ما تصبرنيش.. ما خلاص.. أنا فاض بيه ومليت .... بينلي إنت الإخلاص وانا اضحي مهما قسيت

إنما للصبر حدود
للصبر حدووووووود



الأحد، 25 أكتوبر 2009

رشوة لمصلحة الكويت

قصة قصيره حدثت منذ فترة

يخبرني أحد اصدقائي انة يعمل بشركة خاصة مملوكة لعائلتة.. وإن هذي الشركة تملك عقدا مع إحدى وزارات الدولة .. وانة ينفذ هذي المناقصة بشكل صحيح... وباقي على إنتهاء المناقصة 6 اشهر .. وأنهم بصدد دخول المناقصة ذاتها إذا طرحت مرة آخرى..

لي هني ماكو كشكلة.. بس المشكلة ان مسؤول في هذي الوزارة اتصل على صاحبي المسؤول عن تنفيذ هذي المناقصة وقالة حياك نشرب شاي بالمكتب عندي.. ولبى صاحبي الدعوة وتبادلا الحديث نحو المناقصة الجديدة التي ستطرح عن قريب .. وقال له المسؤول

هالمرة نبي معدات وآليات وسيارات موديل 2009 راح نطرحها بالمناقصة...

فقال صاحبي: عيل بتصير المناقصة وايد غاليه... وماله داعي ترهقون المتقدمين للعطاء وترهقون الدولة.. والمعدات الثقيلة عمرها طويل وممنك ان تعمل بشكل جيد جدا معدات موديل قديم .. فليش .. تنفيذ هذي المناقصة ما يتطلب معدات جديدة وان القديمة تنفع

فرد عيلة المسؤول وقال لة... إذا تبي اخليها موديل 2000 فما فوق وتستعمل معداتك وتطلع عليك المناقصة رخيصة (ادفع 5000 دينار)

فتعجب صاحبنا من وقاحة وجراة المسؤول... وقالة يصير خير إن شاء الله وطلع

ولم يرد على المسؤول... وبعد ثلاث اشهر نزلت المناقصة والمعدات المطلوبة موديل 2009 والتي يبلغ اقل تكاليفها 2300000

مليونين وثلاث مائة الف دينار باقل تقدير من اقل وارخص مكان !!

وهكذا نفهم ان لو صاحبنا اعطى المسؤول 5000 دينار لكانت المناقصة تكلف الدولة اقل من 900 الف

فهل سنردد جملة ( من حبنا لها .... نرشي لها)

هناك 14 تعليقًا:

جبريت يقول...

نعم من حبنا لها نرشي لها

مو الخوف انه يرشي لها وما ترسي عليه المناقصه فوق هذا

حسافتج يا كويت

رزنامــــــة يقول...

تقدر تحط اسم مدونتك على هالموضوع بالذات
ونقول حسافتج يا كويت على من لاذمة ولاضمير له ولا يخاف ربه فيج يا كويت ولا في عياله اللي يوكلهم اكل حرام

اهداء اغنية راشد الماجد
........الله كريم :)

Eng_Q8 يقول...

اي والله كشكله :q

esTeKaNa يقول...

أخي العزيز:

تنص الماده الأولى من قانون حماية الأموال العامة على ما يلي:
للأموال العامة حرمة ،وحمايتها والذود عنها واجب على كل مواطن

.
.
.
هذه القصه موجوده منذ الأزل
ولكن الفرق انها كانت في وقت مضى نادره الحصول،يخجل اطرافها واشخاصها
واليوم هي متكرره كل يوم بكل وقاحة
وهذا شئ مؤلم !
رغم ذلك
اعتقد من واجب صاحبك او اي شخص يتعرض لهذا الموقف ان لا يفكر بمصلحته فقط ،بل يفكر بالمصلحة الاكبر وهي مصلحة الكويت ويبلغ الجهات المعنيه بالطريقه الصحيحة وبالوقت نفسه


وصبحك الله بالخير يا اخوي العزيز
خير..رغم جروح كل هذه الديرة وانكساراتها
عسى ربي يجبر كسرها ويصلح حالنا يارب

حسافتج يا كويت يقول...

جبريييت

ماقول غير ادب سييييس

حسافتج يا كويت يقول...

رزنامة

اهو بس هالموضوع اللي ينقالة حسافتج يا كويت؟؟

كلشي صار حسافتج يا كويت

حسافتج يا كويت يقول...

مهندسنا الغالي


الشكوة لله

حسافتج يا كويت يقول...

إستكانة الغالية

صاحبي ما فكر بمصلحتة ابدا بالعكس اهو دفع من جيبة اكثر بس للدولة اللي تكبدت خسارة اكثر


ويوم سالت صاحبي ليش ما تشتكي علية؟؟
قالي ان اللي قبلة كان العن منة ويوم افضحة بالدليل القاطع
رقوووة ويابوا هذا وهذا تم سنة يحط عليهم ويتصيد عليهم بس علشان يبين ان ترى هااااا انا لحمي مر مو مثل ذاك

المقوع الشرقي يقول...

حسافتج
كلمن يشكي من الرشاوي
اعيابنا على المصاروة
بلانا فيه
طالع أفلامهم
جنها الكويت الحين
..
صدق رفيجك

يبا المختلس والفاسد والراشى والمرتشي
يرقوووووووونه..ويرزووووووونه
وحسافتج يا كويت

another day يقول...

حسبـي الله ونعـم الوكيـل فيهم

جذي عاد لاذمـــــة ولاضميـــــــر


صـــــــــج من حبنـا لها؟؟؟؟؟

nanonano يقول...

أي عيزنا و أحنا نقول

الشريف و النظيف بهالديره مظلــــــوم

enter-q8 يقول...

ايه و الله شي يشييب الراس يا جعل راسه البط

EngineRaa يقول...

اقوول عساه زقووم ببطن كل واحد يرتشي ويمس مصلحة الكويت.

لنا الله ينصرنا ويحفظ ديرتنا من مافيات المصالح الشخصية.
عساك على القوه اخوي ويفرجها ربك.

Zaydoun يقول...

بعد..... تراك ما شفت شي