أعتكف هذة الأيام لإطلاق حملة تحمي ذوي الإحتياجات الخاصة من غزو الناس السليمة جسمانيا والمعوقه ذهنيا من غزو مواقف السيارات الخاصة لذوي الإحتياجات الخاصة...
ظاهرة تزداد يوما بعد يوم..... أشكرة عيني عينك تلاقي مصفط للسيارات محطوط علية علامة (خاص لذوي الإحتياجات الخاصة) كبيرة كبر تفخة حجابها... وتصفط فية وتنزل منة وإهي إتزنقح ولا هامها وتقفل السيارة وتروح
أشكرة ابو وعايلتة يصفطون في موقف ذوي الإحتياجات الخاصة وينزل اليهال وينزل أهو والمدام ومافيهم إلا العافية ويقفل السيارة ويدش المجمع!!
اشكرة شاب لا يتعدى عمرة ال20 سنة يصفط في مصافط ذوي الإحتياجات الخاصة ويقفل سيارتة(يمال الدقم) ويطالع جامه سيارتة ويعدل شعرة (السبايكي) ويتوجة لداخل الجمعية!!
ليش جذي؟؟
أنبطت جبدي وقررت أروح المطبعة وأطبع لي 1000 ملصق بصفة أولية مطبوع عليها كلمة (يامال الكسر)
وقررت كل ماشفت ناس تصفط في مصافط هؤلاء المساكين!!
الحملة ستبدأ من تاريخ 1/7/2009
وياويلة اللي اصادفة يصفط في اماكنهم... بيرجع لسيارتة وبيلاقي لزقة على جامة السيارة مطبوع عليها كلمة( يامال الكسر)
وأخيرا
اقول لكل من يكون حظة حلو وما أصادفة وهو يصفط في أماكنهم (يامال الكسر)
هناك 19 تعليقًا:
يا مال الكسر و العقم فوقها
واللي يسلمك اطبع لي ألف معاك
الغالي حسافتج
مساك الله بالخير
تدري اني اوقف وروح اكلم اللي يسفط في مسافط ذوي الاحتياجات الخاصة وانصح مايسفط مكانهم واذا ماطاع الشكوى لله
يا أخي والله شي يحر من قلب ان الواحد يصفط مكان ذوي الاحتياجات الخاصة...والله عيب وحرام قبل يكون مخالف للقانون
تقبل مني أجمل التحايا وأرقّها
ماوصيك لمن تلصق البوستر على السيارة تصور وتنشر بالبلوق والايميلات
يمكن يحسون ويستحون...أقول يمكن!
انعدام المسؤلية و سوء تربية ورداءة الأخلاق !
أخي العزيز حسافتج يا كويت
انت شخص مبتكر
احترم احترامك للقانون واحترامك للمصلحة ذوي الاحتياجات الخاصة
شخصيا:
ضحكتي يا مال الكسر
بس زين تسوي
:)
خووووش فكرة
ولو تلزقها بصمغ بتكس غلى الجامة يكون أفضل
ايه ياخوي
بصراحة انا انافس الشرطه بهل مهمه
نصيحة .. ترجمها خصوصا للهندي
عفية عليك ...
ناس بلا ذوق اليوم في الافنيوز المصافط فاضية وربعنا كلهم في المعاقين !!!
انا على طوووول اطلع ورقه واكتب عليها ... يا حيوان
يامالك الاعاقه
فمالله
تراك تنفخ في مخوخ مقضوضة
المسألة في عدم احترام النظام
وهذه شغلة عمت على البلد كله بكل مجالاته
سوء القدوة وما تسوي
لووووووووووووووول
تصدق بو الزين داشه بعلق قريت تعليق اجار الدين كشمش فصلت من الضحك عليه
يامالك الإعاقه
هههههههههههههههههههه
هالنماين عديمين الإحساس وايدين
وعليهم وقاحه مو صج
يعني تخزها ان عيب عليج
بس وين
التفكير العوي شلون تصلحه
وصباحك خير يارب
اي والله معوقين ذهنيا
تبيني اساعدك بالحملة حاضرين وبالشوفة
قواك الله
** والله يا بوالزين لو تطبع مليونييين ماكو فايده .. احنه وايد عندنا ناس مع احترامي للكل متخلفين
ماعندهم احساس بالمسئولية ولاعندهم مراعاة لمشاعر الآخرين ..
للأسف
انا مرة قريت عبارة وايد عجبتني.. تقول (اذا اخذت موقفي فأرجو ان تأخذ إعاقتي !! )
لا حول الله يتقون عليهم
ويشاركونهم باقل حقوقهم الانسانيه
وهو مواقف مخصصه لهم
ويتناسوون معاناتهم القاسيه بهالحياة
بس يمال الكسر وايد قويه
الكلمه الطيبه ارق واحن
لعل وعسى يتنبهووووون
أخوي مطقوق ...
فكرتك تستاهل ان نحط ايدنا وياك ...
بس بجمعية اليرموك سووا شي شبيه بفكرتك لكن بطريقة ألطف ربما ...
فوق اشارة المعاقيين ملزقين ورقة مطبوع عليها بيتين شعر مو حافظتهم ...
لكن ممعنى البيتين ان قبل لا تفكر تاخذ مصفطي .. جرب تاخذ معاه اعاقتي
الصياغة كانت مبدعة لدرجة ان وددي تستخدم هالفكره بكل مكان ..
ويمكن أسهل من انك تعنى على كل موقف وتدعي عليه بالكسر ... وان كان يستاهل
بارك لله فيك
مصافط بلاتينيوم - كيفان للمعاقين قافلينهم على طول والسبة كثرة المعاقين ذهنياً .. وقولهم إذا فيك إعاقة يفتحون القفل لك. المفروض يعممون هالفكرة على جميع المرافق العامة ويسلمون المفاتيح لحراس الجمعيات التعاونية او المجمعات التجارية .. يدقون على رقم الحارس مثلاً ويفتح لهم القفل. هذا أقل شي تسوي عشان تحفظ حقوقهم لأن لزقاتك ما تكفي لهؤلاء المعاقين ذهنياً
شالديرة، الكل فوق القانون؟!
لقـد أسمعـت لـو ناديـت حيـا.... ....و لكـن لا حيـاة لمـن تنـادي
و نـار لـو نفخـت فيهـا أضـاءت.... ....و لكـن أنـت تنفـخ في رمـاد
الله يعينهم المعاقين عقلياا .. رووح اخوي عسا الله يوفقك ..
حطهم علي الجاامه عشــــان يعرف يغيرها ويفكر 1000 قبل لا يسفط مكان المعااقين ..:)
إرسال تعليق