ما تصبرنيش.. ما خلاص.. أنا فاض بيه ومليت .... بينلي إنت الإخلاص وانا اضحي مهما قسيت

إنما للصبر حدود
للصبر حدووووووود



الخميس، 21 مايو 2009

ستووووب

خلصت الإنتخابات وسترجع قناة سكوب لمسلسلات فجير الهابطة وبتشوفون الحربي وهو مصدق عمرة و بدرية احمد تستعرض مفاتنها


وشيماء تافخة برطم وفاشة برطم ومشاري البلام وهو متحير يصير ولد ولا بنت!!


سكوب اللي ماشافوا خير برامجهم كانت كالتالي



مقابلة مع مرشح وأتصال هاتفي من طلال السعيد

موضوع للنقاش واتصال هاتفي من فجر السعيد

مناظرة ويتصل طلال ليتدخل

برنامج مدتة ساعة لتتصل فجر تتكلم نص ساعة!!



أنا اول مرة اشوف قناة معازيبها يتكلمون اكثر من الناس... يفترض وجود الحيادية او على الأقل عدم إبراز التوجة

ماشفتوا خير؟؟

انا كمشاهد شنو نظرتي لقناة يخرج (اخو المدام)المرشح صالح السعيد يصيح ويمسح دموعة وتتصل بنتة وتصيح ؟؟
ويقعدون اثنيناتهم يصيحون وناشقون!!
شنو يعني!! ( صيحوا ببيوتكم)
فقط أصبح ابناء عثمان السعيد هم اللي قلبهم على الكويت؟
هو الوطنيون اللي ولاؤهم للكويت؟


شنو يعني قناه مذيعينها ومحاوريها يفتقدون لابسط مفاهيم الحوار وتفاهة الطرح والمحاولة لتصيد أخطاء الناس وكل ذلك تحت عبائة قناة الشعب ونحن من نمثل الصوت الحق والحرية!!



لقد انتهينا من هذا كلة ومن صراع الإنتخابات والإحتقان السياسي

ويا مجلس إدارة سكوب ردوا على مسلسلاتكم الهابطة وايد ابرك لكم

ويا فجر من وجهة نظري الشخصية وانا مسؤول عنها وراي وانا حر فية

لقد شوهتي سمعة الكويت والجهراء وال سعيد الكرام بهذي القناة التي تسعى للإنحطاط سواء الانحطاط السياسي او الفني

احترموا عقول المشاهد لنحترمكم
الإعلام فن وامانة
مالت على أمانتكم وفنكم

هناك 17 تعليقًا:

I7na 3shagnaha يقول...

تصدق
قناة سكوب ما شفتها ليما وديت اليهال
cartoon network
اللي بجمعية شرق
والا مادري عن هوى دارها

enter-q8 يقول...

ترى شرهان عليك
المفروض تقول تكرم القراء على الاقل لا طريت تكرم سكوب

مركبنا يقول...

اذا كان رب البيت على الطبل ضاربا فشيمت اهل البيت الرقص !


هذول كلهم يردحون !
وخبري انه ولا قضية سجلت عليهم !

وخبري قديم ماادري جان استجد شئ !

وعموما اشترى احد المشئومين نسبة عالية من القناة لتوجيها نوح ما يشاء !

حسبي الله عليه العبوا في الديرة

ساره النومس يقول...

خوش كلام والله

بس ملينا منهم خل يبجون ويترسون الكاميرات ماي دموعهم حدهم ما يبجون لوووول


او انصحهم يحولون فناتهم للمشاهدين الهنود علشان يزيد مشاهديهم لأن يبين المنافق عن الي من قلبه

Purplecious يقول...

الحين مو قلت بشيل هالقنوات و بقاطع الدواوين بفتره الانتخابات؟

حسافتج يا كويت يقول...

عشقناها

يا بختج اله يحبج

حسافتج يا كويت يقول...

انتر


حقك علي يا الغالي

تكرم ويكرم القارئ سكوووب

حسافتج يا كويت يقول...

مركبا


صدقتي والله

هذيلة خمة

حسافتج يا كويت يقول...

طموحة


فعلا شي يبط الجبد اتبجبجون جدام الكاميرا

شي واطي وتمثيل هابط

حسافتج يا كويت يقول...

بيربل

عدل كلامج

بس التبجبج شفتة وانا بالدوانية

والدوانية رحت لها لان امسوين تمايم ولد واحد من الربع فغصب علي

ولا بالبيت والله ما اشوفها

الدســتور يقول...

ببساطة
غير القناة
:))

و لا تحر قليبك

Mohammad Al-Yousifi يقول...

الزمردة

شقران يقول...

الغالي حسافتج ياكويت

صباحك عسل وقشطه
:)

كيف الحال والاحوال


لقد صدقت فيما كتبت...قناة هابطة سياسيا وفنيا


تقبل مني أجمل تحايا الصباح

esTeKaNa يقول...

اللي مضيق خلقي ان قناة مثل هذي قناه فضائيه يشاهدها الجميع من خارج الكويت يا حسافتج ولابد الكل يعرف صالح البكاء السعيد ما يمثلنا ابدا!
العام جابل الكاميرا يكلم الشيخ سعد الله يرحمه ويصيييييييح يقوله :
لا تقول حق ابوي جابر شصار فينا
وسلم لي على شيبان الجهرا كلهم
الجهرا بترجع بترجع
!!
تميت عشر دقايق بحاله انبهار
شنو هذا
:(

charisma يقول...

لا ترفع ضغطك ولا تفتح عليهم
خلهم الله يعينهم على روحهم

الالالا اذا بدش اتوسع صدرك وتضحك ممكن
بس لا تاخذها بجديه :)

q80_1969 يقول...

هههههه انا اشبه قناه سكوب بالمقارنه بين مجله العربي ومجله الموعد
مصيبتنا بانه اخلاقيات اغلبيه شعبنا اليديد يموت على مجله الموعد
ومسكينه مجله العربي محد يقراها
شنو تتوقعون من شعب يتصل على بو عيده وبو خرشد
وتبون الكويت اترد مثل قبل بعد
مجلس اولوياته اسقاط القروض وفتاوي ازوير وعوير
متفائلين بالمجلس اليديد بس بدايته واحد من الاعضاء الكرام يهدد اسيل بلبس الحجاب بالمجلس
ههههههه
خلاص ما فيش فايده

joy يقول...

ويع ويع ويع