عيد يا وطني
عيد امجادك وعيد عزك
عيد شعب كان يحبك
عيد يا وطني عيد
عيد حساباتك مع من تظن انه يحبك
عيد الزمن اللي كان
عيد وارسم الفرحه بكل مكان
عيد ايام جابر وسعد
عيد ايام الكلمه والعهد
عيد يا وطني عيد
عيد شادي وسناء
عيد الفرحه والضياء
عيد الربعي والخطيب
عيد خل جرح الكويت يطيب
عيد النهمة واليامال
عيد ملينا من حجي اليهال
عيد مجد الرياضه من جديد
اخنقونا اعيال الشهيد
عيد يا وطني عيد
عيد حصه وطيبه وغنيمة
ما نعتمد على لينا وديمه
عيد رياييل اول
اللي الزمن عقبهم تحول
عيد الهيبه وقول لنار الفتنة انطفي
بعد ما صار الشيخ ينتسمى لاجئ عاطفي
عيد الروس اللي نامت
عقب ما شفنا العصاعص قامت
عيد ولا تقول اليوم عيد
العيد من غير عز ماهو عيد
ولا اقولك...لا تعيد
انسف وابدأ من جديد
الاشتراك في:
تعليقات الرسالة (Atom)
هناك 7 تعليقات:
من زمان و الكويتيين يسمون المطر الخفيف ديمة!
لحظة يبا طبيت بربعنا
شفيها ديمه؟
صندوق حمد بنته ديمه و في عندنا زميلة اسمها ديمة
و ديمة بالتأكيد احلى من طيبة و غنيمة
ارجوك
السلام عليكم
يعل ربي يعيدها عليك كل سنه عشان تتحفنا بهالكلام الحلو واللي بنفس الوقت يعور القلب.
عسى الله يكثر من امثالك وينسفها فوق راس كل واحد قلبه مو على الكويت بس على مصالحه الشخصيه.
حسبي الله ونعم الوكيل
ودمتم سالمين.
تنويه
من احلى الاسامي واقربها لقلبي اسم ديمه
ولم اقصد الاساءه للاسم ولمن حامله
القصد ان الاسم بدا الناس يسمون به منذ فترة بسيطة
والمقصود بديمة هو تركيب الكلام مو اكثر
وللاخت ديمة اقول لها ان كلمة ديمة فعلا كلمة قديمة بس قصدي فيها الجيل الجديد الذي لا يتحمل المسؤوليه
وطبعا مو كلهم
وما اردت ايصاله هو ان الجيل الجدين من الشباب يبيله نفظه سنعة
ودمتم
وعلى راسي كل ديمة
:*
ياااا كويت
حبج دفـاااااا
/
ديمه ..، لا تزعلين اليوم فرحه
كل عام والكويت وأهلها بخير
الله يحفظك يا كويت
كلامك جميل و في نفس الوقت يعور القلب ...
عندي دائما بصيص من الامل بأن القادم اجمل و ان كان واقعنا لا يبدو كذلك ...
رب البيت دائما كريم :)
إرسال تعليق