مدام تفّو

يقولون في أزمة إقتصادية بالعالم.... يقولون!!

ويقولون في أزمة إقتصادية بالكويت والنفط نازل.. يقولون انا ما أدري

وهم يقولون أن ثلث شركات الكويت مهددة بالإفلاس وشبابنا قاعد يتفنشون من القطاع الخاص.. أنا مالي شغل .. هم يقولون

والكويت تتبرع بخمسة وثلاثين مليون دولار و ماقصر الصندوق زادهم اربعة.. لبناء متحف تراثي ومتحف أثري في بيروت وصيدا

هم عليهم بالعافية...

ماني متكلم على الفلوس اللي راحت والمتاحف اللي مردّة حسن نصرالله بواسيهم بالارض بس نطروا شوي عليهم..

أنا اللي باط جبدي ليش حاقرين الكويت؟؟ مو الاجدر إن نسوي متحف للشمع ؟؟

نعم متحف للشمع ونحط نواب الامة فية.. ونودي إعيالنا اللي بالروضة إلى هذة المتاحف ونوريهم تاريخنا ونوابنا الأشاوس؟؟

ونحط في مدخل المتحف أمثال جاسم الخرافي ومحمد المطير وهايف المطيري و خلف دميثير.. اللي يا خلف الدميثير بصير ظبّة عندة وغيرهم من نواب الشمع الحلوين

وتقول الابلة للاطفال .. يالله يا اطفال صفّو اثنين اثنين خل ندخل المتحف وتقولهم هذا متحف الشمع مثل اللي تشوفونة في لندن.. بس اللي في لندن إسمة (مدام تسّو) وهذا اللي بالكويت إسمة (مدام تفّو)

مايصير جذي لا من فلوسنا ولا من متحف مدام تفّو!!