المزاج اليوم حلو والحمد لله
اليوم زارنا الغيم من عقب اشهر عجاف وطوز وسموم وغبرة .. الغيم حبيب قلبي .... وأخيرا دار الهوى ويانا الغيـــــم
عقبال ما يدور الهوى على ديرتي وترد مثل اول..
ياحلو الغيم لا صادف بداية الويك إند....
المزاج عالي ولن اسمح لاحد ان يعككنة.... فأنا من النادر أن يصبح مزاجي رايق....
اليوم يانا الغيم وبإنتظار المطر لكي يغسل كويتنا الحبيبة ويغسل قلبي وقلوبكم ...
واترككم مع دار الهوى ....وامتى نشوفك يا مطر ؟؟
ملاحظة: وعلى قولة دايم السيف.... لو الهوا منكم (يا حكومة) منعتوا هبوبة ... الله يضيجها عليكم مثل ما ضيجتوها علينا
الاشتراك في:
تعليقات الرسالة (Atom)
هناك 10 تعليقات:
يالله جم قطرة مطر تغرق بيوت بعض الناس عندهم قناة وجريده يفككون الكويت منهم ويغرق الستيديو مالهم وجريدتهم يالله يا ربي
الله يديمها عليك اخيي
اي والله جنك حاس فيني
انا توني ادري اليوم اخر يوم بالاسبوع
بس عرفت انصدمت صدمة حلوة هههه
فشكلي مافيني شده انطر ساعتين زياده
بستأذن
:")
اليوم العموم مستفل..ترا الجو يلعب دور في نفسياتنا
و أنا مثلك يا حسافتك..ما راح أخلي شي يعكنن مزاجي هالويكند
و كل سنه و أنت طيب يا بيه
فعلا جو نايس ويرد الروح
عسى ربي يرزقنا من خيره انشالله
ملاحظة:
ملاحظتك اللي حاطها تحت غيييييير صحيحه بتاتاً
حكومتنا لو تبي تمنع عنا شي
بامكانها تمنع اشياد وايد
ويعطيك العافيه
أستمتتتتع
بهالجو المغيم
يا زينه
والدنيا ربيع
والجو بديع
أفلي على كل الواضيع
أفل
نتباشر انشالله ..بمطر
وعطلة سعيده
سلام
صج انك جبريت ياجبريت تفاءل بالخير تجده
ودار الهوى دار
مزاجي على الهوى البس جريمبه وكش الحمام
ودار الهوي دار متي نشوفك ياحلو
مزاجي تصفى قلوب الكويتيين حنا كلنا اخوان
ودار الهوي دار
هوي المنامه بشوف خوال الوالده الجلاهمة البحرين
ودار الهوى دار
اللهم اغثنا ولا تجعلنا من القانطين
وان شاءالله المزاج دوم طيب
ياعسى دوووووم
ودّي
ما يمدي ! (:
واحد فيكم عينه حاره و الجو قلب رطوبه والغيم شكله دش الديره و تحسف !
ما يمدي (:
صبحك ربي بكل خبر ، اخييييرا تفاءلت
عسى ربي دايما يجعل ايامك رايقه
إرسال تعليق