ما تصبرنيش.. ما خلاص.. أنا فاض بيه ومليت .... بينلي إنت الإخلاص وانا اضحي مهما قسيت

إنما للصبر حدود
للصبر حدووووووود



الخميس، 28 مايو 2009

600 و 600

600 كويتي غادروا خلال اليومين الماضيين لمشاهدة مباراة الجامبينز ليق النهائية بين برشلونة ومانشستر
و600 الف كويتي مطحون ومندقر يشاهد هوشة إتحاد الكويت لكرة الجِزم وتحدي الأندية لبعضها البعض وعناد الاندية ورئيس الاتحاد المؤقت مو قادر يحل مشكلة بسيطة مثل هذي
بعد ثلاث ايام تنتهي مدة الستة أشهر الممنوحة لنا من الفيفا
وأحمد الفهد ماسوى لنا شي
ويقال بدش وزارة
هذا طمباخية وماقدر يحلها هالدور وزارة
قسما بالله الديرة رايحة رايحة ولحد يقولي تفائل
وين اتفائل ؟
الشعب كلة اكل خوش دقة
يحسن الأختيار ويدخل مرماة هدف بعودة ناصر المحمد وأحمد الفهد و جاسم الخرافي

ديرة مي قادرة تحل أزمة طمباخية تبونها تحل ازمة بلد وشعب
مــــــــــــــــا أظن !!
شخصيا بديت افكر بمستقبل افضل في دولة خليجية (ومن صجي)!!
بس هالموضوع مو بيدي بيد عزرائيل يا ياخذني وما اهاجر يا...........


بمناسبة الويك إند حبيت اهدي للكويت او التي كانت كويت هذي الأغنية لاني اعتقد ان الكويت ملت منا وسترحل !



هناك 9 تعليقات:

~ هند ~ يقول...

أهم شي الأعصاب ..

هد أعصابك أخوي و روق
:q

enter-q8 يقول...

بالامانة انت متأكد انه مو قادر يحل المشكله

مركبنا يقول...

ما نقول الا حسافتج ياكويت

الدســتور يقول...

600
هذا غير المعلن
:))

Eng_Q8 يقول...

ازرق جويتي مجوت

nanonano يقول...

أنا اقترح أبو ظبي

هم أنا من صجّي

~ هند ~ يقول...

نانو ..
حياج :))

اذا ما تشيلكم بوظبي تشيلكم عيونا :q

بنت الشاميه يقول...

حسبي الله ونعم الوكيل

خلو عيالنااااا يتلتهون من مكان الى مكان ...يدورون لعب زين
ويسوى التعني له
حرموهم من كرة القدم وهم فى ديرتهم
تهقا مستانس على هالوضع
والا بيعاقب كل من يخالفه..؟؟؟؟

بس الله يحفظ الكويت ومنه ومن امثاله
وما راح تهدنا الكويت لان كلنا نحبها

الـبـيـرق يقول...

يـقـولـون مـزور الـمـحـاضـر راح يـصـيـر وزيـر الـداخـلـيـة ؟

:)