الووو الأخ معسر؟؟
اي نعم أنا معسر من معاي؟
أنا من لجنة مراقبة المعسرين ودراسة حالاتهم .. ومتصلين اليوم ندردش معاك علشان نقرر نطير القروض عنك ولا لأ؟
تكفة تكفة طيحوا القروض أنا معسر والله...
أنا متصل عليك ادرس حالتك... السالفة مو فوضة... أحنا مصنفين الشعب 3 اصناف (معسر ومتعثر و مستعسر)
وشتامر علية؟
مايامر عليك بنك... ابي اسألك كم سؤال وأبيك تجاوبني عليهم
كم راتبك ؟
أنا موظف بالداخلية ومعاشي 1200 دينار مع العلاوات
متزوج وعندك عيال..؟
متزوج وعندي خمس
كم أعمارهم ووين يدرسون ؟؟
3 يدرسون وأثنين يشتغلون
وين يدرسون؟؟
مدارس حكومية ومعاهد حكومية واللي يشتغلون واحد بالداخلية معاي والثاني بالبلدية
يعني انت تصرف على ثلاثة بس؟
لأ وأمهم وأنا معاهم
أوكي.. في حال العلاج لا سمح الله وين توديهم؟؟
مستشفيات الحكومة الله يعز الحكومة
تسافر كل سنة ولا لأ؟
اروح سنة سوريا وسنة مصر
ممكن أعرف ليش خذيت القرض ؟؟
أخذتة ابي أتاجر حالي حال خلق الله وأوسع رزقي!!
انت ما تدري أن موظف الحكومة مايصير يفتح شركة بإسمة؟؟
ومن قالك الشركة بإسمي ؟؟ الشركة بإسم زوجتي وأنا اشتغل بإسمها
يعني تحايل على القانون؟؟
لا ما أتحايل ألحين الوزرا والشيوخ مو عندهم شركات بإسمهم؟؟ او بإسم اولادهم؟؟ أنا الشيوخ هم مثلي الاعلى وانا اقلدهم
طيب ووشنو أشتغلت فية؟؟
استيراد وتصدير
اشتستورد واتصدر؟
استورد الخرفان من السعودية وأصدرهم للعراق
وأشلون صرت معسر؟؟
بلشت الأزمة الإقتصاديه وخفت لا تنهار تجارتي مع الأزمة ونصحوني الربع أشتري عقار لأنة يمرض ولا يموت فما قمت اسدد للبنك لأني شريت عقار
ولما شريت العقار وقام يدرلك ليش ما سددت بفلوس العقار للبنك؟
سمعت بطيحون القروض
وإذا؟
شنو وإذا ليش أدفع إذا بطيحونها
طيب ممكن سؤال؟
تفضل
وين تصرف معاشك إذا عيالك بالحكومة مدارسهم وعلاجك بالمجان وسفراتك سوريا ومصر... يعني كلشي ببلاش بالله على شنو معسر وما تقدر تدفع وإنت ماعندك مصاريف؟؟
شخليت للي يعالج بالخاص ومدارس عيالة بفلوس ... هذا المعسر مو انت!!
بالله ماتقولي وين تودي بيزاتك؟؟
ايمعهم حق اليوم الاسود
وشنو اكو اسود من إن البنوك تطالبك وبتدخل السجن إذا ما دفعت؟
معصي ادخل السجن إذا بورمية وربعة موجودين
--------------------
طبعا هناك حالات إنسانية تستحق المساعدة وليس إسقاط فوائد او اصل الدين , ولكن هناك حالات كثيرة مثل صاحبنا هذا المستعسر يجب ان نتحقق منهم ولا نسقط القروض عنهم لانهم ناس إتكالين
الاشتراك في:
تعليقات الرسالة (Atom)
هناك 7 تعليقات:
لووووووووول اعجبتني معصي
انا ضد الموضوع كله
لا اسقاط قروض
ولا اسقاط فوايد
واللي اخذ قرض يتحمل تبعاته
خنبقه في خنبقه
شلونك انت بس
loooooooooooool
حلوه بالصراحه لأن بالفعل مو كل اللي خذو قروض محتاجين القروض بالاساس على شان الدولة تتحمل اخطائهم
** الله يكون بالعون يا بو الزين
صح السانك يا خوي
بس من يفهم ؟؟
الشعب الحلو تعود على ان ينهب ... لو شنو ما يفكر شنو يعطي لهالبلد
:(
انا ضد اختيارك حااااله واحده من المجتمع !!!!1
ليش اشخليت اللي يتسلف ويروح لندن ويتعالج بالخاص ومرته تووولد بالرويال سويت لان امها تبي الاستقبال هناك ؟؟؟؟؟
ترا هالحالات الحضريه متساويه مع ربع بورميه ويمكن ازيد ...لان اقلهم يشتري حق بنته جيب بورش سسسلف
انت قصرت بالحالات ..ادري بحسن نيه
فمالله
حوار جميل...بس ياليتهم مثل هالمعسر
الا كلهم ضيم وظلايم
من اسمع معسر او متعسر
على طول ايي ببالي الولاده المتعسره
واذا ما تسهلت الولاده مالهم الا فتح البطن......وهذول نفس الشيئ
يستاهلون كل الليهم
إرسال تعليق