اسئله مهمه يجب أن نجد لها إجابة بأسرع وقت حتى نعرف كيف نتصرف...
هل أصبحت الاسرة الحاكمة بالكويت أسرة من فخار يكسر بعضة؟؟
هل أصبح نواب الأمة بالكويت فخار يكسر بعضة؟
هل أصبحت الحكومة الكويتية حكومة من فخار يكسر بعضها البعض؟؟
هل أصبحنا نحن كشعب فخار يكسر بعضة؟؟
لا إقتصاد ولا سياسة ولا رياضة ولا شي !!
لج الله يا ديرتي ... لج الله يا الحبيبة... ما بيدي شي والله يا كويت ولا جان فديتج بعمي كله
مع الأسف القادم اسوء .... وحسافتج يا كويت ... وإلى أن نلتقي عن قريب بعد نهاية حرب الفخار.... إسمحولي سألتزم الصمت فالكويت بدأت بالإنقسام
حسبي الله ونعم الوكيل .....
وكلمة لسمو الأمير .... أرجوك أرجوك أرجوك إنقذ ما يمكن إنقاذة فالبلد أمانة ونحن رعيتك ... وأعانك الله
في أمان الله !!!!
الاشتراك في:
تعليقات الرسالة (Atom)
هناك 21 تعليقًا:
إجازه
فخارنا علج مو راضي يتكسر
قبلك خذينا إجازه بسبة المغثه اللي قاعده إتصير بالبلد , وماكو فايده (:
الديره , مقلووووبه , فوق تحت !
الحل لكل هالمشاكل , ذكرته من سنه و مازلت أقوووله للحين !
الحل بالحل غير الدستوري للمجلس
و تعليق الماده 107 من الدستور
مع إني مابي هالشي يصير , بس الضروف تحكم وماعتقد أكو علاج ينفع إلا هالحل .
لعل و عسى ,, نتسنع و يتسنعون و تتسنع الديره بعد هالحل !
حافظج ربي ياكويت
ومالووومك عالإجازه بصراحه (:
تحياتي
(:
يا حظك
اجازة وين بتهرب من الواقع خو راجع راجع و بتشوف و بتسمع صوت الفخار و التكسير
إجازتك مرفوضة !
ابو عبد الملك
عزيزي أمتنع عن النشر لنفس الاسباب السابقة
ولا تقول لي لومة لائم... تبي عندك مدونتك وربي يحفظك
وكلامك صحيح وهم الشعب له دور في اللي صاير
مطقوق
لا يا عزيزي الوضع فعلا مخيف
ابو غرايم
إنزين حلوة غير دستوري؟؟
وبعدين؟؟
إذا ناصر السادس موجود لا طبنا ولا غدى الشر
إنتر
حتى الإجازة محسود عليها؟؟
يا حبيبي فال الله ولا فالك مانبي نسمع صوت فخار
بالنهاية كلنا اهل
بس والله يا بو وليد إني اشوف شي عظيم ياي بالدرب
بو بدر
عزيزي خلني ماخذ إجازة احسن مما يفلت لساني
الله يوفقك بإجازتك
:)
ماقدر أقول إلا "لا تيأس من وطنك" !
للأسف اليأس وصل في بعض الشباب إنه يطالب بحل غير دستوري ، وعباله الحل الغير دستوري اهوا الحل ، والعكس صحيح ، الحل الغير دستوري سيزيد الطين بله !
تفاؤلوا بالخير تجدوه
الحمدلله حالنا احسن من غيرنا
واكيد نبي الافضل وان شاء الله تفرج
شكراً
يمكن تكون مرحلة مخاض
ونتمنى ان تسفر الولادة عن مولود صحيح
انت عبالك ما يدرون؟ عبالك مو قاعدين يتطمشون وساكتين ؟
شمعنات السكوت؟ راضين؟ ولا ليش ساكتين؟
ليش مايحركون شعره ساكنين؟
اتحداك ان هذا اللي يبونه. بس مادري ليش.
مادري شنو اللي شافوه منه. مادري شنو اللي سويناه فيهم عشان ينتقمون منه جذي.
الله يسامحهم، والا الله يهديهم.. مادري شدعيلهم.
شنو ناقص هالبلد عشان يصير من احسن ما يمكن؟ فلوس وموجوده، شباب موجودين، طاقات موجوده.. كل شي موجود. شالمشكله؟ مانبي كلمه بالتلفزيون ولا خبر بالجريده. نبي أوامر للحكومه انها تشتغل. تطري عليكم دبي قبل جم سنه؟ كل كالمه والثانية "هذا القانون اوامر محمد بن راشد.." مو احنى بالكويت.. اخر مره سمعت جمله شبيهه يوم بمواقف شرق من واحد مصري... "انت عادف هذي من مصافطه؟ هذي مصافط ولد..." الله يحفظه.
وبعدين؟ ناكل تبن؟ عيل ليش علمتونا وسويتونا؟ ليش عشمتونا وقصيتوا علينا؟
حسافه هاللي قاعدين يسونه فينا. بس خل يحطون شغله وحده ابالهم.. كلهم مسؤولين عن هالديره باللي فيها. وفي يوم من الايام راح يقابلون ربهم وراح يسئلهم على كل شي سووه. وشنو اخر شي راح يكون كلامهم؟ ظلمنا ناس عشان بوك فلان؟ ولا لحية فلان؟ ولا خاطر فلان؟
هني الكفار يفكرون بأحفادهم.. كالشي يسونه بدنيتهم يقولون عشان عيال عيالنا. طيب فكرو بعيال عيالكم. ترى الفلوس تروح وترد.. بس العمر واحد.
صحيح انه الله حافظنا. بس لي متى؟ يقولون اليهود انهم شعب الله المختار.. احبائه وابنائه... مساكين هاليهود.. عيل احنى شنقول؟
ناس رباده.. كساله.. في يوم من الايام ديرتنا كانت اتسمى "القريه النائمه" ومن وين ماندري طلع لنا نفط من تحت ريولنا. خير من الله كثير ما خلص. كل دول العالم طلع لها نفط وخلال عشرين سنه خلص.. إلا احنى اربعين سنه واحنا نشفط.. حيل.. وبكل سهوله بدون تعب.. حامدين ربنا على هالنعمه؟ سوينا شي بهالدنية حق مستقبل احفادنا؟ ولا شي.
احد يقولي شنو اللي سويناه عشان نكون ناس نستاهل هالنعمه. شعب ثلاث ارباعه ضايع بمقصه السياسه البطاليه، والباجي منه لاهي ركضه ورى الدينار ولعب الدنية. شنو سوينا عشان نستاهل هالنعمه؟
لكن الكلام شمنه فايده؟ عيزنا واحنى انتكلم. الله كريم.
لو الإجازة تحل المشاكل جان أنا أقدم إستقالة :)
المثل يقول خبزن خبزتيه يا الرفله اكلي ...وحسبي الله ونعم الوكيل على اللي حاسونه حوس هاللفواااا لا بارك الله فيهم
سوء الإدارة بالبلد والكثير منه متعمد يدعي الأغلبية الى الخوف
لكن الخوف يجعل البعض يدافع عن البلد ولو بعد صحوة متأخرة
ويجعل البعض الآخر يتسارع في سرقاته لتأمين نفسه (!؟) بعد قناعته التامة في زوال البلد أو إمكانياتها على الأقل
يدرون
وهناك ضوء أخضر
عيدك مبارك ...وتقبل الله طاعتك
شكثر مطوله هالاجازه...؟؟؟
فاقدينك........1
العيد عليك يتبارك وعساك من العايدين الفايزين :)
عيدك مبارك
إرسال تعليق