الألم في هذا البوست
فينا أمل
كل شي يرجع احسن مما كان
!!
ومو بس فينا امل يا حسافتج
فينا امل وعمل واصرار
والله كريم

ميمة السبيت يقول...

** احلى شي هيدا و هاي لوووووول

و الله يستر من اللي ياي

Khaznat Al-Tayer يقول...

الله الله الله ... صح لسانك .. وانشالله الكويت ترجع مثل أول.. بس مو بالكلام (على قولت درب الزلق ).. انشالله بهمة عيالها وبناتها وبفعالهم ..

طول عمرنا نسكت على العصاعص إللي داست فوق روسنا .. الحين اتوقع آن الاوان أشكرة (هم على قولت درب الزلق ).. انسكتهم ونوقفهم عند حدهم ..!! ولا شرايك؟؟؟

nanonano يقول...

حسافتج من أقوى ما كتبت


بس أنا ما أتفق مع زملائي المدونين و المدونات

لأن اللي أنكسر ما يتصلح

حسافتج يا كويت يقول...

إنتر

عزيزي هذا الواقع

والله المستعان شنسوي بعد

حسافتج يا كويت يقول...

مملوحة

مشكورة

بس ماظنتي ترجع مثل لول

حسافتج يا كويت يقول...

بنت الشامية

ماشاء الله عليج ترى مو زين جذي تتفائلين بعدين تنصدمين

حسافتج يا كويت يقول...

الزين


أنتي متفائلة؟؟؟؟

حسافتج يا كويت يقول...

إستكانة


الله يخليج للكويت

بس مو كل الناس نفسج مع الاسف

حسافتج يا كويت يقول...

ميمة السبيت


إي والله ربي يستر

بلير يقول حدنا 2030

حسافتج يا كويت يقول...

خزنة التاير


رايي إن إحنا مافينا إلا الكلام


(هو يسوي غش... أنا اقوووول هرااام)

حسافتج يا كويت يقول...

نانو


أنتي اللي شايفة الطريج صح والله

-mate يقول...

صح لسانك أخوي، والكويت سوف ترجع بإذن الله .. ولكن الله لا يغير علينا حتى نغير ما بأنفسنا وأول التغيير هو مسك المصلحين زمام الأمور بدلاُ من المتمصلحين والمتخبطين والحرامية ..

لا فض فوك

alala يقول...

كلام يقطع القلب حسيت اني مشردة بلاوطن و لا هوية

ذكرتنا بالزمن الجميل ... عندما كان الدين لله و الوطن للجميع والنفوس انقى و اصفى

الكويت ما زالت جميلة تفاءلوااا

لو خليت خربت... صدقني البلد فيها من الشباب اللي همه ديرته و مصلحتها



اللهم احفظ بلادنا و أصلح ولاة أمورنا

محمد يقول...

مشاعر ومشاكل يشعر بها الكثيرون
لكن القليل من يستطيع التعبير بهذه الطريقة الجميله

كويــتي لايــعه كبــده يقول...

""فقدت جابر وسعد
ومن يومها حظي رقد""

أح!


الكويت ما هي راجعة بالتمني
مع كل أسف كلامك في مكانه

صح لسانك

حياتي هدف مو عبث يقول...

حرام عليك
يتلي البجية
ومهما يكون الخير بكون موجود
بكل واحد قلبة صج على الكويت

اجار الدين كشمش يقول...

تعبييييييير جمييييييييل جدا

اعتقد ...وقالوها الاباء

اذا فات الفوووت

ماينفع ...الصوت

لا تصدق ...اي كلام فيه امال واماني

لان الناسسسسسس

غير ...الناسسسسسس

فمالله