الخطة الصيفية

إنتهيت اليوم من وضع خطة الطوارئ لهذا الصيف وإنشاء الله تكون ناجحة

سحبت من البنك مبلغ 150 دينار ووضعتة بالتجوري
حطيت جنطتي وعدتي وعدة البنت وأم العيال كلها في جنطة واحدة
حطيت ليت يم كومدينة راسي
وبرّزت صورة من عقد الزواج
وقلت لأم العيال عملي حسابج متى ما أنقطعت الكهربا قطع مبرمج او غير مبرمج بالليل او بالنهار.. شغلنا زاهب وطيران على الماريوت
علشان نكمل ليلتنا هناك او غدانا او يومنا في ظل مكيفات الفندق ترى الجنيريتر هناك حديد وما تنقطع الكهربا

الشكوة لله الناس تفكر وين بتسافر بالصيف وحنا بالكويت نفكر شلون نقزرها لا طفت الكهربا
يقال أن الكويت ستستعين بطاقة للكهرباء من قطر... وقبل الخبر هذا بشهر نشر في إحدى الصحف ان الكويت تبرعت للأردن بإنشاء محطة توليد كهرباء!!
الأزمة بدأت منذ اربع سنين... يعني من ايام (ستيفن سيجال) أقصد بو فهد
ولو أنة من يومها بانين محطة إن جان اليوم خالصة صارلها سنتين... لكن شنقول الخداي شون صاير؟؟
وكأنهم يعاندون أهل الكويت؟؟ وكأنهم يتحدون الكويتين ويستفزونهم بإعلانات الترشيد
وكأن شعب الكويت 60 مليون !!
وكأن الكويت تنتظر إعانة من الأمم المتحدة او بنك التسليف الدولي!!
حسبي الله ونعم الوكيل..
واللي يبط الجبد أنهم يصرحون وقولون أن الازمة ستستمر لغاية 2012
وللعلم لو يسوون محطة اليوم تخلص بعد سنة ونص على ابعد تقدير!!
ليش؟؟ ليش يسوون فينا جذي؟؟
حنا مسؤولين منهم و حرنا غير نمونة
ابي إجابة على سؤالي... ليش حكومتنا تسوي فينا جذي؟؟ واشكرة يسوون محطات كهربا باليمن والاردن ولبنان
هل هو إستفزاز؟؟ ام غباء؟؟
ياجماعة داش رمضان ... إن فطرت والسبة الحر ذنبي برقبتكم
ترى كلشي يهون إلا المكيف
عموما أنا حطيت خطتي وأنتوا بعد عملوا حسابكم ترى قيضنا بالكويت كافر