ما تصبرنيش.. ما خلاص.. أنا فاض بيه ومليت .... بينلي إنت الإخلاص وانا اضحي مهما قسيت

إنما للصبر حدود
للصبر حدووووووود



الأربعاء، 22 يوليو 2009

للرجال والنساء فقط

أولا : السؤال للنساء.....
ماذا لو أصبحتي الصبح ولقيتي العالم كلة حريم......حريـــــــــــــــــــــم وبس!!

ثانيا: السؤال للرجال.....

ماذا لو اصبحت الصبح ولقيت العالم كله ريايل...... ريايــــــــــــــــــــــــل وبس!!

شتسوون؟؟


والسؤال الأخير للجميع....
ماذا لو قمتوا الصبح لقيتوا العالم كلة يهال .. أكبر واحد سبع سنين..... شتسووووووون؟؟



وكلمة أخيرة للدعيج.... الناشؤون مايطقون الطار مقلوب ومن غلط يجب أن يتحاسب على غلطتة حتى يصحى من غفوتة

هناك 13 تعليقًا:

enter-q8 يقول...

ممكن تلبسه الطار
لأن المدونون ما يطقون طيران ياخذونها من اللي يطبلون فيها و يلبسونها اياهم على راسهم و يتدلدل من رقبتهم

t.q8 يقول...

واي استخف لي قمت الصبح ولقيت العالم كل حريم لان احنا بنات حوا محد يقدر يستحمل الثاني هل مره مافي رياجيل يفكونه من فلسفتنا الزايده !!



اتصدق يصير المجلس مجلس بصام مدام فيه الحريم

GWannabe يقول...

أول شي اسويه
أفصخ حجابي و ألبس شورت وحفر

كويــتي لايــعه كبــده يقول...

اولا: "للرجال والنساء فقط"؟
شبقى؟!

ثانيا: لو العالم كله ريايل ابادله بعالم الحريم... اتوقع ريحته أحلى. مو نفصا بالرياييل ولا بريحتهم :)

ثالثا: لو العالم كله أطفال يكون احلى عالم! بريء وجميل وأقدر أزف أكبر راس :)

أخيرا: مكابرة الدعيج بالخطأ أشنع من الخطأ الأول لكن حزبيته تحتم عليه ليس بالصدق والاعتراف بل بالترقيع والتبرير وانه وهو لا يعلم من يسيء لمفاهيم تياره وقيمه بكونه لا يعمل على تطبيقها ويرمي التهم علة غيره كأتباع لفساد ابناء الشهيد. لو كنت أتحمل أي تهمة الا هذه صعبة!!! خارها الدعيج بكل وضوح!

فريج سعود يقول...

لو عاكس وقايل

ماذا لو اصبحت ولقيت العالم كله نساء

جان جاوبتك

ساره النومس يقول...

شهالاسئلة القاتلة ؟؟

لووول لو كل العالم حريم راح انتحر لووول مو ميتة على الريايييل بس عالم الحريم شنو يحرم الواحد من الراحة لووول

وكذلك اليهال انا عندي بالبيت 11 ياهل مسببين لي امراض عصبية تقول لي كل العالم يهال ؟؟

بنحاش ادور لي على جزيرة مافيها احد اقعد فيها يخرب بيت السالفة لووول

أتيت متاخرة يقول...

لو صحيت ولقيت العالم كله حريم .....
أمممممممم .... مشكلة عودة ،،،،، الا مشاكل
منو بنتحلطم عليه
منو بيغير لنا البنجر
منو بيقول لنا يا الشيخة ويا طويلة العمر
ومنو بنتهاوش وياه

يعني بالمختصر ..... أزمة أزمة نفسية بتصير من دون الرياييل
احنا من غيركم ما نسوى شي


واذا صار كله يهال .....
أقول رحنا وطي

Deema يقول...

السؤال الأول، راح أظن إنه (يوم نسائي)

(لو عاكس السؤالين، جان صار فيه مجال للإبداع)

السؤال الأخير، يعتمد، هل راح أكون ياهل معاهم؟

Mohammad Al-Yousifi يقول...

انتحر

ميمة السبيت يقول...

** ما اعتقد ان راح تكون في مشاكل بين الحريم لأن سبب كل مشاكل الحريم الرياييل :)

Um il sa3af wil leef يقول...

إذا قمت الصبح ولقيت كله حريم ..ممممممم
أقول هذه نهاية العالم لأن الحريم مع بعض مشكله
وإذا قمت ولقيت يهال ..أقول يا حلوهم ...وأقول أكيد المستقبل بكون أحسن

جبريت يقول...

والله اهو بالنسبه اذا كله رياييل

انا بنتحر رسمي

اما اذا كنا يهال الي نسويه براءة اطفال يعني بلعب بيدي وريلي

JooJ o MaJooJ يقول...

جاان صار قمته :)
شل خيااال إلي انته عايش فيه :p
jooj