مفيش فايدة !!

في أحد استيديوهات مؤسسة زمن العجايب للإنتاج الفني

كان فريق العمل الخاص بمسلسل (مفيش فايدة) يقوم بتصوير أحداث الحلقة الأخيرة من هذا المسلسل

وقد تم دعوه عدد من مدراء ومسؤولي المحطات الفضائية لمشاهدة احداث الحلقة الأخيرة من المسلسل وإعطائهم نسخة منه لكي يقتنعوا ويشترون المسلسل لمحطاتهم وعرضة ..

وفي هذة الاثناء

صرخ مساعد المخرج وقال:

اوووووووش سكووووووت هنصوّر !!

الزوجة وهي تدخل على زوجها وهو يتكم بالتيليفون:

انت بتكلم منين ؟؟

الزوج مرتبكا : انا ....مفيش حد (ويافل التيليفون)

الزوجه: مش عيب عليك يا شايب يا عايب تكلم بنات اد احفادك؟؟ انت ايييه مش هتوووب ابدا؟؟ دنته رجلك والابر ... خلاص باه توب

الزوج: مين الّك.. انا بكلم عبد المجود صحبي

الزوجة : اه إعميللي الشويتين بتوعك يا خوية.. فاكرني تايه عن افعالك واللي بتعملة من ورايه .. عيب عليك كل يوم تيجي وريحة الخمرة تفوح منك واميصك مليان روج

الزوج: اخرصي يا وليه يا حرباية . أنا راجل البيت وهعمل اللي انا عوزه من غير محد يكلمني ...

مدير قناة الادب : ستووووووب كات.... ايه دة .. ايه الإنحلال الاسري اللي عمال اشوفة في التمسيلية ديه . انا القناة بتاعتي لا يمكن تشتري المصخرة دي

ويخرج من الاستيديو

المخرج: غور في ستين داهية انا المخرج وانا الكل بالكل واعمل اللي انا عوزة... داور الكاميرا .... 3..2..1.. اكشن

الزوجة: طب على الأأل بص لولادك بص شوفهم عاوزين اية محتجين اية احمد محتاج فلوس يخش الجامعة وهناء عاوزة فلوس عشان تساعد جوزها ويشتروا شقة .. ونبيله دايرة على حل شعرها مش ادرة ازبطها ووجمال مصاحبلي شوية الشله الوسخة... اوم ساعدي بتربيتهم مش أدرة لوحدي..

الزوج: هم كبرو وكل واحد بأه مسؤول عن نفسة .. انا مليش دعوة... يعني عوزاني لآخر يوم في حياتي افضل ربي واصرف.. يا شيخة دي عيشة تأصر العمر

مدير قناة المسؤولية: ستوووووووب كات ... اية المصخرة دي.. اية الاسرة اللي الابو فيها مش رادي يدّخل ويحيل مشاكل بيتة

انا قناتي لا يمكن تشتري المسلسل البايز دة

ويخرج من الإستيديو

المخرج وهو ضاحك: غور يا معفن انت بتتريأ على شغلي يا إبن ال......, 3..2..1.. آكشن

جمال وصاحبة يدخلون المنزل ويتوجة جمال لغرفة ابوة

جمال: خد الفلوس دي يا عمر واشتريلنا حاجه نشمها..

عمر : اوكي بس انت امبارح بتاوول معنديش فلوس ... جبت الفلوس دي منين

جمال: من الدرج اللي بالكومدية بتاعة والدي

عمر: يا خبر !!1 انت بتسرء والدك ؟؟؟ للدراجادي وصلت يا جمال؟؟

مدير قناة الأمانة: ستووووووب كات كات كااااات ::: انا لا يمكن اعرض السرقه في قناة الامانة

ويخرج من الإستيديو

المخرج: في ستين داهية... هو جمال بس اللي بيسرء؟؟ ما الدنيا كلها بتسرء يا حمار

3..2..1.. آكشن

وفي مشهد داخل قاعه المحكمة ..يحاكم ابن عم الزوج في قضيه سرقة (طائرة تجارية) كان يرأس مجلس إدارة شركتها ..

محامي المتهم: يا سعادة المستشار هل يعقل لفرد أن يسرق طائــــرة؟؟ !! وكيف ومتى .. ولمازا يسرقها وهو مش نأصه حاجة.. يا ساعادة المستشار.. كلنا نعرف موكلي يباه ابن مين بالبلد .. فهو ليس محتاج ان يسرق .. وشكرا

النيابة: يا سعادة المستشار.. اطالب بإنزال أقصى عقوبه على المتهم لانة سرق الطائرة في وقت البلد محتاجة كل مليم .. وشركاؤه في السجن قد إعترفوا علية .. وهو إن لم يحاكم كسارق يجب أن يحاكم كمسؤول عن هذة الطائرة

القاضي : حكمة المحكمة ببرائة المتهم من التهم المنسوبه إلية وذلك لعدم كفاية الأدلة ... رفعة الجلسة

صوت من بعيد: يحيا العدل !!

مدير قناة العدل: المسلسل ده لا يمكن يخش قناتي... ده قمة بالزُلم

ويخرج من الإستيديو

المخرج: يا عم غوووور ... إحنا ورانا شغل .. زلم إية اللي انت جاي إتأووول علية

3..2..1.. أكشــــــــــــن

المشهد الأخير

الأم تبكي وتنوح على حالها وكيف أن ابناؤها قد خذلوها .. وتقول:

يا رب نجيني من ولادي وطلعني منلي انا فيه يا رب.. انا مش عارفة كان مستخبلنا ده كله فين بس يا رب.. يا رب عوضني عن ولادي خير دة انا ربيت وكبرت وعلمت وبالآخر طلع الحرامي حرامي والنايم نايم والوسخ وسخ.. يا رب اهديهم ده انا مليش غيرهم

يا رب إهديهم ولا خدهم.. او خدني وخليني اخلص

وتنزل دمعتها ولا احد يمسحها لها

النهاية

مسؤول قناة الكويت: برافوا هايل يا مخرج... إحنا نبي نشتري هالمسلسل وباي ثمن يا مخرج

ويذهبون للمنتج ويشترون المسلسل بعشرة ملايين دولار

ويخرجون لقضاء سهرتهم في ربوع القاهرة

ويميل أحد الكومبارسية لزميلة ويقول: انا ندمان عشان شاركت بالمسلسل المهزلة ده

ويرد علية زميلة ويقول: احمد ربك انك شاركت بمسلسل من إخراج مخرجنا دة... دة احسن مخرج عرفه التلفزيون والمسرح والسيما

الكومبارس: انت مش شايف المسلسل احداسه مش متركبة صح وملخبط!!؟؟

ويرد زميله: اووووش اُسكت اُسكت مش عاوزين حد يسمعك .. أصل المخرج بحب المسلسلات دي .. والمخرج عاوز كدة

-------

الجدير بالذكر ان هذا المسلسل بعد عرضة بالتلفاز قد حاز على جائزه الدولة التّطبيله... وقد تم ترجمتة باللغة المكسيكية وجاري إتفاقية تبادل المسلسل الناجح في بعض دول أمريكا اللاتينية