قدساوي... أحبج عبرووووه.. سهران... كيفي عيمي... الله على الظالم... هونها وتهووون..إذكر الله...شووووجي وبس.. البدو خط أحمر
كلي أمل.. أستغفر الله..ضاع الحب... والله احبج.. عزوبي شارع الحب... ماعندي سفايف!!... وخر عني.. إعذريني
كل ما سبق وأكثر لم تسعفني ذاكرتي أن اذكرها... كلها ملصقات على سيارات تجول في شوارعنا لشباب بعضهم مراهق والبعض الآخر مع الاسف عمرة في منتصف الثلاثينات تقريبا..
رايت بعضهم وحدثني عن البعض الأخر اصدقائي عندما ناقشنا هذة الظاهرة الخايسة والهيلقية!!
من عجائب ما رايت في حياتي كان آخرها ما جعلني اكتب عن هالموضوع هو ملصق ( استغفر الله)
جيب نيسان باترول اسود جدام عيني لاعن خيّر الشارع والناس اللي فية وقاعد يلاحق سيارة فيها بنات !! والحبيب جدام يغازل وسيارتة من ورى مكتوب عليها استغفر الله !!
طبعا صاحبنا معتمد على دخولة الجنة بعدد الناس اللي تقرى كلمة استغفر الله وبالتالي يأخذ هو نصيب من هذى الحسنات لانة قام بالتذكير
فهو يجبرنا على الإستغفار وجزاة الله خير ولكن الحبيب قاعد يخنبق..
المضحك أن ملصق أحبج عبرووووه.. كانت السيارة جيب رانجلر موديلة قديم واللي تسوقة امبين أنها ام الولد اللي يحب عبرووووة
يعني يا حبيبي تحبي عبروووه ولا تكرها حنا شكو؟؟؟ خلق الله ليش يعرف إنك تحب عبيير؟؟ وعبييير هذي ماراح تعرف إنك تحبها إلا إذا حطيت احبج عبرووووه؟؟
وبعدين يوم إنك تحبها طاح حظك وحظها ليش تسميها عبرووووه... خلها احبيج عبير او عبوورة..
وكله كوم واللي كاتب ماعندي سفايف كووووم.. مادري شيقصد؟؟ نوخر عنه مثلا ونترك له الشارع؟؟ اهو واللي كاتب وخر عني
أما نعرة كيفي عيمي فهذي تضحكني... نعم كيفك عيمي وكيفي نيدي وكيفهم سنة وكيفهم شيعة وكيفهم زبارة وكيفهم بدو وكل من كيفة
اشونك ما اخترت تصير عيمي بكيفك بس.. شنو هالنقص!!
سيارة لكسز جديدة تسوقها إمراة ومعها اطفال وكاتبة من ورى الجامة الله على الظالم!!
نعم الله على الظالم بس ليش جذي شكلج مرة عودة وعيالج شكثرهم وسيارتج موديل 2010 ليش هالهلاقة؟؟
يعني الله ماراح يصير على الظالم إذا ما حطيتي الله على الظالم؟؟
وبعدين ليش تبين الناس تعرف إنج مظلومة؟؟ ومنو اللي ظلمج؟؟ ويمكن ظلمج من كثر ما شاف ظلمج!!
شوجييي وبس.... اهنيك على ذوقك
للعلم القانون بالكويت يخالف هذي الامور وخصوصا اللي يحط لزقة كبيرة على الجامة الخلفية
قبضوا.....
صورة الأمير... على كبر الجامة الخلفية ومايشوف اللي وراة وخصوصا بالليل.. ليش؟؟ تعبيرك لحبك لولي الامر يكمن في طاعتة والولاء له وليس في صورة تخالف القانون ومن الممكن انك تدعم وتقتل ابرياء علشان تبين ولاؤك للامير
هذا غير صور الشهيد واعيالة كلى كبر الجامة ومايشوف وراة..
واليوم طالعيلنا بطلعة بوضع صورة الشيخ زايد رحمة الله على والشيخ جابر رحمة الله على كبر الجامة!!
وفيك خير يا شرطي خالفني؟؟ تخالفني ليش حاط صورة امير!!
ولا الحريم اللي يحطون ملصق يبين ان السيارة بها اطفال
ويا سلام على التبتون وكسر الإشارات الحمرة!!
يعني انتي تقولين للناس انتبهوا عندي يهال وتصيرين ايهل من يهالج؟؟
وأخيرا ارجوا من وزارة الداخلية التصدي لهذي الظاهرة الخايسة
الاشتراك في:
تعليقات الرسالة (Atom)
هناك 21 تعليقًا:
هذا غير اللي يحطون أرقام تلفوناتهم
و إيمالاتهم
و عناوين صفحاتهم الإلكترونيه
و ال BB PIN
فعلا .. حد الهلاقه
لووول
يا عدو المرأة
أشدراك انها ظالمته
:)
بعدين
يمكن مو قصدها اهو قصدها الحمولة
لوووووول
:)
الا صج ليش كلمن طاق القانون بامية يمنى ولا قانون المرور ..تقول عناد
وبرة ..ما يستجرون
صح لسانك والله D:
لوووول والله ضحكتني مودي اليوم كلش مو خوش XD
استجوب وزير المواصلات ...
ظاهرة قديمة و دمها خفيف
:)
ضحكني ستكر ما عندي سفايف صج مصرقع... ذكرني باللي يدورون بالحرم ويقولون كشب كشب
يبيله ستكر خشب خشب!
والله كـلام عجيب ,,
حنـا هنا بالسعودية , كنت أشوف
بعض السيارات من هالنوع , بس الحـين
مختفيه هالظاهرة , لأنه المرور ما
يسمح , بس مثل ماقلت , يحطون صورة الملك , عشان المرور ما يتكلم
:)
ياليتهم بس مانعين الصور , حتى
التظليله للسياره ممنوعه ..
.. يلا عقبال ما يمنعون هالظاهرة عندكم ,,
زيارتي الأولى هنا ..
تحياتي ..
ليش مو بعض جماعة ..... حطوا ورا الاستجواب على سياييرهم ما يهزك ريح وصورة وزير الداخليه الله يفشله ؟؟؟
اما احبج عبروه ومادري شنو شي عادي تعال منطقتنا العتيده واقرا على الوانيتات شنو مكتوب واحد كاتب محروم من شوفتك يا افدع والثاني كاتب لي حبك كوا قلبي كوا شنو مادري
ولا الي حاط صورة اوباما على اليوكن ماله وكاتب تحته ما يهزك ريح يحسسني قبل يلعب معاه كوت بو سته
لووول والله لو يحطون حكمة ولا فلسفة وايد احسن لهم يفيدون الناس على الاقل ولا منو بيهمه اذا تحب ولا لا احنا شكو فيك لووول
ما فى على ستيكر نادى الصيد , ايام العز
:)
اممم
لما قريت البوست حسيت اني من زمان ماطلعت و شفت سيارت هههه
وصج ظاهر غير حضاريه بالمره
اي هذا وجهي اذ تغير شي
مو باط جبدي غير الي كاتب (ابوي انتي) استغفر الله واللي كاتب رقم تيلفونه انا ابي اعرف شي واحد شلون يقابل اهله صج فشله شنو القصد من الحركه
والله الشباب صايرين سخيفين لحد السذاجه
نفس الجمل انا شايفهم مسجات على القنوات الفضائية
للعلم المرور عندهم تعميم داخلي بعدم مخالفت ملصقات صور الشيوخ كاستثناء للقانون. يعني اذا سبب حادث ما يخالف لأنه ما شاف بسبب صورة شيخ مو شيء ثاني.
تصدق توني ادري انها وصلت لهلمواصيل!!
ومنكم نستفيد
القعدة بالبيت وما تسوي :(
بس اكثر شي يطفرني راعي baby on board
آمنا بالله عندك يهال وتبي الناس ترأف بحالك
بس ليش التبتون والحركات القرعة؟
شلون تبي الناس تحترمك وتخاف على اليهال اللي معاك وانت اصلا مو خايف عليهم؟
شوف خل أقول لك قصة اللي كاتبه الله على الظالم..طبعا من تأليفي
هذي وحده محسر فيها زوجا..و ميننها بالفلوس..ما يعطيها فلس حمر..ليش ما طلعت تقاعد و قبضت مبلغ الأستبدال..أو أن أبوها توفى و ياها مبلغ زوين..قامت و راحت السياره..و حطت هالستيكر..عشان كل ما يشوفها ريلها يحتر
أشرايك بالسيناريو؟
حـيل تفشل ... وخزيــــاه
:s
صباح الخيــــر
**************
شراشك غن اكو واحد ذاك اليوم "رينج روفر" كاتب عليه "ذكري ربج" ؟؟
و لا تشوف العصاقيل.. طبعا أنا شفته بمواقف جمعية و او يركب السيارة بعد ما صورت الملصق.
تبي أدزه لك؟ :d
** صباح الخيير ...
- ولهنا على هالبوستات الحلوه على الرغم من مضمونها الهيلقي لووووووول
الهلاقه زايده يابو زيونه بكل شي صرنا نفشل .. عمار يا شعب الكويت الظاهر راشين الهلاقه بالجو
هاذي وطنيه شكليه
ذكرتني بالي يحط لزقه مكتوب
عليها اذكر الله ولا ما شاء الله بس لانه
خايف على سيارته من العيون عباله بوقاتي هههه
بس انا ما شفت احبك حمودي احبج عبووور
شفت صور الشيوخ والمشكله ان الشرطه تخالف
كل الناس الى هذا لانه حاط صوره فلان ولا شعار الداخليه
المفروض القانون يمشي على الجميع
شكراً
ما ادري ليش تذكرت الربع قبل
يوم اشترينا ديهاتسو صفرا و كتبنا عليها لا تغرك المظاهر و نقز بالحب فيها
احلى شي اللي يقز و كاتب اذكر الله
بقلبي الف من ذكره قبل ما نشوف وجهك
إرسال تعليق