ما تصبرنيش.. ما خلاص.. أنا فاض بيه ومليت .... بينلي إنت الإخلاص وانا اضحي مهما قسيت

إنما للصبر حدود
للصبر حدووووووود



الاثنين، 8 يونيو 2009

شارع دمشق

الإشارة حمرة
الساعة 11 بالليل
سيارات واقفين... هرنات وفلشرات
موسيقى وناس ترقص داخل السيارة وناس متلثمة وترقص بالشارع
تشب الإشارة خضرة.... ولا كأن شي صار!!
ليلحين يرقصون وهرنات وموسيقى وكاميرات تصوير
ترد الإشاره حمرة
ومازال المسلسل مستمر
وترد تفتح خضرة
يمشون الجماعة ببطئ... يوصل دوري تشب الإشارة حمرة
اوقف .....والربع جدامي يمشون شوي شوي وصاكين كل الحارات
تشب إشارتي وأكمل والربع ليلحين صاكين كل الحارات
أطق هرنات ... ماكوا فايدة حسبالهم أنا وياهم مستانس!!
الوضع عندي يتأزم... يوقفون وتطلع سيارة تشفط وتخمس وهم ضحك ووناسة وتصوير فيديو
زوجتي معاي بالسيارة وبنتي نايمة.. وقت حليبتها ونومتها
باقي على وصولي البيت دقيقة .. ولكن لأانهم صاكين الشارع أتأخر 10 دقايق
لان ربع المعرس قاعدين يقحصون... قحّص الله بطونهم أهم والمعرس فوقهم
ينزل واحد ملثم ويصور سيارة سيارة بالفيديو!!
ويمر على سيارتي ويصور!!
هرنات وفلشرات وأغاني ورقص ومتلثمين
الطابور وراهم مو مهم!!
إذا فية واحد مريض أو مستعجل او طفل مو مهم!!
إذا أكو واحد بالبيت اللي على الشارع نايم مو مهم!!
أنا... أنا من قالي أنحصر في هذا الوقت؟؟..... قلعتي... مو مهم!!
بنتي ليش هذا موعد حليبتها؟؟ ليش مو الساعة 12 أو 10؟؟ مو مهم!!
إضطريت أدخل منطقة ثانية وأطلع منها لشارع ثاني لأصل إلى منطقتي من غير ما أنطرهم
شربي حبيبي الحليبة.. ودخلت أنا الحمّام... كل هذا مو مهم!!
المهم يستانسون هالجنقل

كثروا اللوث بالكويت.... كثروا اللوث بالكويت
وين نروح؟؟

هناك 31 تعليقًا:

صبا يقول...

ابتسم انت في الكويت


قلتها يا بو زين

جــنــقــل

حسبي الله عليهم ...

للاسف انا شايفه هالاشكال


أرف أرف أرف

الله يعينكم

اهم شي زيون اشربت
حليبتها ونامت بسلام
فديتها

سلام
:)

مـغـاتيــــــــــــر يقول...

أنا في 3 مواقف من هالنوع مرت علي ،

أول مرة صعدت مصافط أول بيت من الخرعة ..

ثاني مرة معاي العيال انشغلت أهديهم لأنهم قاموا يبجون ..

ثالث مرة دقيت على 777 بس طلعت من اللوية قبل لا يوصولون ..

الحل واحد ما كو غيره اعادة تربية من جديد ، لأني ما أعتقد إنهم تربوا .. لا حشا ما تربوا

Mohammad Al-Yousifi يقول...

عاش وزير الداخلية

chandal/danchal!! يقول...

الفارسي

الميلم

الحساوي

المعجل


تهقى من أي صالة طالعين؟

شسم الصالة اللي بالروضة؟

:p

joy يقول...

eeeeeeeeeeeeeeeeeeeeeeeeeeeeeeeee


wallah sedagt

ektharoooooo


moshkela etha serna e7na elgella!!!

ميمة السبيت يقول...

الله يعييينك هذي اكره حركة بالشارع ممكن اتصادفك

ذبحونه هالعقد تشفط و ترمي و تذبح بعيال خلق الله

Sweet Revenge يقول...

قله الادب زايدة بس هذي كرة وبتشوفهم عيل اذا الي يشتغلون معاك من هالنوع
مصاخة وقله ادب وجني مو مسوين شي
الله يهدي

عثماني يقول...

يا خوي اصبت بالوصف

انهم الجنقل

او الهيلق بعبارة اخرى

او اللفو

او .. او ... او

الديرة انترست منهم لعنه عليهم و على من جنسهم

بنت الشاميه يقول...

هذا اللى يطلع بالليل

ثاني مره ردوا بيتكم مبجر
قبل زفة المعاريس ......ء
:)

خديجة البهاويد يقول...

وين تروح ؟

روح الحسا ( الاحساء)
هناك صخخخخخخخخة ليل ونهار
وعجال واعلية
بس صخر خشمك وانت ماشي بالشارع جود بالوعة طافحة ولا حفاظة ياهل منسدحة عالقار :))

K يقول...

والله يا حسافتج

مدرى شقولك

انت على طول ضايق خلقك ومتشائم وحالتك حاله

ودى اشوفلك بوست فيه تفاؤل

شرايك ب الفلاش اللى يحطونه فى تلفزيون الكويت عن الافينيوز والكوت , وبعدين يقولك عمـــــــار يا كويت

ههههههههههههههههههااااى

بو سعد يقول...

ياخي والله عيب على هالناس .. استانسوا عليكم بالعافية بس لا تضرون غيركم لا تييكم دعاويهم !

U-Turn يقول...

@@

إنت تكتب
وانا أقرا وأحتر

يعني وبعدي وياهم
ما تصير الوناسه إلا بهالسوالف والهلاقه !!

استانس في بيتكم يا أخي
مو لازم كل الكويت تدري إنك تزوجت
موة اول ولا آخر واحد يتزوج !!

وااااااااااااي يغثووووووووووون

بس شنسوي
"العين بصيرة والإيد قصيرة "

ودي لو أمصع رقبتهم واحد واحد
بس حسافه ما أقدر :d


يعطييك العافيه أخوي
خليتني أطلع حرت أمتحان الأكاونتنج كله :d

enter-q8 يقول...

احمد ربك انك مو ساكن بمنطقة ثانية و خصوصا جنب صالة الحريش
علشان تبيع بيتك بملغ زهيد و اهو يسوى

enter-q8 يقول...

اضافة مهمه- الوانيتات

اذكر ان زوجتي دايما تقولي شكو تشتري وانيت
و ضد طموحي اني اعيد ايام الصبا المتاخرة
بشراء وانيت امريكي و ادلعه و ازهلقه، لما صادفنا نفس حالتك و قلت لها ها لو عندنا وانيت اللحين
مو كان طقيت رصيف و دعمت لي كم مدقر سيارة من هذول

حسافتج يا كويت يقول...

صبا

يا صباح الصبا

فعلا جنقل وارف

ربي يفكنا منهم

حسافتج يا كويت يقول...

مغاتير


777 يبيلهم 777


صلي على النبي

حسافتج يا كويت يقول...

مطقوق


عاش عاش

حسافتج يا كويت يقول...

جندل

طالعين من صاله الهلاقة

اذونا الله يأذيهم

حسافتج يا كويت يقول...

جوي

خل يكثرون كيفهم بس خل يصير فية إحساس

حسافتج يا كويت يقول...

ميمة السبيت


المفروض اللي يبي يستانس أقضبلي حارة او حارتين وأخلي الثاثه للناس

مو اصك الشارع واترقص

أتصدقين ليلحين محتر

حسافتج يا كويت يقول...

سويت

أقدم استقالتي


ومن صجي ترى

حسافتج يا كويت يقول...

عثماني


ومن رزهم ومن قواهم ومن وظفهم في اماكن حساسة

حسافتج يا كويت يقول...

بنت الشامية



ردج يوحي إنج يدتي

شدعوة ردوا البيت امبجر؟؟

حسافتج يا كويت يقول...

خديجة


إذا بروح بروح مكان يسوى


يمكن L.A

حسافتج يا كويت يقول...

k


لوووووووووووووووووووووول
هههههههههههههه
هههههههههههههههههههه
ههههههههههههههههههههههههههه


علشان هالتعليق اللي طلعني من المود يوم قريتة

وعد بنزل بوس فرايحي

متى ما ادري بس وعد

حسافتج يا كويت يقول...

صدقت يابو سعد


على الاقل خل لي حارة امشي فيها

مريض تعبان اي طارئ

حسافتج يا كويت يقول...

يو تيرن

اموفقة

وبعدين العين بصيرة لكن الإيد مشلولة مو قصيرة

ولا أنا لو من الداخلية اكثف دورياتي في هالحزه و العن والدينهم

حسافتج يا كويت يقول...

أنتر


مالك شغل فيها

أخذلك وانيت بالنصيفة بيني وبينك

بالويك اند لي وباجي الايام لك

شقلت؟

Unknown يقول...

قلة أدب و ناس ما تسنعت في بيتهم
شتريا منهم؟
الله يعينكم بس

Um il sa3af wil leef يقول...

معلش أزمه وعدت
بس قول لنا شنو كانوا حاطين أغاني ؟؟علشان إنعرف نقيم مدى هلاقتهم