أمي تقول ليــش يطقونهم ..يا ربي الطق مو زين
أ
بوي يقول قلعتهم ..خل يطقونهم .. هذيله يسون فتنة بالبلد
أخوي يقول اي فتنه؟؟ هذيله محد طلعهم إلا الحكومة .. الحكومة غلطانة ويوم غصت فيهم كفختهم
إختي تقول إلا قول من المجلس اللي مصخها مو محترم احد
خالي يقول كل هذا عشان جويهل طقوة؟؟
خالتي تقول لا كل هذا عشان هيبتهم راحت ويحاولون يردونها
عمتي تقول اللي صار غلط مهما كان هذيله كويتين وعيب يطقونهم
عمي يقول ناصر المحمد إنتهت صلاحيته
يدتي تقول خلاص مانبي مجلس خربوا الكويت والله
يدي يقول خوش والله عشان الحكومة تبوق وتخنبج براحتها لا حسيب ولا رقيب
وأنا اقول مو مهم منو صح فيكم يا هلي... المهم إن إعيال إبليس نجحوا باللي يبونه وخلو البيت الواحد ينقسم والكل يبات زعلان
حسبي الله ونعم الوكيل... حسبي الله ونعم الوكيل اللهم من اراد السوء ببلدي وأهلي رد كيدة في نحرة وخله يشوف اللي سواه فينا بعياله واهلة
تفرقوا اهلى وعلا صراخهم أمام الجيران وانا مازلت حيران وهذا ما أبكاني !!
الاشتراك في:
تعليقات الرسالة (Atom)
هناك 6 تعليقات:
هــذا اللي يبون يوصلون له
والهدف ان الناس تنشغل ببعضها ويفضى لهم الــجو
هذه بداية خطة التنمية اللي وعدونها فيها ؟
لاحول ولا قوة الا بالله
اللهم انجنا
^
بسكم حجي وتركوا الهيبة في الكويت تاخذ مجراها !!
مو مهم الي نقوله احنا المهم الي يسونه هم
ساخر
اي هيبة هذي ؟؟؟ والله تضحكوني لمن تقولون هيبة الدولة ... الهيبة مو بالطق ياخوووي
شوف الامارات وصلت الله يحفظهم وديرتهم مو ديمقراطية بس الحكومة والشعب يحترمون بعض ماشفنا هيبة الطق .. وقطر كذلك والسعودية الي اهي اكبر دولة خليجية ونظامها اسلامي ما شفنا منهم شي اسمه هيبة الطق باي قاموس هذا ؟؟؟ طبيعي قاموس الافلام الهندية الي يورونا ان الشرطة والحكومة تفرض هيبتها بالطق والقتل والله حرام الي قاع يصير عيب عليكم
الواحد مو لازم يحتار ويقول اوقف مع منو ياربي ؟؟؟ خل كل واحد يصير حيادي ويوقف هالمهزلة فورا
كل هل كلام دار براسي من يوم الي صار فيه الي صار االي هذي اللحضه =\
ما ادري شنو الصح وشنو الغلط
بس خلاص خلاااااااااااااااااااااااص
احنا تعبنا و الكويت اتعبت ...
لا حول و لا قوه الا بالله
ربي يحفظج يالكويت
حسبي الله و نعم الوكيل
حسبي الله على الي كان السبب بكل شي
من متى مانحس بالامان بالكوييت
ربي يحفظج
قولوا لنا شنو نسوي للكويت
ونسوي لها المطلوب و زوود ="(
لولا إنقسام الشعب لما تجرأت السلطة في فعل ما كانت تتمناه منذ الستينات وحاولت فعله بأشكال مختلفة إلا أنها فشلت لكن اليوم... الشعب منقسم بتعمد من السلطة ذاتها التي تخطب بعكس ما تفعل وأيضا قليل الوعي سياسيا... لهذا أصبحنا فريسة سهلة بعكس رجال الأمس!
إرسال تعليق