هل تؤيد فتح ملف الجناسي؟؟
وإذا فتحوة هل تؤيد أن ينفتح على مصراعية؟؟؟
يعني اللي عندة بريطانية وامريكية هم تنسحب منهم الكويتية؟؟
وهل اللي عندة سعودية او خليجية ولاءه للكويت ام للسعودية
والعكس صحيح بو الامريكية ولاءة لامريكا ام للكويت
والسؤال الاهم... بو الخليجية ليش أخذها
وبو الأمريكية او البريطانية ليش اخذها
نعم الامريكية او البريطانية ياخذها من يولد هناك.. وفي ناس اتعنى وفي ناس ظروف الدراسة او العمل تحتم أنهم ينجبون اطفال بالغربة فيكتسبونها
لكن الخليجية شلون وليش؟؟
الاشتراك في:
تعليقات الرسالة (Atom)
هناك 44 تعليقًا:
خل يفتحونه وعلى مصراعية بعد ؟
و اللي موعاجبة يروح الديرة اللي عنده جنسية منها ؟
الجنسية الخليجية اشلون خذاها
هههههه
و الله ضحكتوني يا جماعه
مو اهو ماخذها قبل الكويتية اشفيكم
نسيتم
سالفة الازدواجية مسموحه بالدول الغربية
و ازدواجية الجنسية انا ارفضها اساسا
لكن ابي راي حقوق الانسان و الحريات
طبعا يفتح
هذي سيادة بلد
و قضية انتماء
المسألة صارت حلاب
يبون يحلبون خير هالديرة و الدول الثانية
حده القانون قانون امريكيه بريطانيه سعوديه موزامبيقيه واق واقيه كلووو يُسحب...مو علشان شي علشان لايطمر لنا واحد من مزدوجي الجنسيه ويقول لنا شمعنا فلان وفلنتان
رايكم شباب مو برنامج خايس على الراي؟
يجب العمل بتطبيق القانون على مزدوجي الجنية ولا حاجه لأي تشريع جديد لأن القانون موجود. لكن لا يجب ان يكون بشكل التشهير والحملات كي لا ينتج انفجار والاعداد كبيرة جدا وكفيلة بهذا. يجب العمل على تطبيق القانون بهدوء وحزم لكن متى كانت آخر مرة طبق القانون بعدالة؟ بالاضافة يجب تطبيق القنون على الكبير قبل الصغير كي تسهل العملية لا مثل ما حصل مع املاك الدولة ودواوين وزراعات أغلب المواطنين بالمقارنة مع ما حصل مع حمد صباح الأحمد ومشروع المرينا التجاري بعد ما وقفت البلد على رجل له وبالنهاية ولا شيء.
نحتاج القدوة الحسنة
والا القانون ما فقد هيبته منيه والطريج
بالاضافة وبكل صراحة من لم يفكر بالجنسية الاحتياط أصبح الآن لا يمانع الفكرة بسبب توجه الكويت! هناك من يملك الخليجية ومن يملك الغربية ولا تنسى الايرانية وكلهم من باب عدم الثقة بالدولة. وبكل صراحة هل الكويت تدعوا للثقة!؟
هاي شباب وصبايا
ارجو لفت انتباه الحاضرين والحاضرات
بخصوص من عنده جواز امريكي
المعلومة تقول من ياخذ الجواز لا يعتبر مزدوج الجنسية ولكنه يعتبر له الحق في اخذ الجنسبة الامريكية عندما يبلغ من العمر 18 سنة
احببت لفت انتباهكم حق هالمعلومة
شاو
خل يفتحونها و تطلع الفضايح
و ازدواجية الجنسية مرفوضه
يبون حياهم الله ما يبون ايردون مكانهم و يستريحـــــــــــــــون
خلني اقولك شغله
الامريكيه وايد غير ويا البريطانيه
لان حاملها الكويتي ما يبي منها شي غير انها تغنيه عن الفيزاااا عرفت
يعني لا عاش هناك و لا يبي يعيش هناك و لا ولائه اطلاقا لاي بلد
حاله حال المسافر في الصيف و هذا ما ينخاف منهم
لكن الجناسي الخليجيه ولائهم للسعوديه و الامارات والبحرين و ماخذين الكويت فقط للاستفااااااده من 70 الف و حريمهم يستفيدون من الشؤن و القروض و الفلووووووس
قهرني واحد يقول عن الكويت يهود الخليج و اهو رايح راد على المدنيه و الجنسيه
وعايش بالرياض و بناته و زوجته ولا عمرهم شافووووو الكويت و لا يحبون الكويت اصلا يغاروووووووون من الكويت و يتهمونه ديره فساااد و من يقعدون يعبون علينااااااا
و الطامه الكبري انه ماعاش ولا سنه في الكويت
وراح ياخذها قريباااااا لان كل اخوانه الي نفس طريقته صار عندهم كويتيه
في ناس خليجين ولائهم لا كويتي و لا سعوووووووودي ولائهم فقط زبيري و لكن البخت سواهم كويتين و سعودين في يوم واحد
افتح افتح
وافتح يا سمسم ابوابك
أيــــــــــــــــــــــــــــي
خل ينفتح على مصراعيــــــــــــــه
أبي ينفتح أصلا
أبي اللي يت...........ون و يروحون أمريكا عشان يولدون و أنجلترا خل يكونون على قد مسئولية قراراتهم و خل يتنازلون عن الكويتيه
مو قاعدين بس ي...........ون
بس
عدل عندج إياهم
انتر
حقوق الانسان؟؟؟
حل يكون في انسان بالكويت اول علشان تصيرلة حقوق
عثماني
في سالفة حلاب نعم اايدك
لكن الولاء
عمر الجنسية ما يابت ولاء
kq8
مو بس عشان ما يطمر
السالفة كلها مخالفة للقانون
كويتي
والله كلامك عين العقل
بس وين اللي يطبق
رزنامة
شكرا لهذي المعلومة
واعتقد في ظل الامور اللي صايرة بالكويت اللي عندة امريكية بخاف وبيطلب الجنسية
مطقوق
قصدك تطلع الروايح الخايسة
جونا
عيل خل يستريحون انا اقول احسن
لوير
اصبتي كبد الحقيقة
فعلا يبونها مصلحة فقط
مو قلنالكم شيلوا امتيازات الجنسية
مهندسنا
نحن الورعان
يفتح على مصراعيه ونص..
الكل عارف إن مزدوجي الجنسية من الخليج هم سبب تدهور أوضاع البلد بسبب سياسة الكلأ والمرعى اللي يتبعونها, إسقاط القروض , زيادة المعاشات , بيوت الإسكان,..., إلخ
الكل عارف هالشي بس خايفين لا يتهمون بالعنصرية أو الإحراج من الدول المجاورة.
هذا الواقع من سنين وأتحدى أحد ينكر.
خل الباب يفتح على مصراعيه بغض النضر جناسيهم خليجية أو أمريكية أنشالله سنسكريتية.
مصلحة الكويت أولا وأخيرا
والقانون يسري على الجميع
يمكن قراءة البوست بنفس الخصوص
http://anaq8t.blogspot.com/2009/03/blog-post_22.html
نانو
انا مابي شي
ابي اعرف شنو النقط بس
حسافتج:
هاهاهاهاهاهاها
هاهاهاهاهاهاها
أنت شنو تتخيل ممكن تكون النقط؟؟
;)
يستضيف برنامج مجلس الأمة 2009 على قناة الراي اليوم الاربعاء الساعة العاشرة والنصف مساءا النائب السابق ومرشح الدائرة الثانية علي الراشد
البرنامج من تقديم عبدلله بوفتين
ملاحظه : سيتطرق المرشح الى موضوع ازدواجية الجنسية
انا كويتي
حجيك صح مع الأسف هذا واقعنا
نانو
مادري تعرفين خيالي واسع
الراشد
سنتابع ونشوف
ليش الخوف من فتح ملف ازدواج الجنسية خل الناس تعرف ان فيه ناس عندهم جناسي كويتيه وعوايلهم مقيمة بدول مجاوره وهم اهنيه بالكويت بس علشان الراتب لا وبعضهم مأجر بيته اللي مأخذ من الحكومة ويي بس براس كل شهر علشان يأخذ الايجار وازيدكم من الشعر بيت فيه ناس يبيعون جناسي عيالهم اللي عايشين بره على ناس هنيه بالكويت وفيه بلاوي وايد غير هذي علشان جذيه لازم ينفتح ملف ازدواج الجنسية ولازم الحكومة تضع النقاط على الحروف فيه
حكمة عم زهار....
خد من هنا ومن هنا دا شيئ مباح في شرعنا!
ادي امورة وأدي أمورة!
وجووز لتنيــــــن... عارفينو
يبقى بوشيـــــــن... عارفينو
هالسالفة طلعوها لبعض الاعضاء والحين بينسون هالسالفه
خل يكون من اول شروط الترشح لمجلس الامه هو الكشف عن ازدواج الجنسية
لان راعي البالين جذاب
وكافي حلاب لهذي الارض
احنا ما نبي انقول ولاء وانتماء وكلمات كبيره بس بنقول استفاده وكسب غير مشروع من ازدواج الجنسية
اقل ما فيها حق التملك العقاري واصدار الرخص التجارية بالدولتين وحق الاقتراض من البنوك وكفالة العمالة اللي تعد منجم ذهب لمزدوجي الجنسية
الموضوع لازم يناقش ما فيه اتأيد ولا لأ كل من هب ودب خذا الجنسيةمو باقي الا سايقنا
بس اذا اسحبو الجناسي وسفروهم منو راح يقول صوتك وصل ارفع راسك انت كويتي
الجنسية الكويتيه لا تقبل ضره لها!
وأي شخص يحصل على اي جنسيه بإرداته يفقد جنسيته الكويتيه بقوة القانون
هذا اهو القانون الذي لا يطبق للاسف!
اما من حصل على الجنسيه بحق الميلاد على اقليم معين ،فهو لا يفقد جنسيته بقوة القانون ولكن يتنازل عنها
ومع فتح الباب على مصارع مصارعيه
هذي سياده بلد والجنسيه انتماء لبلد وليس بطاقه تموين تعطي شخص الحق ان يتمتع بحقوق دون ان يكون عليه اي واجب او اي انتماء لهذا البلد
قانون الجنسية واضح و صريح بس اللي صاير انه محد يبي يقرى القانون و نوعهم شمعنا فلان انا بسوي مثله
يعني مبدأ مدام فلان باق انا ببوق !!
قانون الجنسية يمنع أي إزدواج بالجنسية اذا كانت الجنسية الاخرى ممنوحة برغبة
يعني يستثى من القانون اي جنسية تمنح للشخص بدون رغبة مثل الجنسية الامريكية او البريطانية اللي تمنح لأي شخص يولد فيهما
و انا اقول السؤال لازم يكون شمعنى في تمييز في قانون الجنسية و مافيه عدل و مساواة للناس
و خصوصا المادة ١٢ فقرة د . و اللي تنص على استثناء ابناء القبائل من شروط الجنسية في حال قدم كتاب مصدق من امير تلك القبيلة !!!
و ليش الكويتيين بنو ٣ اسوار ؟؟ كانوا خايفيين من منو ؟
حسـافتـج ..
انا اقول يفتـحونـه وكل شخص يحمل جنسيـه غير الكويتيـه اما يتنازل عنها أو تسقط عنه الجنسيـه الكويتيـه .. :)
اما بالنسبـه لإنكم تفرقون بين الجنسيـه الامريكيه والبريطانيه عن الجنسيه الخليجيه او العربيه او الايرانيـه فأعتقد في كل الحالات الشخص سعـى لحصوله على الجنسيـه في ذيك الدول ..
يعني امريكا لما تكون انت تدرس هناك ومرتك ولدت ما اييونك لما المستشفى ويقولون لك تكفى خل نعطي ولدك الجنسيه الأمريكيـه ..
لا لازم انت تروح تتعنى وتطلع اثباتات ولما يعرضون عليك الجنسيه لولدك تقبلها ويعامل ولدك حاله حال المواطن الأمريكي ويحاسب حتى على الضرايب وتدفعها اهني بالسفاره وتكون السفاره معاك على اتصال دائم وتعامل معاملـة الرعايا الأمريكيين في الكويت مو ان الكويت ديرتـك ..
يسعـون إلى تعزيز الولاء الأمريكي عند الفرد حتى لو يملك الجنسيه الكويتيـه :)
وهالشي واقع وموجود ..
انا اقول كـل شخص عنده ازدواجيـه بالجنسيـه ما ياتـه الجنسيه الثانيـه من السما غير ان اهو سعـى لها أيا كانت الدوله الثانيه :)
الذهبي
يسلم بوؤك
جندل
لو نيب عم زهار الديرة ونخلية يقضب التجنيس وايد ابرك
ابو الدستور
بغوها طرب صارت نشب
المتفائل
عدل كلامك والله
كبرياء أنثي
لا تخافين المينن وايد بالكويت يطلع لنا واحد امثال بوخرشد
إستكانة
كلامج قانوني سليم مئة بالمئة ولاكن من يطبق القانون
الحكومة بالكويت هي آخر من يطبق كلامج
الصقر
كلامك عن الثلاث اسوار يبيلة بوست بروحة
عدل شغلك
كويت
صدقتي والله محدن ضربهم على إيديهم
لكن صارت برستيج السالفة
خل ياكلونها ألحين
إرسال تعليق