أبنت أمس الحسينة الجعفرية قتلى وشهداء الجهراء.. في لافتة طيبة تعكس تلاحم أهل الكويت سنتها وشيعتها...وقد شارك بالتأبين عدد من رجال الدين الشيعة ووزراء سنة و نواب... نعم هذي الكويت أم الثلاث اسوار
نعم هذي الكويت اللي ننشد عنها من زمان ....هذي اللي فقدناها... فشكرا لمن بادر بهذه المبادرة ولمن حضرها وشارك فيها
ومووووت في غيضك ياللي قاعد تلعب بالنار وتبي الفتنة تشتعل... أشعل الله قلبك واشغلك في نفسك
ومبارك عليكم الشهر يا أهل الكويت... سنة وشيعة
وعقبال ما انتفطر في نفس الحزة ....
هناك 29 تعليقًا:
علينا وعليك
من عواده يا حسافتج
:)
والله لا يغير علينا كلامك يفرح القلب
نعم, هذا التلاحم والتكاتف والتراحم الوطني الذي تعودنا عليه
ومبارك عليك الشهر إخوي .. وأعادك الله على أمثاله
:)
مبارك عليك الشهر
و تعوده بصحة وعافية
D:
***************
مبارك عليك الشهر اخيي الغالي
وعساك من عواده
وهذي من عوايد اهل الكويت
ماهي غريبه
صيامنا يميع هالسنة
:")
الله يرحم والديهم الي شاركو من شيعه وسنه
وين الي يأبنون من حكومتنا الرشيده يوقفون مراسم الفرح على الاقل يوم واحد مو اكثر
الله يحفظ ديرتنا ويجمعنا على حبها
الكويت فيها خير وانا اخيتك وخير جثير عسى ربي يزيده
:)
مبارك عليك الشهر انت والجميلة الصغيره وحرمكم المصون واسرتك وكل من تحب
الله يحفظكم ويسعدكم ويعينكم على صيامه وقيامه يارب
خوش خبر..
طول عمرنا ع قلب واحد وعمره المذهب ماراح يفرقنا ان شاءالله..
شكرا..
مبيوق
اسمحلي اقولك المفروض يكون العنوان
كفو يا السنة
لان اساسا اهل العرس شيعة :)
فشي عادي إن اي حسينية تأبنهم
معلومة ناس وايد ما يعرفونها
و هم اكو وايد ناس عوايلهم توحي انهم سنة بس اهم شيعة
و يعطيك الف عافية على المواضيع الفلتة
تصدق قامت تتداول بالايميلات ؟؟
شفت جزء منها بس السعيد مصخها بسالفة الشيعة والسنة شكو هالمواضيع بالحريق ومجلس الامة وايد خذا الامور من ناحية سياسية
مبارك عليك الشهر
علينا وعليك وعلى الامة الاسلامية
:)
كلام جميل... بس لا تقرب يم حزة الفطور
انا وحدة افطر على (جاهز, ارمي)... وما يقول لا اله الا الله, الا وانا مخلصة شوربة العدس والسلطة وخامطتلي خبز عروق يقزر طريجي للصلاة... ما عندي استعداد انطر ثانية عقب المدفع.. خصوصا بالصيف
:p
كاريزما
شلونج غاطة
مبارك عليج الشهر
أمين يا رب
مشكوره عزيزتي
إنشاء الله يدوم هالتلاحم يا رب
النور
علينا وعليج
شكرا
زوووز
مشكورة ما قصرتي
لوووووووووووووول
انا قصدي أذان المغرب
P:
عنيف
اتصدق قمت انسى ان البلد فيها حكومة
استكانة
ما قصرتي يا الغالية مشكورة على هالدعوة الحلوة
رورو
انشاء الله نظل على طول جذي
ويبعد عنا كل حاقد
كورينكاتو
أنا ما اصدق انهم شيعة
ابي دليل
وفي النهاية الله يرحم الجميع
بس هم ماني امصدق @@
طموحة
في ناس وايد تافهين
لوووووووووووووووووووووووول
جندل
ليش اباليسنا كلها تربطت اليوم إلا إبليسج
خف طينة
مساك الله بالخير اخوي فى اول يوم من شهر الخير، ومبارك عليك الشهر.
وهذا مو غريب على اهل الكويت احنا كويتين بكل لحظة وبكل حزه محد يقدر يكسر تلاحمنا, ما عمرنا عرفنا الفرق بين شيعي وسني ,والناس الحين وعت للي يحاولون يسوونه فينا لان ودهم (فرق تسد) واحنا بعون الكريم قادرين انحافظ على لحمتنا الوطنية
اللهم اعنا على طاعتك وحسن عبادتك وارحم شهدائنا.
هذا العشم بأهل الكويت
وكل عامك وانته بخير وعسواك من عواده
شي مو غريب على اهل الكويت
والله يبعد الفتن عن اكل
مبارك عليك الشهر :)
مبارك عليك الشهر يا حسافتج و من عواده انت و العايلة الكريمة
مو غريبة على الكثير من الشيعة بالكويت
مواقف مثل هذه تثبت معدن أهل الكويت وسماحتهم بعكس ما يفتعله البعض من فتنة بهدف فرق تسد
مبارك عليكم الشهر جميعا
علينــا وعليــك
وعســـاك من عــواده
وهذه فطرت اهل الكويــــت
وهذا دوووم العـــشم فيهـــم
والله يبعد الفتن عنا
:)
مساءك سكر..
أول شي:
مبارك عليك الشهر...
وثاني شي:
هذي الكويت صل على النبي...
الله يحفظ ديرتنا من الفتن...ويردنا دايماً على قلب واحد ويجمعنا دايم على حب الكويت...
وثالث شي:
اللي بيقط له عزيزو:) عسى الله يرده له بنحره....:)
ورابع شي: ماكو رابع ..إلا الله يعطيك العافيه..وومره ثانيه مبارك عليك الشهر وعساك من عواده
والله يتقبل منا ومنك صالح الأعمال يارب...
ومبارك عليك الشهر والله يتقبل منا ومنكم صالح الأعمال..
مبـــارك عليــج الشــهر
وان شالله نعوده بكل خير يارب
الله يبعد الفتن والشر عن الديره
وانشالله دوم متكاتفين
شخبار الزين وامها
تحياتي
:)
مبارك عليك الشهر و تعوده بالصحة و العافية انت و من تحب :)
الله لا يفرق اهل الكويت ان شاء الله و صدقني الشوشرة اللي تصير بين الوقت و الآخر يفتعلها البعض (وهم قلة) بس وقت الصجية ... نعجبك :P
إرسال تعليق