بو فهد ... تشاركني

4/8/2010 أحمد الفهد : أنجزنا 25 % من خطة التنمية
20/8/2010 فاضل صفر : أنجزنا 27 % من خطة التنمية
29/9/2010 فاضل صفر : أنجزنا 27 %من خطة التنمية
24/10/2010 أحمد الفهد : أنجزنا 56 % من خطة التنمية
25/10/2010 أحمد الفهد : انجزنا 26 % من خطة التنمية
1/11/2010 أحمد الفهد : أنجزنا 25 % من خطة التنمية

للعلم خطة التنمية بدأت فعليا في شهر مايو الماضي يعني صار لها 6 إلى 7 أشهر
مابي اتكلم عن اللخبطة بالأرقام بين الوزيرين وبين الوزير احمد الفهد بالذات اللي ارقامة تنقص ما تزيد
من إسبوع فقط قال انجزنا 26 واليوم 25 وعند توقيع عقد مينا عبدالله قال 56 % ولما تكلم عن التفاصيل قال 56% من بعض مشاريع الخطة التنموية !!
يا سلام

عموما مابي اعلق على كل هالكلام انا عندي استفسار واحد
إذا خطة تنمية يتم إنجاز 25% بالمئة منها في شهر اغسطس الماضي وإلى اليوم نفس الرقم او تحرك واحد او اثنين بالمئة
اي خلال 6 اشهر بشكل مطول يتم إنجاز ربع الخطة التنموية اللي فيها اكثر من 30 مليار
والله لو خطة التنمية بيت 500 متر دورين وسرداب وحمام سباحة ما يخلص 25 بالمية في هالفترة
أتقصون على منو ؟؟
وأخيرا
بو فهد ... اشرايك ادش معاك شرّوكه بالمقاولات لك 80 % ولي 20%
والله بكد خير من ورى هالعشرين


الثانية 00:30 ذكرتني بالخطة التنموية