ما تصبرنيش.. ما خلاص.. أنا فاض بيه ومليت .... بينلي إنت الإخلاص وانا اضحي مهما قسيت

إنما للصبر حدود
للصبر حدووووووود



الأحد، 6 ديسمبر 2009

عزيزاتي نساء العالم

عزيزتي الزوجة ...عزيزتي الأم...عزيزتي الأخت.. عزيزتي الخاله... عزيزتي العمة... عزيزتي البنت....عزيزتي زميلة العمل

عزيزاتي نساء العالم



أما آن الاوان؟؟

لقد وصلنا لسنة 2010 وقد سمي عصرنا هذا بعصر السرعة والإنجازات...

وهو عصر الإختصارات وعدم الطوالة في كل شي... فالأكل أصبح (فاست فوود) والتحضير للطعام بات بالمايكروويف

حتى الرسائل (sms) بنتا نحس أنها بطيئة وأتجهنا لل بي بي إم حيث فورية الحديث...

منذ عشر سنين كان المتخلف اللي ماعندة انترنت....و اليوم المتخلف اللي ماعندة (دي أس إل)

أي ان كل شي حولنا اصبح سريع... والسرعة تتطلب الوضوح .. فكل شي بات واضح امام أعيننا ونعرف كيف نتصرف ..وبسرعة

إلا أنت يا أيتها المرأة....



فمازالت مفاهيمك غير واضحة...وما زلت تعشقين الطوالة ..في كل شي .. بالحديث وبالسوق وبالطريق وباللبس وبالجلوس بالمطاعم وبالمسلسلات .....أخ



ثم ماهذا الغموض ؟؟؟ إننا نعيش عصر السرعة وحياتنا بالكاد تمر علينا كشريط سريع لنقف في نهايتة (منبرصين) لا نعلم هل انجزنا ام اننا ضيعنا حياتنا في توافة الأمور

ليش هالغموض ؟؟؟ ليش ما يصير الحديث مباشر واضح؟؟

إذا ودج في شي ...قولي ودي فية... مافيها شي ليش اللفة الطويلة؟؟

ليش تقوليين لمديرك بالعمل .. أنت عمرك ما رضيت لي بإجازة .... مع إنة رضى لج أكثر من مرة؟؟

ليش تقولين لإبنك.. انت كلة شيطان .. مع إنة المسكين نوعة حبيب وهادي ولكنة يمارس طفولتة؟؟

ليش تقولين لزوجك.. عمرك ما سفرتنا ؟؟ مع إنة من سنتين أمسفرج؟؟



وبعدين ليش مايكون الحديث مباشر مع الرجل..او حتى المرأة!!؟؟



ليش بقص شعري مع إنك تعلمين أن شعرك حلو ... بس لأنك تبين تسمعين من الطرف الثاني كلمة (لا لالالالالا) شعرج وايد حلو لا تقصينة

ليش تقولين البدلة هذي مو حلوة أمطلعتني متينة .. بس لأنج تبين تسمعين كلمة (اللــــــه شحلوها هالبدلة امخليتج غصن لبان)



ليش تقولين مابي اسافر... مع إنج ميتة على السفر والوناسة؟؟



ليش تقولين نروح الأفنيوز ولا 360؟؟ مع إنج تبين إتمشين بالأفنيوز؟؟



ليش تقولين حق ابوج أن ضايق خلقج ؟؟ بس علشان تشوفين إهتمامة فيج .. مع إنج مافيج شي؟؟



ليش تصرين على رمي الجمرات في الحج وتعاندين أخوج ؟؟ مع إنج تدرين إنج ممكن نتفقصين ؟؟



المرأة اذكى من الرجل بدرجات ولكن لا يتصرفون بذكائهم مع الاسف..



عزيزتي المرأة... صيري واضحة بارك الله فيج.... ترى العمر لحظة

هناك 31 تعليقًا:

ZooZ "3grbgr" يقول...

انشاالله عمي

عاد انا من زمان جذي

بس بحاول اصير صريحه .. كرجل

:")

nanonano يقول...

أنا شخصيا ما أحب أندقر..فكله أحاول ألف و أدور كجس نبض..لما أتأكد أذا الموضوع فيه دقره و لا لأ..و بعد ساعات تصير بدال الدقره زفّه..فتقدر تقول أني بهالطواله..أتوبّى

why me يقول...

لول


بحاول



بس صج صج ضايق خلقي .. وماعندي احد يسألني ليش ضايق خلقج !

الزين يقول...

:)))))

عجبني البوست مرررره

وربي انت طايح على خرابنا كله

حسافتج يا كويت يقول...

زووز

عفية عالشاطرة

:)

حسافتج يا كويت يقول...

نانو

يعني في كلى الحالتين شي مو زين يا نانو

يا زفة يا دقرة

فخلج صريحة وواضحة احسن

حسافتج يا كويت يقول...

واي مي


مو ضروري احد يسالج


انتي جابلي عمرج واستانسي

صدقيني بترتاحين والله

خلج من الاوادم مايفيدونج والله

حسافتج يا كويت يقول...

الزين

هلا بالغالية



وانتوا طايحين على بلاوينا بعد

مفيش حد احسن من حد

جبريت يقول...

متابع لتعليقات النساء والقوارير

جود انه وحده تقنعنا بوجهة نظرها يمكن وجود انه لا تنفع معاهن لانهم افضل مني ومنك يستمتعون بحياتهم اكثر ماخذينها سيبان البنات على شغلهم وشغل غيرهم يتعطل عشان سيبانهم وهذي ميزه تحسب لهم بس هل من مبررات لها مقنعه

انتظر التعليقات من القوارير

why me يقول...

ايــــــــــــــــــــه

شلون خلني من الاوادم الواحد لازم يحس ان في احد يسأل عنه






الله كريم

انا حرارتي مرتفعه وبالدوام .. حدي خواره اليوم لوول

أتيت متاخرة يقول...

عزيزي الرجل .... الأب ، الأخ ، الزوج ، الأبن ، زميل العمل ، حسافتج

يزاكم ربي خير
بس تحملونا نحن خلقنا من ضلع أعوج .... اذا اردت تقويمه انكسر
خلونا على اعوجاجنا شحليلنا بس كله تدقرون فينا ترى ننكسر ..... ونخدش ونجرح اذا انكسرنا

جذيه ابرك لكم ولنا

حسافتج يا كويت يقول...

جبريت

فعلا انا ناطر احد يقنعني

حسافتج يا كويت يقول...

واي مي


لنفترض محد سال عنج؟؟


شلون يعني تنتهي الدنيا؟؟


قديما قالوا

مايحك ظهيرك إلا ظفيرك

شدي حيلج الحياة حلوة

حسافتج يا كويت يقول...

اتيت متاخرة


شدعوة ضلع واعوج واعدلة


يبا ما طلبنا شي إلا الوضووووووح فقط

1+1=2 بس

انتوا ارتاحوا

why me يقول...

اهو شوف عدل كلامك

بس مادري اتظل المرأه بحاجه الى رجل يسأل عنها

مو ولا مو مو؟؟








اي تعال على طاري 1+1 = 2



المرأه تحب تدلع


عيل شون عيل
;pp

حسافتج يا كويت يقول...

واي مي

ماقلنا شي


تدلعوا بس صيروا واضحين

ابيض ولا اسود
ابي ولا مابي

اييي ولا لأ

السالفة وايد سهلة وما يبيلها تعقيد

ارتاحوا

انتوا مو مرتاحين من اساس

why me يقول...

ummmmm



أقنعتني

انا مو مرتاحه
ابيض ولا سود اختار رمادي


احن على الطلعه ولي صارت الطلعه اقول ها لا اشرايكم ما نطلع



لا لا لا لا
جنك اقتعتني ..

حسافتج يا كويت يقول...

واي مي

شفتي شلووون؟؟

انتوا لازم ترتاحون و(تريحووون بعد)

والله فجأة بصير عمركم الف وانتوا ماخذين الدنيا جد

ارتاحوا

why me يقول...

اوكي


انا برتاح الحين .. خلص دوامي لووول

بروح الطبيب حرارتي مرتفعه


سي يو


ولي عوده

another day يقول...

أنا شخصيا ما أحب اللف والدوران


ودايم سييــــده

وحددي صريحــه وواثقــه من نفسـي
وهذي ميزتي من صغري والحمدلله

الور والباقي

على الريال اللي مايعجبه العجب

والله لا يقط بنت بريال عنييـــــــــــد

واااي
تنتحر أحسن
:((

حسافتج يا كويت يقول...

واي مي

سلامات

Mohammad Al-Yousifi يقول...

lol

حسافتج يا كويت يقول...

انذر دي


صورتين شخصيتين

واسمك الكامل

ووظيفتك

علشان نحطج في جينيس

حسافتج يا كويت يقول...

مطقوق


لا تعلييييق


ههههههههههههه

Shaikha يقول...

LOOOOOL !

والله خوش بوست ..
بس شوي مو صريح P; !

يعني تبونا نقول ..
نبي ونبي ونبي بصريح العباره .. بتقولون " حنانه " !

فـ الوحده تييكم بطرق مختلفة .. مره سفرني ، مره والله من زمان ما طلعنا وهكذا ..

على فكره هم عزيزي الاب الاخ والزوج والزميل وهكذا ..
خلك صريح ، مثلاً لا تقول ..
ها ما تعشيتوا ؟
قول سوو عشا وخلاص !

وأنا أتفق مع اتيت متأخره صراحه ، خوش حجي والله P;

وعلى طاري بقص شعري لول ..
والله فعلاً ، قاعده اناقش هالموضوع مع الاهل والاصدقاء ..
مو لاني ابي الناس تقولي شعرج حلو لا تقصينه ! لأ ..
أدري شعري حلو مو محتاجه اثبات ودليل قاطع ، بس يعني لازم نشاور الوالده وهكذا يعني عشان لا نحصل زفه محترمه !

او اذا وحده متزوجه ، تقص شعرها من غير ما تسأل ريلها ..
يسويلها فلم " انتي ليش قاصه راسج "
راسج عاد لوول !! جاملها زييين ..

=\\

عزيزي الرجل ، انت ما ينفع معاك الوضوح .
P;

why me يقول...

الله يسلمك .. مشكور



شوف بعطيك مثال ينطبق على الاغلب



هو: حبيبتي بعترف لج بشي
هي : شنو حبيبي؟
هو: اهو شي قديم من زمان
هي : اي شنو اهو؟

هو : كنت احب وحده وايد وكانت كل عمري .. بس ييتي انتي وغيراي حياتي قلبتيها

هي : شنهــــــــــــــو ؟ وانا ليش اتقولي وشكو اتقولي

هو : توه انتي قلتي قولي



;pp


ما عليه هذا سيناريو سريع مو مظبط بس لاني فاهمه قصدك وحبيت اوضح اكثر
:)




وصباحك كرز

:)


have a nice day

Sweet Revenge يقول...

"المرأة اذكى من الرجل بدرجات "

صح السانك في هذي معاك حق :),حسافتك شنو تبي ,تبي الزوجه عقليتها وتفكيرها مثلك مايصير
راح تصير واحد من الربع وتالي انت الي راح تتضايق منها وتروح تتزوج عليها
الله سبحانه خلقنا مختلفين ,استمتع بالاختلاف ولاتحاول تفهم تري الفهم مضر بالصحة P:

EngineRaa يقول...

مساك الله بالخير اخيي حسافتج يا كويت
صج صارلي فترة ما شاركت بتعليق على بوستاتك بس ما يمنع اني متابعه بوستاتك وخصوصا بعد انعزالك فترة وعودتك مجددا وبوستك وايد عجبنى لانه ابتعدت اشوية عن السياسة الي عورت راسنا بسبب سوء الاحوال الداخلية ، بس ما يمنع اني اقولك هم متشائم... المراة والله كائن لطيف بس المشكلة انتوا منتوا عارفين تتعاملون معاها لازم تقرى المانيوال لطريقة التعامل
:)
شوف يا طويل العمر ,,,انا من النوع الصريح وعندى اقصر الطرق الخط المستقيم ، شنو استفدت من هالاسلوب
خسرت ناس وايد، مو علشان اسلوبي مو لبق او جارح بل بالعكس الكل يشهد لي برقي اسلوبي فى الحوار وخصوصا ان شغلى فيه احتكاك مع مراجعين من جميع الاعمار والفئات.

وحسب ما رأيت ان بعض او اغلب الرجال يخشى ويخاف من صراحة المراة ويعتبرها جرأه او بعتبرها وقاحة احيانا او أمر وذلك كلا حسب ثقافته وتربيته ، فدرأا للفتن الافضل ان المراة تستخدم الغموض او اللف والدوران وهذا له فوائده:
اولا : تشغل بالك فيها فما تنتبه على احد ثاني لوووول
ثانيا: اذا كنت انت عزيزي الرجل سيده وصريح واهي كذلك راح ااتصير الحياة ممله رتيبة جنكم الات، اهي اتحب الاكش
فتسويلك حركاات بعدين استمتع بالغموض حتى لو كاشفها سو روحك غشيم وارضي غرورها صدقني تكسبها.
واعتذر على الاطالة ..

illusionist يقول...

انشاءالله :)

kal ho na ho يقول...

والله يا أخي الفاضل نساء العالم واضحات ..

المشكلة تكمن في أمخاخ "السادة" (الرياجيل) .. طال عمرك !


ودمتم

OpTiMiStiC Ra'3m El'6rooF يقول...

الله ,, عارف الحرييم عدل ههههه

بس انا غيير والله هيهيهي

انا ارووح حق ابوي

اقوله يبا بروح ( المكان الفلاني )
توديني ؟ قال ايه كان بها قال لا لفيت راسي ونمت خخخخخ

أو يبا ابي فلوس عشان اشتري الشغله الفلانيه ,, ونفس الحجي قال اي كان بها قال لا لفيت راسي ونمت ,,


بس صح انا مع امي الف وادوور
لانها تخووف اتزف خخخخخخ فدييتهاا

بس بالاغلب انا سيييييدا

خوش بووست :)