ما تصبرنيش.. ما خلاص.. أنا فاض بيه ومليت .... بينلي إنت الإخلاص وانا اضحي مهما قسيت

إنما للصبر حدود
للصبر حدووووووود



الخميس، 2 ديسمبر 2010

هاكم شوفوها !

بالبداية الف الف الف مبروك لقطر شعب وحكومة واميــــــــــــــــــــر على نجاح ملفهم في إستضافة مونديال 2022 في الدوحة
وأبدا ما اشك في قدرات الدوحة في تنظيم البطولة بنجاح
الف مبروك ولاول مرة جعلتني قطر افتخر بعروبتي وإنتمائي العربي
مافي كلام يصف فرحتي لنجاح قطر.... وفي نفس الوقت مافي كلام يوصف خيبه أملي في ديرتي اللي عفستها حكومتنا

نعم من زرع حصد ومن سار على الدرب وصل
وحنا لا زرعنا ولا عندنا درب واضح نمشي فية

عموما في هالمناسبة احب اعطي ناصر المحمد وحكومتة ومجلسنا وشيوخنا الاعزاء هذي الهدية المتواضعة

هـــــــاكـــم




تشوفون قطر؟؟؟؟ ماظنتي تشوفونها !!

عموما الف مبروك لقطر ولمن مسك ملفها ولمن رفع اسم ديرتة والعرب فوووووووق ...هذي القيادة الصح

ويارخصك يا غالي بيد اللي مايبالي

هناك 11 تعليقًا:

panadool يقول...

من اللى ماسكين ملف قطر عبدالعزيز العنبري وهو الاعب الكويتي


قطر بعد 10 سنوات راح تصير سنغاوره الخليج

الله يوفقهم ويهنيهم


وعقبالنا نرجع بالمود

bo bader يقول...

الف مبروك لهم ويستاهلون صراحة

زرت قطر أكثر من أربع مرات وكل مرة الاقي تطور أكثر

أما ربعنا فخلاص عظم الله أجرنا فيهم

تحياتي

عين بغزي يقول...

ههههه

بدون تعليق يقول...

الله يبارك فيك ياعزيزي

والله يعطينا خيرها ويكفينا شرها ..

والحمدلله هذا فخر لنا كلنا كخليجين انتوا واحنا ناس وحدة ..

another day يقول...

يستاهلون اهل قطر
وهذا فخر لنا كلنا
يعني مبروك علينا كلنا
وقطر كل ما ازورها
واهي بتطور اكبر واسرع
الله يحفظ قطر وشعبها يااااارب

أهل شرق يقول...

اذا نوخذانا ناصر المحمد عمرنا ما راح نشوف البر

Um il sa3af wil leef يقول...

ألحين أقدر أقول اللي علموني اياه بالابتدائي من جد وجد ومن زرع حصد

مبرووووك

صفحات مُلطخّة بحروفي يقول...

ألف مبروك ، يستاهلون ،
فرحتلهم من كل قلبي .
وفعلاً ماعندي ذرة شك في قدرتهم ،
والابداع اللي راح يبدعونه عام 2022 .
-
على الرغم من انهم بدوا من الصفر ،
لكن من زرع حصد .

Maram يقول...

مبروك القطر يستاهلون كل خير

تفاصــيل يقول...

عجبني الدربيل ..! للبيع ؟! وبجم ؟؟

افنان يقول...

السلام عليكم :
اخي باندول عبدالعزيز العنبري اختارته قطر من الواجه الاعلامية اللي تعمل دعاية لانها اختارت من كل بلد عربي لاعب لعمل وكل شخص فيهم يعمل دعاية منفردة مثل منصور مفتاح - زيدان- ولاعب من السعودية وهكذا ولكنه لم يكن في اللجنه ممن مسك ملف قطر يجب ان نفرق من يعمل على الملف عدة اشهر ومن عمل دعاية تلفزونية ..

وعموما الكويت ان رغبت تعمل الافضل