ألوووو ؟؟ بركت السبع جات؟؟

اليوم دخلنا شهرين من قدمت معاملة لطلب هاتف في مدينة الكويت وليلحين ما وصلولي الخدمة.. مراجعات وواسطات ولوية علشان اركبلي خط بدالة ماني قادر
تدرون شنو العذر؟؟؟؟
يقولون المقاول سافر والوزارة ما جددت له وما يبنا مقاول غيرة وليلحين ناطرين... أنطر عقب العيد!!

أتصدقون إن ديرة كاملة واقفة على مقاول واحد؟؟
هذا غير ال طووووط طووووط كل ما اتصلت من التيليفونات الارضية مايلقط... سألنا وعرفنا إن فية مشكلة ضغط بالخطوط والكيبلات!!
وأن الوزارة ما تتحمل الضغط اللي صاير.... مادري منو يتحمل

المفروض في دولة تعداد سكانها لا يتجاوز المليونين ونصف ومساحتها ببحرها وبرها والمدن السكنية فيها كبر مدينة الرياض فقط
ودخلها يعادل قارة افريقيا بكبرها الا تخطر على البال مشكلة مثل هذي المشكلة البسيطة
لكن شقول على حكومتنا اللي ما تستحي على ويهّا ولا تخاف الله
عيب والله عيب اللي قاعد يصير لا تدبير ولا خطة .. الموضوع وايد بسيط تلفونات بس؟؟
يا رئيس وزراؤنا وينك عن وزرائك ما تجابلهم يا خلاف تليفونات محنا قادرين نحط
باجر بنعيش على الترنك
اسوء عهد هو عهدك يا ناصر المحمد .. سنذكرك بالخير إن رحلت... ولكن اي خير؟؟؟ الخير الذي إفتقدناة منذ أن توليت هذا المنصب

فأنا ما زلت ادفع أجار المكتب الجديد ولكني ماني قادر اركب فاكس ولا بدالة ولا إنترنت والسبة ماكو خطوط؟؟
أنا من يعوضني عن هالشهرين ومنو يضمن لي ما تطول السالفة اشهر واخسر قبل لا ابتدي؟؟

حسبي الله ونعم الوكيل فيك يا وزير المواصلات انت ورئيس الوزراء