ما تصبرنيش.. ما خلاص.. أنا فاض بيه ومليت .... بينلي إنت الإخلاص وانا اضحي مهما قسيت

إنما للصبر حدود
للصبر حدووووووود



الاثنين، 20 أبريل 2009

أستودعكم الله

إخواني وأخواتي القراء والمدونين

تحية عطرة وبعد...

إسمحولي أن أريحكم مني لفترة لا يعلمها إلا الله.. قد تكون قصيرة وقد تكون طويلة
أحتاج إجازة ارتاح فيها من السياسة ومن حال بلدي المايل
ابي أصد وخصوصا في الفترة القادمة لأني ادري بشوف بلاوي وبنتبط مرارتي إذا اشتطيت
عشان جذي قررت اني ابتعد شوي عن التدوين وعن جو الإنتخابات
ولأني ادري مسبقا بترد نفس الوجوة وأدري حال الحكومة بصير أردى من قبل.. وأدري الفتن راح تدب بين الكويتين
وأول شي سويتة مسحت سكوب والعدالة وهالخرابيط من التلفزيون
وكنسلت أشتراكي في خدمات المسجات الإخبارية و لغيت إشتراك الجريدتين اللي يوصلون لي البيت وقررت ماكو دوانية إلا بالويد إند وللجنجفة فقط لا غير
بالنهاية
يحزنني ما وصلت بة اموري وأمور بلدي من إختناق...
فأنا متشائم ولحد يقولي تفائل... واللي يبي يقول تفائل يجب أن يعطيني سببا واحدا للتفاؤل..
وإلى أن نلتقي تقبلوا مني أجمل التحيات


أخوكم
حسافتج يا كويت

هناك 23 تعليقًا:

بنت شرق يقول...

برايي اسباب وايد تدعونا للتفاؤل....بدايه بالصحه مرورا بلمه الاهل حوالينا....ونختمها بتواجد محلات الباجلا والنخي بكل الجمعيات...دائما هناك زاويه جميله للامور بس تحتاج شوي نتلفت و احيانا نطق رقبه عشان نجكها...اجازه مريحه وخفيفه طينه بس لا تطول ترى نوله عليك....

صبا يقول...

أخوي الغالي بو الزين

الله معاك يا خوي ...

صاج بالي قلته بس انشالله يتغير الحال

الي الاحسن ..

ولازم نتفائل حتى لو بالكلااام

والله كريم

بانتظار عودتك للتدوين يا خوي
:)
سلاااام

Purplecious يقول...

في أمان الله و حفظه

يعني لما أنا رديت انت تروح؟

:)

حافظك الله و ان شاءالله ما تطول علينا و ما نفقدك من شر يا حسافتج


لا تقاطع :)

Kuwait يقول...

قووووووول ماخذ الـ500 و بتسافر ;q

ميمة السبيت يقول...

افا ياخوي اذا انت سكت و غيرك سكت شلون الناس تعرف الزين و الشين ترى في ناس وايد مالها بالسياسة واللي تقراه من خلال كتاباتك و كتابات غيرك من المدونيين يعطيهم فكره عن الحاصل بالديرة ..

تعوذ من ابليس و اغزي الشيطان يا بوالزين

شقران يقول...

الغالي حسافتج

صباح الورد يالغالي

عزيزي خلك مثل أخوك شقران،،،ماخد اجازة عن كل شي،،جرايد ما اقرا قنوات بخمسين فلس ما اطالع...إذا بغيت شي معين اتجهت للأصدقاء الذي أثق بهم ليزودوني بالمعلومات اللازمة

صارلي شهر ماتكلمت سياسة وأحس ارتحت بالحيل،،،لذلك سأعاود الكتابة لها من غير ضغوط في الايام القادمة إن شاء الله

ابتعد عنها قليلا وستخف الضغوط كثيرا


ونصيحة أخو،،،اللي سويته من انك الغيت القنوات والغيت اشتراك الجرايد شي حلو وخلك ثابت عليه


اتمنالك اجازة موفقة...بانتظار عودتك سالما للتديون
:)


تقبل مني أجمل التحايا وأرقها

حياتي هدف مو عبث يقول...

محد يختلف إن التشاؤم وصل لأعلى مد
لكن شنسوي لازم نتفاؤل .. لأن مجرد التفكير بالتفاؤل يريحك ويعطيك أمل ودافع للعطاء من أجل الكويت ولو نبي نتشاؤم ماراح نقدر انسوي شي وكل واحد يقعد يلطم ويقول
الوضع تشاؤم وإذا تبي الأفضل لنفسيتك وللكويت لازم تتفاؤل وبشعورك هذا تجذب كل تفاؤل ويصير كل خير
القنوات والمسجات والجرايد اتغث وأسهل طريق للتشاؤم وزين سويت
حاول اتغير نظرتك وعاند نفسك عشان الكويت حاول حاول هذه الكويت
الكويت تحتاج التفاؤل مني ومنك ومن الكل

أتمنى وأدعوا لك من قلبي يحفظك ويشرح صدرك
ويحفظ الله الكويت وعسى ربي ما يوفق من يفكر حتى يضر الكويت وعيالها
وما انقول الا حسبي الله ونعم الوكيل

وخلك متفائل عشان الكويت
:)

chandal/danchal!! يقول...

انت مستودعنا من آخر موضوعين

الحمد لله على الصحة والعافية
.
.
.
بنت شرق كلامها وايد عجبني ما أقدر أضيف عليه شي!... اللهم محل الرملاوي والملابس الشعبية!

`~MnO YeNSa! ~` يقول...

حافظك الرحمن

من غير شر و انت حوالينا نفقدك

الحين بتاخذ اجازة .. :)

عسى على خير ..
am sure ra7 nfgdk

you have to leave at least with
big smile :D

nanonano يقول...

حسافتج...أخذ راحتك...و طخ..و مردّك بترجع لنا

لأن الأنسان الغيور اللي مثلك..ما يقدر يسكت عن الغلط

أدري...يوم يومين..أسبوع..شهر...ما راح تعبّر على روحك..و حاترجع

و بعدين أذا الشباب اللي نفسك و بسنّك فقدوا الأمل من الحين

أشخليتوا حق كبار السن؟؟؟

أنا خذيت أجازه سنتين....و ما عبّرت..رجعت

يالله..ريّح بالك شويه

و راح ننطرك على أحر من الجمر

lawyer يقول...

اشرايك تاخذ اهلك و اتروح اسبوع الريف الالماني ..
او تروح هامبورج تشوف اسبوع الصيد و الابحار وموسيقى بيتهوفن و الاوبرا واايد ابرك لك



راح انزل بعد جم يوم بوست اهداء لك عشان تستاااانس




اي شي يسعدك و يريحك سوه ماعليك من احد
ولا تحر عمرك


الزم ماعليك صحتك

I7na 3shagnaha يقول...

تفاءلوا بالخير تجدوه :)

اكثر من جذي سبب للتفاؤل ما عندي

غير معرف يقول...

اخي الكريم

اقولك شي يخليني أنا متفائل

"حسافتج يا كويت"

"شقران"

"عثماني"

"فهد العسكر"

"nanonano "

"ساحة الصفاة"

"براك"

المقوع الشرقي"

"استكانة"

"الزين"

"أي كويت"

"صندوق حمد"

"حياتي هدف موعبث"

"عقر بقر"

"Kuwait "

"جنوب السرة"

"as you like "
.
.
.
وغيرهم من شباب الكويت المخلص اللي اشوف في كل حرف يكتبونه... حتى لوكان كلامهم تحلطم.. أشوف فيه الامل بأن في بالمستقبل ناس تهمهم الديرة


مو مهم متى ...مو مهم شلون... لكن المهم هو نشوف الكويت في مكانها العالي
نصوص حقوقنا وحقوق الوطن

يمكن الوضع اليوم ما يدعو للتفاؤل في أغلب مجالات الحياة

بس لابد التفاؤل يكون موجود بداخلنا أن باجر بيكون أحسن ... اذا عملنا اليوم


تحياتي لك وعسى الله يوفقك ويريح بالك :)

عثماني يقول...

زين تسوي والله

عين العقل انك تجفف منابع الكدر من جرايد و دواوين و مسجات

سير و نحن من ورائك

enter-q8 يقول...

مش حا تقدر

مَـــــعْــــمَــــعَـــــه يقول...

الله وياك يالحبيب

نون النساء يقول...

اسلوب غطيني ياصفيه ماراح إييب أي نتيجه

Mohammad Al-Yousifi يقول...

ها سقطوك بالفرعية ؟


:)

المقوع الشرقي يقول...

حسافتج
اقول لك شى يخليك تتفائل جملة كله اسمعها من يدتى
الكويت عليها من اللة حافظ
الله شوف تفائل هالعيايز حتى بالغزو كانت تقوله
الكويت بترد
الكويت عليها من اللة حافظ
==
ابنفقدك
ابنفقد بوستاتك
ادري ما تقدر تتحمل واللة يلوم اللى يلومك
سو اللى يريحك
وبالانتظار..رجوعك
:)
==
دروازة
شكرا
ما قصرت :)

الدســتور يقول...

لا يامعود
الدنيا ماتستاهل جذي
تأمل و تفاؤل
و البلد فيها الخير
اذا انت و غيرك من عيالها فأكيد فيها الخيير

Corpse Bride يقول...

ادري بترجع..

DiLLi O MiLLi يقول...

ما أقدر أقولك ألا الله معاك ...
والديرة الله حارسها ...

اجار الدين كشمش يقول...

ننطرك في 5 يونيوووو

بعد تشكيل الوزاره

خلك مرتاح من المغثه

فمالله